الجزء الخامس
بالمستشفى وبالتحديد بغرفه روان
فتحت عيونها ع نور الشمس اللي نور الغرفه كلها
كانت تحس بتعب هالكها حييل طالعت بالساعه اللي ع الجدار كانت 10:30 الصباح حاولت تجلس بس مو قاادره ابد كأنها مشلوله
ميلت سريرها بالزر لين ما صارت جالسه بس مو مرة <<يوووه شلون اوصف -_-" هع
المهم ما علينا نكمل
صارت تطالع من الشباك وتشوف ناس تحت بعربياتهم وقاعدين بحديقة المستشفى سرحت فيهم وصارت تفكر بنفسها وبهالمرض اللي ضايقها حييل
شوي تشوف خالد واحمد داخلين من بوابه المستشفى ابتسمت وقالت بخاطرها:زين حمود جا ان شاء الله يوافق بس
...
احمد وخالد طالعين لروان بغرفتها دقايق وهم عند الباب احمد دق الباب وروان قالت:ادخل
فتح احمد ودخل هو وخالد وهم مبتسمين وقال احمد:صباح الخيير
روان ابتسمت وقالت:صباح النور
احمد وهو يجلس:اخباارك
روان:تمام
خالد طالع فيها وقال بخاطره:هه تمام والله من جنبها
روان طالعت بخالد وقالت:شلونك خلود
خالد ابتسم بالحييل وبقلبه كل الام الدنيا:عايشين
روان عقدت حواجبها وقالت:خير ان شاء الله
احمد طالع بخالد وخالد قال:ما بكذب مثل ما كذبتي
روان ابتسمت بتعب وقالت:زين متى تصير تمام صدق
خالد تنهد وقال:الله اعلم
ضحكت روان وقالت لأحمد:شلون امي وسعود
احمد:تمام والله
روان طالعت بأحمد وتنهدت وقالت:حمود
احمد:هلا
روان وهي تبعد عيونها عنه:ابي اطلع من المستشفى
احمد استغرب وطالع فيها وقال:والله ودي روان والحين بس...
قاطعته وقالت ودموعها بعيونها:قلت ابي اطلع من المستشفى
احمد قرب منها وقال بحنان:ما يصير روان وصحتك
روان وهي تمسح دموعها:قدها خاربه خاربه
احمد عقد حواجبه وقال:رورو ما تهونين علي شلون تقولين كذا
روان طالعت فيه وقالت:زين طلعني من هالسجن
احمد قال بحزم:روان صحتك يبي لها عنايه خاصه شلون تطلعين مو غسيل مثل كل مره افهمي هالشي
روان صارت دموعها تنزل غصب وهي تمسحها وتقول:احمد خلااص ذي ايامي الأخيره تكفى ابيها تكون بينكم مابي اموت بهالمستشفى اللي اكرهه حييل ابي اموت بذاك البيت اللي ضم كل ايامي الحلوه معاكم مابي اموت وحدي ابي اموت بينكم تكفى حمود طلعني
خالد لف وجهه وصار يمسح دموعه بطرف شماغه وقال بصوت باين فيه البكا:خلاص رورو انا بطلعك
احمد طالع فيه وقال:شلون تستهبل
خالد وهو يقوم:لا ما استهبل اللي طلبتيه بيجيك
طلع من الغرفه وجلس ع الكراسي اللي بقربها وصار حاط يدينه ع وجهه ويبكي بحرقه وبخاطره يقول:انا السبب لو ما كنت ادخن كانت من اول متعافيه ليه احرمها واخليها تعاني وحدها
شوي الا احمد طلع ويوم شافه جلس جنبه وقال وهو يربت ع كتفه:خلود بس هون عليك
خالد مسح دموعه بطرف شماغه وقال:انا رايح لدوامي
احمد:زين قلي قبل لا تروح شلون بتطلعها
خالد:جيب لها ممرضه خاصه وجهز غرفتها اللي بالبيت مثل هالغرفه وبعدها طلعها ع مسؤليتك
احمد طالع بخالد وهو يائس وقال:خلود مو متقبل فكره اننا بنفارقها
خالد وهو يربت ع كتف احمد بحزن:هالشي بيصير خلاص خلنا نريحها
احمد سكت ونزل راسه وخالد مشى وراح لدوامه
رجع احمد لغرفتها وهو مبتسم وهي قالت:خالد راح
احمد:ايه راح لدوامه
روان سرحت وتذكرت مدرستها وقالت:وانت دوامك
احمد ابتسم وقال:لاحق عليه خليني اجلس معاك شوي
روان ابتسمت وقالت:الله لا يحرمني منكم
احمد:ولا يحرمنا منك ابد ويخليك لنا
روان نزلت دموعها وهي تقول:آميين
...
بعد اسبوعين
احمد داخل المستشفى وطااير ع غرفه روان
فتح الباب وهو يقول:يلا يمه جاهزين
امه كانت عند روان من بدايه اليوم تجهز اغراضها
واحمد وقع ع خروجها ع مسؤليته وطلعو من المستشفى
وصلو للبيت دخل احمد للبيت وهو يدف روان بالعربيه واخوانه كانو جالسين بالصاله سعود اول ما شافها قال وهو يقوم ويروح لها:ياهلا والله تو ما نور البيت
روان ابتسمت وقالت وهي تسلم عليه:منور بوجود اهله
سلم عليها خالد وملامحه باقي كئيبه وحزيينه ابتسمت له وطالعت لقيت الممرضه تستناها عند الدرج ابتسمت لها وجات الممرضه وصارت تدفها بالعربيه
احمد قال لها وهو يأشر ع غرفه قريبه من الصاله:رورو غرفتك هنا مو فوق
روان طالعت فيه وقالت بإستغراب:شلون؟!
احمد:الدرج بيتعبك خليك هنا اقرب
روان سكتت والممرضه ودتها لغرفتها الجديده استغربت يوم شافتها كأنها جزء من مستشفى اكتئبت حيل وقالت بخاطرها:يوووه حتى المستشفى وديكورة لاحقني بالبيت
وطالعت جنب السرير جهاز الغسيل تأففت وقالت:حمود مستشفى ذا
احمد:ههههههه لازم رورو صحتك اهم شي
ساعدتها الممرضه وانسدحت ع السرير وبدت تركب لها جهاز الغسيل روان قالت بتعب:لازم
الممرضه وهي مبتسمه:ايوه لازم
روان وهي تنادي احمد:حمود مافي مدرسه
احمد:لا مرة اننسي
روان والبكوه بحلقها:يووووه
احمد وهو يدخل عندها:عادي اعزمي صحباتك كلهم
روان:اهلهم ما يخلونهم يمكن بس رغد تجي عشان اهلها يعرفون امي ويعرفونكم
احمد ارتبك يوم جابت طاريها وقال:يلا ان شاء الله تتحسنين وتزورينهم
روان طالعت بسقف الغرفه وقالت بيأس:إن شاء الله
...
بالليل الكل ناايم والبيت هاااادي كلهم بالدور الثاني الا روان وممرضتها بالدور الأرضي ممرضتها لها غرفه قريبه منها
روان بالغرفه ومهلوكه من الغسييل والغرفه ضلاااام
شوي الا ينفتح الباب لفت وشافه خالد دخل وقفل الباب وراه وجلس ع كرسي قريب من سريرها وبيده جواله
روان ابتسمت وقالت له:خلود ما بتنام
خالد والحزن باين بصوته:بنام هنا
روان استغربت وهو سكت وعيونه ع جواله
صارت تطالع بوجهه وهي مبتسمه شوي قالت:شلونك مع اريج
خالد بضيق:مابيننا شي
روان:شلون؟!
خالد:اللي سمعتيه
روان:خلود حرام عليك
خالد ببرود:انتو اللي حرام عليكم
روان زل لسانها وقالت:بس اريج تحبك والله تموت فيك
خالد طالع فيها وقال وهو معصب بس كاتمها:انتي تعرفين اعتراضي مو ع اريج وبعدين مافي شعور تجاهها اعتبرها مثلك
روان سكتت ولفت وجهها عنه وقالت بخاطرها:يوووه شلون قلتها
خالد رجعت عيونه بجواله وهي طالعت فيه وقالت:خلود طيب قول لي بصدق ليه ما تبي تتزوج
خالد:مابي اكون مسؤال عن أي احد
روان:لا تكذب علي شلون والحين يعني مو مسؤل عن احد
خالد سكت وعرف انه مافي مجال يكذب عليها لأنها فاهمته وقال:رورو انتي فاهمتني خلاص
روان:لا مو فاهمه ولا شي ابي اسمع بإذني
خالد بضيق:زين خليها تتفرّج من ناحيتك بعدين افكر اتزوج
روان:شلون تكفر فهمني
خالد:هاه اتزوج مو افكر ارتحتي
روان:يعني حتى لو مت
خالد وهو متوتر:لا لا لا وبعدين انا قلت لا عاد اسمع هالكلام
روان:خااالد تكفى ريحنييي
خالد وهو يحط اصابعه بإذنه ومعصصب:انطمي اذا هذا كلامك
روان حطت يدها ع فمها وقالت:زين خلاص
خالد رجع بجواله وهي بدت تتعب من الغسيل وقالت:خالد نادي الممرضه تفك الجهاز
خالد:لا الدكتور موصي 24 ساعه غسيل
روان بضيق:زين تعبت
خالد وهو يشد ع يدها:اصبري
روان قفلت عيونها وهو قال:بتنامين
روان بتعب:اييه
خالد قام وانسدح ع الكنبه اللي قريبه منها وبدا يدخل بنوومه
...
نهاية الإسبوع طبعا وكعادتهم يوم الخميس يا عمهم يزورهم يا هم يروحون له
هالمرة هم بيروحون له
سعود واحمد كانو يتجهزون بغرفهم اما خالد ما يبي يروح كان جالس بغرفة روان القديمة فوق سريرها واغراضها منثرة حولينه وهو يفرفر بجواله
شوي دخل سعود وهو يقول:وين عطر رورو
وطالع بخالد وقال بإستغراب:سلامات ليه ما تتجهز
خالد وعيونه ع جواله:مابي اروح
سعود بضيق:اقول قوم كل ما نروح عند عمي تسحب نفسك يلا بس
احمد بضيق:مالي خلق طفففشان
سعود:قوم بس انت طول عمرك طفشان ولا معصب ولا متضايق يلا بس غير جو
سحبه ودفه لغرفته وقال:يلا بسرعه كلنا جاهزين
دخل غرفته وهو يتأفف وماله خلق حتى يعترض
راح سعود لغرفة احمد وفتح الباب لقاه واقف قدام المرايه ويزبط شعره مشى لين عنده وصار يفتح عطوره ويشم ريحتها ويقول:ما عندك عطر صاحي
احمد بضيق:ياخي انت اكثر شي تشتريه عطور وين تروح
سعود بضحك وهو يبخ بعطر من عطور احمد:سبحان الله احب ريحة اخوي
احمد سحب العطر منه وقال وهو يتعطر:هيا بس خالد جاهز
سعود دوبني قومته غصب ما كان يبي يروح
احمد بضيق:انحاااس خالد حييل هالايام
سعود:كلنا والله مو بس هو الله يفرجها بس
احمد تنهد وقال:يلا لا تتأخرون امي جاهزة من اول
سعود وهو يزبط شعره:يلا جاي جاي
نزل احمد وشاف امه جالسه بالصاله ومسرحه ولابسه عبايتها وقال وهو يبتسم:يلا يمه تأخرنا
امه انتبهت وقامت وهي تزبط طرحتها:يلا يلا وين اخوانك؟
احمد وهو يمشي لغرفة روان:جايين
فتح باب الغرفه ودخل وروان كانت مسرحه ومهلوكه وضغطها منخفظ والممرضه عندها
قال للممرضه:هاه كيفها
الممرضه(مصريه):ضغطها منخفض من الغسيل شوي وترجع بس فتره قصيرة
احمد طالع بروان اللي بالحييل فاتحة عيونها وقال:يلا رورو حنا رايحين لأهل عمي تبين شي
روان بتعب:لا تسلم
احمد وهو يحب راسها:يلا فمان الله واذا احتجتي احد خلي الممرضه تدق علي
روان بنفس النبرة:طيب
قال للممرضه نفس الكلام وخرج
...
ببيت عمهم ابو اريج
البنات كانو كلهم متجمعين ويسولفون ومبسوطين
شوي ريم طالعت بأختها اللي باين ان بالها مشغول وقالت لها:اريج شفيك
اريج انتبهت وقالت:اهل عمي جو صح
ريم فهمت قصدها وقالت:قصدك ع خلود ايه جا
اريج سكتت ولفت وجهها وصارت تقول بخاطرها:مو معقوله مر اسبوعين ع الملكه ولا صا بيننا أي شي
تنهدت وقامت من عند البنات وجوالها بيدها صارت تطالع برقمه اللي اعطتها اياه روان بيوم الملكه ونفسها تكلمه بس قالت:لا تجي منه هو احسن
صارت جالسه وتستناه يتصل ولا يعبر بس مافي فايده
خالد كان جالس مع الشباب وباله منحاااس حييل والقلق ما فارقه من لحظه ما خرجت روان من المستشفى
وهو جالس بين الشباب حس بضيقة تخنقه لدرجه انه صار يتنفس بالحيييل وعبرته بحلقه
قام من عند الشباب وخرج من المجلس وصار يمشي بالحديقة ويتنفس بعمق يبي يضيع الغصه شوي بدى يتذكر كل اياامه اللي كان مبسوط فيها مرت بباله صورة ابوه وحنانه عليهم ووشلون كان كأنه واحد من اصحابهم وبعدها فارقهم بسب حادث بعد موت ابوهم بشهرين فجعهم مرض روان المفاجئ ومحاولاتهم في التبرع لها تذكر انه هو كان يقدر يساعدها بس بسبب التدخين منعوه من العمليه ورفضو الدكاترة يسوونها له بسبب انها بتضره
جلس بضيق ع كرسي قريب من المسبح وصارت دموعه تنزل وهو يتذكر كلام روان بالمستشفى عن موتها
غطى وجهه بيدينه وصار يحاول يمنع دموعه ويتماسك لاكن بدون فايده
بالجهة الثانيه اريج وريم كانو واقفين ويسولفون شوي اريج صارت تطالع ورى ريم وريم تتكلم
شوي عصبت ريم وقالت:هيه اتكلم مع نفسي انا
اريج:شوفي ذا خالد صح
لفت اريج وشافته وضحكت وقالت:الله زوجك وما عرفتيه
اريج:لا بس شفيه كذا
ريم تحمست وقالت:روحي له وشوفي وش فيه
اريج ضاق صدرها وقالت:لا ريم ما عبرني من يوم الملكه صعبه
ريم وهي تدفها:اقول روحي رجلك مهموم روحي طيبي خاطره
اريج ضحكت ع هبال اختها وصارت تمشي بخطوات مرتبكه ناحية خالد
وصلت عنده وجلست جنبه وهي تقول بهدوء:خالد
خالد سمع صوتها ومسح دموعه وقال وهو يطالع فيها:هممم
اريج ارتبكت يوم طالع فيها ونزلت عيونها وهو صار يطالع فيها ويستناها تتكلم
شوي طالعت بعيونه المحمرة وقالت:شفيك خلود
خالد ابتسم بالحيل وقال وهو يتنهد ويسند ظهره:متضايق كالعاده
سكتت اريج وصارت تطالع فيه وهو عيونه بعيده عنها ومسرح
شوي قالت وهي تطالع بعيونه اللي بدت تتجمع فيها الدموع:خلود عشان رورو
خالد طالع فيها وهي كانت مبتسمه بالوقت اللي هو كان محتاج احد يواسيه ويخفف عليه وقال وهو يحط يده ع عيونه ويفركها:الله يشفيها ويخليها لنا
اريج ابتسمت وقالت وهي تمسك يده:ايه هذا اللي بينفعها ما راح تنفعها دموعك خلود انت تحملت اكثر من كذا خلاص ما يصير تضعف هي محتاجه احد قوي يوقف معاها شوف شلون اخوانك معاها عادي مو محسسينها انها متأزمه بس انت مكتئب وتزيدها تعب ع تعبها
خالد مسح دموعه وقال بضيق:اريج والله مو قادر اتخيل ولا اصدق اني بفقدها مستحيل مادري وش بيصير فيني
اريج:كلنا خلود ما نقدر ع هالشي بس خلااص هذا قدرها ما تدري يمكن الله كاتب لها العافيه مافي شي صعب ع ربي ادعي لها
خالد مسح دموعه وهو حس انه ارتاح من كلامها تنهد ورجع سند ظهره وسرح وصار يقول بخاطره:ياربي اريج مابي اظلمها معاي وهي بهالطيبه والله مابقلبي شعور تجاهها الا انها مثل روان مادري يمكن يتغير هالشي وان شاء الله بس
قطعت تفكيره اريج وهي تقول:يلا خلود العشى
خالد وهو يوقف:مالي نفس بشي
جاب يمشي ومسكته من ذراعه وقالت:خلود ما يصير يلا تعشى عشاني
خالد ابتسم لها وما حب يكسر خاطرها وقال:زين بس عشانك
ابتسمت اريج وهو راح يتعشى وهي راحت ناحية البنات
...
عند البنات بعد العشى ريم كانت جالسه بالصاله وامها وعمتها بس اللي كانو موجودين والبنات بالحديقه
شوي الا سعود دخل ويوم شافها لف وجهه يعني انه عفيف ما يطالع وقال:ريموووه
ريم انتبهت وقالت وهي تقوم وتروح للصاله الثانيه:خير شعندك داخل
سعود:ابغى بيبسي خلصوه علي الشباب
ريم اخذت شرشف الصلاه ولبسته وراحت للمطبخ وجابت له بيبسي واعطته وهو قال وهو يخرج ويفتحه:ثنكيو
ريم رجعت وجلست ع البيبي بالصاله شوي الا صوته وهو داخل ويقول:يممممه
امه:نعم
سعوود وهو يقط ويجلس:تبي تطولين
امه بقلق:ليه اختك فيها شي
سعود بضحك:لالا بس اسأل
امه:شوي مو الحين
سعود:شرب البيبسي ورج العلبه لقاها خلصت قام وراح للمطبخ وحطها بالسله وخرج وصار يفرفر بجواله ويقول:اقول يا اخت ريم
ريم:نعم
سعود:ابي اسألك وش تخصصك بالجامعه
ريم وعيونها ع الجوال:انا مو بجامعه يا اخ سعود
سعود بإستغراب:هاه وين
ريم:بمعهد تقني
سعود وهو يرجع بجواله:زين وش تدرسين
ريم:تجميل
سعود بضحك:هذا اللي فالحين به البنات يا شينكم
ريم:الحين وش حارقك عاجبني هالشي ومرتاحه فيه
سعود:هههههه اهم شي عصبتي يلا عادي المهم مرتاحه فيه
ريم بضيق:وش يخصك
سعود:هههههههههههههههه الحين له تعصبين
ريم:لا بضحك لك وانت تمصخرني
سعود:ما امصخرك امزح معاك
ريم:بالله
ام سعود:الحين علامكم تتهاوشون
سعود:ما نتهاوش نمزح
ريم:لا يا عمه ولدك ملقوف درجه اولى
سعود:طالع لبنت عمي
ريم:لا احلف
سعود:ما يحتاج ههههههههههههه واضحه الشغله ههههههههه
ريم وهي تقوم:اهل العقول براحه
سعود بضحك:بالله! توني ادري
ريم تنرفزت منه وطلعت لدور الثاني من دون ما ترد وهو جلس يضحك عليها
وهي تقول بخاطرها:نفسي احس بيوم من الأيام انه جدي اربع وعشرين ساعه يستهبل
...
بعد العزيمه بيومين يعني يوم السبت
كل اخوان روان بدواماتهم والساعه 6:30
روان نادت الممرضه وقالت لها:فكي الجهاز شوي متضايقه منه
الممرضه:لا ما ينفعش
روان بإصرار:فكيه قلت متضايقه
الممرضه:يا بت هتتعبي اوي
روان بضيق:يووووووه زين فكيه
الممرضه رفضت وجات بتخرج الا روان صارت تفكه بنفسها رجعت عندها وصارت تخاصمها وتقول:ما بتعرفيش مصلحتك
روان والبكوه بحلقها:بس شوي والله تعبت منه
الممرضه:ما ينفعش لازم غسيل
روان صارت تبكي وتحاول تفكه هي بالنهايه استسلمت الممرضه وفكته
روان صارت تحاول تقوم لين ما وقفت وحست بدوخه ورجعت جلست شوي نادت الشغاله وقالت لها تجهز مريولها وتخلي السواق يتجهز بدون ما تعرف امها والشغاله راحت تنفذ
الممرضه صارت خايفه وتقول لها بقلق:مقنونه انتي تعبانه ما بتئدري
روان طنشتها ووقفت وصارت تمشي وهي مستنده ع الجدار لين ما دخلت الحمام تروشت بسرعه شوي جابت لها الشغاله مريولها ولبسته وخرجت ولبسة عبايتها وزبطت شعرها جات بتخرج الا الممرضه قالت لها:اجي معاك
روان وهي مبتسمه:لا خليك هنا عشان اذا دق احمد تكوني موجوده اذا قال يبي يكلمني قولي له نايمه
الممرضه مو مقتنعه وخايفه عليها بس روان ما اعطتها فرصه وخرجت مع الشغاله والسواق وراحت للمدرسه
...
بالمدرسه دخلت روان وهي تحس بتعب بس طنشت
شافه المدرسه اللي اشتاقت لها حييل وصحباتها كانو قاعدين بنفس المكان اللي دايم يقعدون فيه
رغد كانت مسرحه وباقي الشله يسولفون مع بعض
شوي روان ابتسمت وقالت وهي تمشي ناحيتهم:رغووووووووووده
رغد لفت تبي تشوف مين يناديها ويوم شافة روان حست بخوف مع فرح مع قلق مع استغراب وقالت بصوت عالي:رووورووو حيااتييي
قامت ع طول وحظنتها بقوه وروان صارت تضحك ورغد تبكي ومو مصدقه شوي انتبهو باقي صديقاتها وقامو وصار يحضنونها ويسلمون عليها
شوي دق الجرس ودخلو
طلعو ع طول للفصل وما حظرو الطابور عشان روان ما تقدر توقف كثير بالفصل قالت رغد:رورو شلون جيتي
روان بضحك:ههههههههه هربت تخيلي ماحد يعرف اني رحت للمدرسه بس الممرضه والشغاله والسواق
رغد:يووه متهورة وصحتك يا خبله لازم لك غسيل
روان وهي تكتم بكوتها:والله وحشتوني ومابي اموت قبل ما اشوفكم ولو اخر مرة
رغد بضيق:لا تقولين كذا
وكل صحباتها قامو يخاصمونها من خوفهم عليها قالت وحده فيهم:قومي وارجعي للبيت
روان:مابي بس اليوم خلوني اجلس معاكم
وصارو يحاولون فيها وهي معنّده
...
بالبيت الممرضه ع اعصابها لا تصحى ام روان وما تشوف بنتها بتقلب البيت ع راسها وفكرت انها تدق ع احمد وتقول له بس اكيد بيخاصمها بس تتخاصم ولا يصير للبنت شي
قامت وراحت للثابت بتدق ع احمد الا وهو يدق ع طول ردت:الو
احمد:الو السلام عليكم
الممرضه:وعليكم السلام
احمد:كيف روان تمام
الممرضه بتوتر:مستر ..روان
احمد قاطعها وهو قلقان حيل:وش فيها تكلمي
الممرضه بخوف:لا مش تعبانه ..بس
احمد:وش فيه طيب
الممرضه بخوف:راحت المدرسه
احمد طارو جنه وقال وهو يقوم من مكتبه بعصبيه:شلون من متى
الممرضه خافت وقالت:من الساعه 6 ونص
احمد:وليه ما قلتي لي ليه خليتيها تروح
الممرضه:هي راحت ما سمعتش كلامي وقالت لي ما اخبرك
احمد قال بعصبيه:ياربيي زين لا تقولين للمدام
الممرضه:اوكي
وقفل الخط وع طول طلع من مكتبه وهو معصصب وراح لمدرستها وهو بالطريق دق ع السواق وقعد يخاصمه ساعه عشانه وداها
وصل للمدرسه وكانت الساعه 10 ونص يعني بعد الفسحه
الحصه الرابعه
روان كانت بالفصل وهي بدت تتعب بس تكابر
شوي الا دخلت المرشده الطلابيه للفصل وقالت:روان ال......... وينها
روان:انا
المرشده:لمي اغراضك وانزلي لي تحت
روان بخوف:ليش
المرشده:اخوك جا بياخذك
روان انقهرت وبنفس الوقت خلاص تعبت بس كانت تبي تطول مع صحباتها
لمت اغراضها ولفت طالعت فيهم ودموعها بعيونها وقالت وهي تسلم عليهم:باي
سلمت ع رغد ورغد حضنتها بقوه وصارت تبكي وروان ما قدرت تمسك نفسها وصارت تبكي
شوي فكوهم صحباتهم ونزلت روان وصارت تلبس عبايتها وهي تقول بخاطرها:الله يعينني ع الخصام والصراخ الحين ان شاء الله ما يكون خالد
خرجت وشافه احمد واقف عند السياره ومعصصصب مرت من جنبه من دون ما تتكلم وركبت السياره وهو ركب ومشى بالسياره وهو يحاول يمسك اعصابه لا يثور شوي ما قدر يتحمل وقال بعصبيه:يعني متى بتتركين العناد
روان ما ردت لأنها تعرف انها غلطانه بس صارت تبكي ع الصامت
وهو عاد بدا يخاصمها لين ما وصلو البيت
جات بتنزل من السياره بس ما قدرت حست برجولها ما تحملها وقالت وهي تبكي:احمد ماقدر امشي
احمد صار يساعدها ويقول:هاه شفتي هذي اخرتها ما تعرفين مصلحة نفسك اهم شي تنفذين اللي براسك
دخلها غرفتها وهي بدلت ملابسها ورجعت لدوامه الغسيل ودموعها ما جفت
وهو رجع لدوامه وهو متضااايق حييل من اللي سوته
...