الجزء الثالث
عند الشباب قام سعود من عندهم وصار يمشي جهة قسم البنات والبنات كانو جالسين ويسولفون وقال:روان جوا
اريج:ايه وريم معاها
سعود:زين قوليلها ابي ادخل
اريج وهي تقوم وتدخل:طيب
دخلت وقال لريم:ريم سعود يبي يدخل
ريم قامت ولبست شرشف الصلاة وجلست واريج
راحت له وقالت يلا ادخل
دخل سعود وهو يقول:سلام عليكم
ريم وهي ماسكه يد روان:وعليكم السلام
سعود طالع بروان وروان مقفله عيونها بتعب وجلس جنبها وتنهد وقال:متى تزرع وترتااح
ريم طالعت فيه وهو كان يطالع فيها ومحتااار حيييل مل من هالمنظر بعد كل يومين تروح تغسل لا وهالمره يومين ورى بعض وقال لريم:تصدقيين احسها تعبت بزياده اول كانت تغسل كل يومين وهالمرة غسلت مرتين ورى بعض
ريم بحزن:ان شاء الله تسوي العمليه والله نفسي وبأقرب وقت
سعود سكت وصار يطالع بروان وهي بالحييل تتنفس
شوي الا عبست وجهها وقالت بتعب وهي تبكي:آه رااسيي
سعود قال بحنان:رورو اجيب لك عصير ولا أي شي تاكلينه؟
روان بنفس النبرة:لاااا دااخيه احس بغثياان
سعود وهو يقوم:زين بس عصير ضغطك منخفض
روان بتعب:مااابيي
قام وجاب لها عصير ورجع جلسها وحط يده من ورى ظهرها وصار يشربها العصير وهي بالحييل تششرب
...
خالد كان جالس مع الشباب بس كالعاده مو معاهم ويفرفر بجواله والشباب ينادون ينتحروون مررة مو
حوولهم
بالنهايه واحد من الشباب رمى عليه قاروره مويه وجات ع ركبته وعورته وقال بصوت عالي:سمم هااري
الولد:هههههههههههههههههههه ببطن العدو
خالد وهو متنرفز:تراك مررة خفيف دم
الولد:هههههههآآي بالله
خالد وهو يرجع بجواله:وججع انا وش جابني عند هالفناطل
شوي قام وخرج وجلس بسيارته<<حالة توحد هع هع
...
مرت ايامهم في الشاليه وانبسطو حيييل
واخيرا بيرجعون لبيوتهم
لمو عفشهم وركبو سيارتهم وردو لبيوتهم
...
باليوم الثاني طبعا كان يوم السبت داومت روان والعيال رجعو لدواماتهم
وبدا روتين الدوامات والدراسه <<يا كرهييي له -_-"
روان بمدرستها ومررة مبسوطه مع صحباتها كانت الحصه الخامسه وكان عليها فيزياء
هي جالسه ورغد صديقتها جنبها وباقي الشله وراها
ابلة الفيزياء دبدوبه بس مرره طييبه وحااسه بالبنات ودايم تخفف لهم كل شي
وهي تشرح نطت روان وسألتها:ابله في دفتر للفيزياء ولالا
الأبلة وقفت الدرس وقالت:عاد تصدقين قبل كم يوم سوو لنا اجتماع فيزياء وقالت الموجهه لازم دفااتر بكل المواد العلميه
البنات كللهم قالو:لاااااااااااااااا
والأبله قالت:بس انا مابي اعطيكم دفتر هي قالت تبي الدفتر عشان يكون اثبات ان الطالبه تحل تمارين الكتاب بس انتو حلوها بالكتاب نفسه ما يحتاج والله ما بقى الا تجيبون عربيات سوبر ماركت وتحطون اغراضكم فيها لا وما بيقصرون بيسوون لكم مواقف تحت
البنات:هههههههههههههههههههههههههههههههه
الأبله وهي تضرب ع الطاوله وتبتسم:بس بس نررجع للدرس
...
خالد بدواامه مصددع حيييييل امس سهر مع الشباب وما رجع الا قرب الفجر وداوم مواصل
اخذ له حبه بندوول وبيموت من النوووم وخلص ما عنده شي بس يستنى ينتهي وقت الدوام
قام وتلثم بالشماغ وحط راسه ع المكتب ونااااااااااام
اما احمد لا قايم مروووق وخلص هو بعد وقاعد مع اصحابه ويسولفون ويتقهوون
سعود بالجامعه خلص محاضراته وراح هو واصحابه يتغدون بمطعم ع حساب واحد منهم
...
الساعه وحده ونص الظهر خالد واحمد رجعو للبيت وانخمدو واحمد وصى سعود يجيب روان من مدرستها
روان قاعده بالساحه الخارجيه مع رغد وصديقاتها ويسولفون شوي الا صوت سعود يقول:روان الـ.........
روان وهي تفتح شنطتها وتلبس العبايه:احسن اقعدو بالحر ههههههههههه
صديقاتها:هههههههههههه لا ما عليه الحين بيجو اخواننا
روان لرغد بمزح:تجين معاي انتي خلاص انتهيتي
رغد:هههههههه يلا مشينا
روان:ههههههه مو صوت احمد ذا يا وييلك لو كان خاالد عاد بيكون معصب من الدوام وبيعصب عليك
رغد بضحك:لا خلااص بطلنا
خرجت روان وشافت سيارة سعود وع طول راحت وركبت وهو كان جالس فيها وموجه المكيف عليه ويقول:حرر بموووت
روان وهي تبعد المكيف:يا خبل انت معرّق وبتمرض
سعود وهو يحرك السيارة:والله بموت حر
وهم بالطريق للبيت سعود دق ع الثابت وردت الشغالة:الو
سعود:وين ماما
الشغاله:نوم
سعود:طيب فيه غدا ولا خلّص
الشغاله:لا خلاص كلهم تغدو
سعود بضيق:زين خلاص
وقفل الخط وهو يقول:يلعن ابو اخلاقك يا احمد
روان:هههههههههه ما عليه نتغدى بمطعم
سعود:مرة احمد وخالد لا تأتمنيهم ع سفرة ينسفون ابوها
روان:ههههههههه بالعافيه عليهم اكيد كانو تعبانين من الدوام
سعود:مرة وحنا مو تعبانين وبعدين احمد يفطر خمس مرات مع كل موضف مرة ما يشبع
روان:هههههههههههه سعوود بس اكلتهم خلااص ع حسابي الغدا
سعود:هههههههههههه لالا علي انا وين تبين نتغدى
روان:عادي اللي يعجبك
سعود: زين يلا نفسي بماك
روان:اوكي
...
ببيت ابو فهد
فهد منسدح ع سريره وليان بنت صباح بحضنه وهو دوبه راجع من الدوام ونايمين
(صباح متوضفه في مدرسه اهليه معلمة رياضيات مرحله ثانويه ودايم في الصباح تحط ليان عند اهلها وتروح دوامها)
شوي الا ينفتح باب غرفته بقوه والنور بعد وقام ع صوت صباح وهي تضحك وتسولف مع امها اللي بالصاله وقال بإنزعاج:ياربيييي محد نايم؟؟
صباح وهي تضحك:مع نفسك جيت اباخذ ليونتي
فهد:خذيها وطسي ابغى اناام مو رايق لسوالفك
صباح وهي تاخذ ليان وتخرج:ههههههههه ادري من غير ما تقول
خرجت وقفلت الباب والنور
وهوم انقلب ع الجهة الثانيه وقال:نششبه ذي الأخت الله يخارجنا بس
و بدى يدخخل بنووومه الا جواله يدق طنش ولا رد ورجع دق مرة ثانيه وثالثه وهو تنررفز حيل واخذه ورد من غير ما يشوف الرقم:نعم
الا وصوت ناااعم وماايع:هلا رقم فهد الـ.......؟؟
فهد استغرب وطالع بالرقم مو مسجل عنده وقال وهو يجلس ويعدل نبرته:ايه مين معاي
ردت:معليه شكلني ازعجتك بس بغيت اتأكد من الرقم
فهد بقهر من مياعتها:زين ما سألتك وش تبغين قلت مين انتي
ردت وبكل ثقه:شفيك معصب فهود انا نورة
فهد وهو يتذكر اللي صار له معاها بآخر جمعه مع عمانه:زين انك قلتي لا عاد اشوفك داقه
نورة:زين قلي ليه تكلمني بهالطريقه
فهد وهو يتثاوب:مو رايق لك وكلامي ما بعيده يلا بس وراي نوم
وقفل من دون ما يستناها ترد وانسدح ع سريره وهو يقول:ابي بس افهم متى اناام يوم من دون ماحد يزعجني
واخييرا نااام برااحه
...
بعد العصر ببيت ابو احمد
احمد راجع من المسجد هو واخوانه بعد ما صلو العصر جلس بالصاله مع روان اللي كانت تقلب بالتلفزيون بطفش و باين عليها التعب قال وهو يبتسم لها: كيفك اليوم رورو عساك احسن
روان وعيونها ع التلفزيون:ايه الحمد لله
احمد وهو يجلس:دوم يارب نشوفك بخير
روان ابتسمت وقالت:تدوم لي يا احسن اخ بالعالم
احمد:هههههههههه فدييتك والله
روان:ههههههههه
شوي الا سعود جاي عندهم وبيده كوب قهوه ويقول:اموت ع الغزل الخراطي هذا ههههههههههه
احمد وروان:هههههههههههههه
سعود وهو يجلس:وين فيلم السرعه والغضب <<يقصد خالد
روان:هههههههههههه بغرفته يتجهز يبي يطلع مع ربعه
احمد بضيق:طلعاته مع ربعه مرة كثييره ما ينفع كذا
سعود:وش وراه حنا معصب علينا دايم وعند ربعه الوجه يضحك والقفا يضحك دامه مبسوط معاهم خلاص ما علينا
وكمل بضحك عشان يلطف الجو الي توتر شوي:الله يعوضنا خير هههههه
روان ضاق صدرها من هالطاري وقالت:حرام عليكم لو تفهمونه شوي صدقوني بيفك عصبيته
أحمد وهو يقووم من هالجو الخانق:وين امي اذا تبي تروح لعمتي
روان وعيونها ع التلفزيون:بغرفتها تتجهز
أحمد:ما بتروحين معاها
روان ما تبي تبين تعبها وقالت:لا مابي البنات بيطلعون السوق وش اروح اسوي مع الحريم وبعدين بكرة اختبار كيمياء
احمد وهو يطلع لغرفة امه :براحتك
دخل غرفة امه وقال وهو يجلس ع طرف سريرها:يمه جاهزة
امه:ايه حبيبي اختك جاهزة
احمد:تقول ماتبي تروح
امه:ليه غريبه
احمد:لا بس تقول بنات عمي بيطلعون السوق وهي عندها اختبار
امه:زين براحتها بس انت بتخرج مكان
احمد:ماحد كلمني من ربعي ما اضن اخرج اليوم
امه:وسعود وخالد
احمد:خالد طالع الحين وسعود ما قالي انه بيطلع
امه وهي تلبس عبايتها:يلا يا ولدي لا اتأخر ع عمتك
احمد وهو يقول ويسلم ع راسها:يلا يلا
خرج هو وامه وهو يقول لروان:انتبهي ع نفسك بودي امي وراجع
روان وهي باقي عند التلفزيون:طيب
سعود اللي كان جالس معاها:وجع قليل ادب هالأخ وانا قاعد معاك ويوصي الحمد لله ع العقل
روان:هههههههههه شفيك صاير معصب
سعود وهو يضحك:لا بس حمود صار يشمطني هالأيام
روان ما قدرت تمسك نفسها وصارت تضحك عليه
شوي الا خالد نازل ويغني
يامنيتي يا سلا خاااطري وانا احبك ياسلاااام ليه الجفااا ليه ....
سعود اندمج وصار يدق ع الطاوله اللي قدامه ويغني معاه وروان تضحك عليهم
خالد سكت وطالع بسعود وقال:ما بتخرج انت
سعود:لا ربعي خانوني اليوم
خالد:ههههه ودي تستاهل
سعود:روح بس اقول خلود ترى شريت لك انت وربعك شقه واثثتها اذا تبون تروحون لها
خالد وهو يضحك بإستهزاء:هههههههآآي اقوول خل بس تكفيك مكافئه الجامعه بعدين اثث لي انا وربعي
سعود:الحين شفت نفسك وانت واحمد بهالشركه هههههههه الله يعينكم بس ع الكد
خالد:ليه عاجبك انك تكون جرّاح ع فلاحتك بعد بتموت نص الشعب
سعود بغرور:هه شوف اذا تبون مساعدتي وخبرتي بالشركه ما عليه بس انو اتوضف رسمي معاكم لالا يحرم علي انا دكتووور
خالد:هه زين خلك بدكترتك بس لا تنسى نصيب روان انت تديره
سعود:ونصيبي وين طار؟
خالد بضحك:اثنينهم مع بعض انت وروان
سعود:سبعه صنايع والحظ ضايع ههههههههههه روح روح بس
خالد ضحك ع هبالة اخوه وخرج وكمل اغنيته
روان عيونها بالتلفزيون بس بالها طااااير بالبلا اللي بجسمها وهي حاسه نفسها هالأيام تنهلك من اتفه شي تسويه حتى القعده لو طولت فيها تتعب سعود قاعد يطالع فيها وهو يعرف ان بالها مررة مو مع التلفزيون اللي عيونها عليه لأنها ع الإخباريه وروان ما تطيق هالقناه معقوله تندمج معاها؟!
قال بحنان:رورو
روان انتبهت وقالت:هممم
سعود:غريبه تحبين الاخبار!؟
روان انتبهت ع القناه وعرفت قصده وقالت وهي تصرف:لا بس قلت يمكن يعطونا اجازه ع اليوم الوطني
سعود وهو رافع حواجبه:رورو ما تحبين الإجازات انتي !!؟
سكتت روان وما ردت لأنها انحششرت وهو كمل:وش تفكرين فيه في شي شاغلك؟
روان تبي تقوم بس تخاف تطيح ولا تدوخ ويعرف انها تعبانه عدلت جلستها وقالت:ولا شي
سعود:لا في شي قولي رورو
روان: سعود لا تزن قلت مافي شي
سعود وهو ينسدح ع الكنب:براحتك مصيري اعرف بالنهايه
روان بخاطرها تنهدت وقالت:آآه بس احس خلاااص ما بقى لي الكثيير اياام معدوده وانتهي
سعود ما فارقت عيونه ملامحها القلقانه وقال بخاطره وهو يتنهد:لازم ابلغ احمد هالأيااام مرة مو زيينه صحتك
قام وهي قالت له:وين رايح
سعود وهو طالع:لغرفتي بغير ملابسي
روان بخوف:بتطلع
سعود:ايه بس مو قبل ما يرجع احمد
طلع لغرفته وهي قامت وهي مستنده ع الطاوله وقامت وحست بصدااع قوي والدنيا كلها سوودا ثوااني وتوازنت ورجع الوضع عادي
مشت بشويش لين ما وصلت عند الدرج وطلبت من الشغاله تجيب لها عصير وطلعت غرفتها
دخلت غرفتها والشغاله وراها حطت العصير ع الطاوله وخرجت وهي قفلت عليها الباب واخذت شنطت المدرسه وطلعت كتبها وبدت تذاكر
شوي يقطع مذاكرتها صوت جوالها شافت لقيته احمد وع طول ردت:هلا حمودي
احمد:هلا بك رورو سعود عندك ولا خرج
روان:لا موجود بس يقول بيخرج اذا رجعت انت
احمود:زين شوي وانا عندك وش رايك تلبسين ونطلع نغيّر جو
روان تنهدت وقالت:حمود اختباري وبعد مو فاضيه
احمد:يووه روان ترى باقي حنا بالعصر الجو حلو خلاص ذاكري بعد المغرب خلينا نخرج البحر
روان عارفه نفسها تعبانه وما تبي تطلع معاه ويحس انها تعبانه وما تبي تغسل لأنها امس مغسله وبعد الغسييل تنهاار صحتها وهي تكره هالشي
وقالت:حمود والله مافي وقت صعب الكيمياء
احمد:انا بساعدك بس خلينا نخرج
روان:مابي حمود خلاص بوقت ثاني
احمد:اوكي براحتك
روان:بتجي البيت ولا بتجلس برى
احمد:لا بجي بكمل شويه اشغال للشركه بمكتبي وبعد المغرب بطلع مع فهد
روان:زين يلا باي
احمد:باي
قفل الجوال وتنهد وقال:والله مو اختبار ولا شي رورو صارت تخاف حتى من الهوى آآه متى تزرع وترتاح
...
ببيت ابو فهد
فهد جالس بمكتبه ومحووس اللاب قدامه واوراقه متناثرة ع المكتب ومتتنرفز
شوي الا تدخل ليان وهي تحبي وصوت يدينها بالسيراميك وتضحك
طالع فيها وابتسم وهي صارت تحبي بسرعه لين ما وصلت عنده وتمسكت بركبته لين ما وقفت وصارت تطالع فيه وتضحك هو ضحك عليها وحملها وباسها بخدها وصار حاضنها وحاط خشمه بخشمها وهي تضحك
شوي دخلت صباح وشافته وقالت بضحك:وععععع خشمك بخشم بنتي الله يقرفكك
ضحك فهد وصار يبوس ليان بفمها عشان يقهر صباح وليان انبسطت وصار تضحك بقوه وصباح تقول:وععع غثيااان وخر عن بنتي
فهد بعد ليان عنه وهو يضحك وقال:هيا خذيها وطسي وراي شغل وابي اكمله
صباح:وجع كل ما اشوفك تقول لي طسي
هو تذكر يوم جات بالظهر وقال:الا تعالي تعالي
صباح ضحكت وقالت:سبحان مغير الاحوال
فهد:هههههه لا جد بقول لك شي
صباح وهي تجلس وبحضنها ليان:هاه بتعرس
فهد بضيق:لا يا شييخه بددري
وكمل بغرور:بعدين مافي وحده تستاهلني للحين
صباح:اممحق اقوول اخلص بس وش عندك
فهد:هههههه تدرين مين دق علي اليوم
صباح بفضول:مين!
فهد:بعد ما اخذتي ليان وطلعتي بالظهر
صباح:مين تكلم
فهد بقرف:نوير
صبااح بذهول:كذاااااب!
فهد وهو يكتب بأوراق عنده:والله وتتميلح بعد وججع حسيت بغثياان
صباح:وش تبي ذي وش تحس فيه
فهد:قال لصباح بكل اللي دار بينهم في الجوال وقالت بقرف:وججع حقييره اسفلها
فهد:مرة اصلا من اخر جمعه مع اعمامي غسلت يدي منها
(ابقول لكم وش صار بآخر جمعه مع اعمامه كان جالس مع عيال عمه عااادي شوي الا قام واحد من اولاد عمه اللي يصير اخو نورة وقال انه يبيه بموضوع قامو من عند الشباب وصارو يمشون ويتكلمون بهالموضوع وبعدها راح اخوها وفهد وقف وصار يكلم احمد بالجوال الا وبنت ابوها تجي وبدون ستر ولا حجاب وتقط سوالف معاه لا وبعد تتميلح وتمسك يده وهو فاتح فمه 150 متر من الصدمه وطبعا سفهها وشمطها بكلام جاامد وراح وخلاها وبعدها الأخت جابت رقمه وصارت تهاتف-_-")
صباح:وجع ما تستحي ذي
فهد وهو يضحك ع صباح اللي عصبت:يلا يلا برا انتي وبنتك ابي اركز انا شوفي كيف تطالع فيني ترى بترك كل الشغل
صباح طالعت بليان اللي كانت عيونها متعلقه بخالها من يوم ما بدا يتكلم لين ما سكت ومبتسمه ببراءه
وباستها بقوه في خدها وهو كمل:يلا طسوووووووووو
صباح:هههههههههه اعصاابك
فهد وهو يقفل الباب وراهم:طارت كلها
صباح:ههههههههههه
...
باليوم الثاني روان قايمه من نومها في العصر وقاعده مع امها يتقهوون واحمد معاهم خالد وسعود بغرفهم
شوي قال احمد لأمه:يمه خالد لازم يتزوج
امه:ايه والله فكرت فيها ما يصير كذا يجلس عمره كله مع هالشباب وطول الوقت برى البيت وفوق ذا كله يرجع طفشان ومتنكد
روان:حياته كلها روتين عشان كذا يطفش لو يسمع الكلام ويتزوج والله بينبسط
احمد:هو عنيد ما اضن بيوافق من البدايه وحتى لو ما وافق لازم يتزوج
امه:يعني نجبره؟!
احمد:انتي حاولي فيه واصري عليه وإذا عنّد عاد شغله عندي
امه:زين بس اخاف يقول ما بيتزوج لين تتزوج انت اكبر منه
احمد:انتي كلميه وانا بسوي الباقي مرة ما ينفع يجلس كذا خلاص متوضف وراتبه مستقر وما عنده شغل ولا مشغله
امه:والله ذا شوري بعد احسن له يريح ويفك من عصبيته شوي
روان بفرح:طيب ميين
احمد:خليه هو يمكن بباله وحده واذا مافيه انتي وامي ما بتقصرون
روان فرحت حييل بالخبر اخيرا ع الأقل بتفرح لواحد من اخوانها قبل ما تفارقهم للأبد وقالت:طيب وانت متى بتتزوج
احمد طالع فيها وابتسم وقال:رورو خليني اتطمن عليك اول بعدين اشوف حياتي
روان تضايقت من هالكلام وقالت:حمود مو عذر ما يصير توقف حياتك عشاني
احمد:بس خلي عنك هالكلام انا باقي قدامي مشووار بس هو فاضي ما عنده شي
امه:زين بكلمه اليوم واشوف
احمد:حاولي تقنعينه وان شاء الله ما يعنّد
امه:ان شاء الله
...
روان كانت جالسه بغرفتها وفاتحه اللاب وقاعده ع النت شوي الا امها تفتح باب غرفتها وتدخل وتقفل وراها
طالعت بأمها وقالت:هلا يمه بغيتي شي
امها وهي تجلس جنبها:ايه حبيبتي بغيت اسألك مين نزوج خالد
روان قفلت اللاب ولفت جهة امها وهي تقول:اول شي شوفي يمكن هو يبي يتزوج وحده بباله
امها:يا بنتي انا اعرف خالد شايل من باله فكرة الزواج ويالله بيقتنع وانا حاسه انه بيتزوج غصب عنه مو برضاه
روان:ولو يمه لازم تسألينه
امها:بسأله بس لو قال مابباله احد لازم يكون ببالي وحده انا
روان وهي تبتسم:والله يمه اكثر وحده احسها تناسبه وبينبسط معاها بنت عمي اريج
امها:ما بها عيب بعد قلبي والله اني اعزها من معزتك
روان:خلاص اتفقنا اروج انتي كلميه وردي مني
امها:زين حبيبتي بس يرجع واقول له
...
خالد دوبه راجع من عند ربعه واهله كلهم كانو جالسين بالصاله جلس معاهم وهو يقول:غريبه ملموم شملكم
امه:اذكر الله دوم ان شاء الله
خالد:بسم الله عليكم تف تف اللهم لا حسد
سعود:هههههههههههه
امه وهي تقوم وتطلع لغرفتها:خويلد تعال ابيك بموضوع
خالد:هاه لا اكون حسدتكم شوفو امي قامت هههههه
امه:خالد انا اقول تعال
خالد وهو يقوم:جاي يا قلب خالد
طلع معاها لغرفتها وهي جلست ع سريرها وقالت:قفل الباب
خالد قفل الباب ومشى وجلس جنبها بس ما يعرف ليه عوره بطنه وقال بقلق:هاه يمه عساه خير
امه وهي تحط يدها ع فخذه:خير خير يا ولدي اسمعني
خالد:هممم
امه وهي تطالع بملامحه:وش رايك تتزوج
خالد حس بطنه انحااااااس وقال:يمه خلي حمود يتزوج اول هو اكبر مني وباقي لاحقين ع الزواج
امه:خالد وضعك موعاجبني مررة
خالد:بالعكس مافيني شي ومرتااح لا بغيت اتزوج بقول لك وما بتقصرين
امه بدت تحد بنبرتها وقالت:خالد انا ابيك تتزوج ولازم تتزوج ما يصير تجلس كذا
خالد حس انه عصب بس ما بغى يبين لأمه وقال:يمه مابي اتزوج ومو يم الزواج مررة
امه:حبيبي لمتى بتجلسون كذا انت واخوانك خلااص شوفو حياتكم انا ما بدوم لكم
خالد:زين خلي اقلها يتزوج احمد وبعده بشوف
امه:احمد وراه مسؤليات اختك روان ومشاغل كثيرة بس انت ما وراك شي وبعدين كلمته وما اعترض بالعكس فرح
خالد عصصب وقال:حابكينها من وراي مابتزوج يعني ما بتزوج
امه:يا ولدي احسن لك تغير حياتك وتنبسط بدال هالعصبيه اللي انت فيها اسمع شور امك احسن لك
خالد وهو يقوم:مابي يمه لاحق ع الشقا
امه عصبت وقالت:خالد كلامي وصلك ولا بعيده يوم الخميس رايحين لبيت عمك وبخطب لك بنته اريج ولا ابي منك ولا كلمه زياده
خالد طالع في امه وقال بجنون:تزوجيني غصب عني؟!
امه وهي تدخل الحمام:مالك اعتراض ع اريج ولا لك عذر بس خل العناد
خالد طالع فيها وهو مقهووووور وهي دخلت الحمام وقفلت الباب
اما هو طلع من غرفتها وهو معصب وراح لغرفته
...
روان دخلت غرفه امها ولقيتها بالحمام
استنتها لين ما خرجت وع طول قالت:هاه وش قال
امها بضيق:بخطب له غصب
روان تضايقت وهي اللي ما كان ودها بهالشي وقالت:يمه خليه براحتك يمكن له اسبابه
امها:روان مابي احد يناقشني بهالشي ولدي واعرف مصلحته
روان وهي تخرج من الغرفه:براحتكم انا مالي دخل
راحت وجلست بالصاله مع سعود وقالت له باللي صار وهو قال:ونااسه يعني بيتزوج
روان بضيق:ايه بس مو بكيفه
سعود:ههههههه عادي لا تشيلين هم بيتعود انا اعرف خويلك شهر كذا ويصير ما يستغني عن اريجووه كنت ابي من زمان تزوجونه
روان:بجد سعود؟!
سعود وهو يشرب العصير:ايه وبتقولين سعود قال بس لا جا بيكلمك ع انه مظلوم لا تعطيه وجه
روان حست انها ارتاحت:زين
...
احمد دوبه داخل للبيت ويغني ويلعب بمفتاح سيارته وشافهم قاعدين وقال:سلااام
روان وسعود:وعليكم السلام
احمد:كيفك رورو
روان وهي تبتسم:تماام
احمد:دووم يا رب
جلس معاهم وهو يقول للشغاله:جيبي كوب قهوه
الشغاله:طيب
سعود:وين كنت
احمد:مع فهد ليه؟
سعود:بس استفسر
احمد:امي كلمت خالد؟
روان:ايه
احمد:وش قال؟
سعود:عيا بس بتخطب له غصب
احمد:كفو امي فديتها مين بتخطب له
روان:اريج بنت عمي
احمد:حلو تناسبه يالله ما عليه شهر بالكثير ويتعود
روان:إن شاء الله
...
نهاية الإسبوع يوم الخميس طبعا كان فيه عزيمه ببيت ابو اريج وناس كثيير متجمعيين
بمجلس الرجال احمد جالس جنب عمه ويكلمه بخصوص خطبه احمد بأريج وعمه ما ابدى أي اعتراض وقال:زين وين خالد
خالد ما جا معاهم وقال احمد:مشغول وما جا بس انا كلمتك عنه
قام عمه وقال بمجلس الرجال ان بنته اريج لولد اخوه خالد وكلهم باركو لأحمد بخطبه اخوه وباركو لأبو اريج
بعدها دز احمد مسج لروان وقال لها باللي صار وهو بيتشقق من الفرحه وهي ردت"وجع حمود مو كذا قدام كل الرجال"
احمد"ايه عشان ما يقدر يرفض يكون قد اعطينا عمي كلمه قدام الرجال"
روان ما ردت وهي مو مقتنعه باللي يسوونه اخوانها وامها وبنفس الوقت تحسه احسن لخالد
راحت لأمها وقالت لها وطبعا انبسطت امها حيييل
...
بعد العزيمه وببيت ابو احمد
خالد مصدوم من اللي سمعه من احمد وقال بعصبيه:ليه تسوي كذا
احمد ببرود:عندك اعتراض ع بنت عمك
خالد بعصبيه:اريج ما فايها شي ولا اعترض عليها بس انا مابي اتزوج
احمد بنفس البرود:ليه؟
خالد بعصبيه لحد الجنوون:كل واحد واسبابه وجنه وعفاريته مو شرط تعرفون كل شي حتى بالزواج تجبروني انا مو بنت انجبر
احمد بإنفعال:هذا اللي يناسبك الحين بتعصب بس بعدها بتتعود مو تضيع حياتك مع هالربع اللي ما منهم فايده
دخان ودلوك عليه ودجه اربع وعشرين ساعه برا البيت عصبيه وطول الوقت شياطينك مطيرهم علينا لمتى ؟
خالد خرج من البيت وهو معصصب من اللي سواه احمد
>_<" ياويييلي هع هع
...
ببيت ابو اريج
ام اريج مستائه من اللي قال لها زوجها وقالت له:شلون اعطيته كلمه من دون ما شاورت البنت يمكن ما تبيه
ابو اريج:والله خالد ما ينرد وبعدين ما ضنيت ترفض اريج كلميها وشوفي
ام اريج وهي تقوم لبنتها:الله يهديك دايم تتسرع
دخلت غرفة اريج واريج كانت جالسه والسماعات بأذنها وطربااانه
قال وهي تسحب السماعه:بنت اسمعيني
اريج ضحكت وشالت السماعه وقالت:هلا يا قلب بنتك وش بغيتي
امها:بغيت اكلمك بموضوع
اريج وهي ماسكه ع بطنها:يمه انتي دايم مواضيعك تفجع
امها:هههههه اقول خالد ولد عمك خطبك هاه فجعتك ؟
اريج فتحت فمها وقالت بصدمه:هااااه
امها بضحك ع هبال بنتها:خوييلد خطبك وش رااايك
اريج بدون شعوور:يالبيييه من جد يمه
امها ضحكت وحست انها ارتاحت وقالت وهي تقوم:يعني تم
اريج:ايه تم وتم وتم ههههههههه
امها:هههههه الله يكملك بعقلك يا قلب امك
اريج:تسلمين لي يا عيوني