مجرد محاكاة لهذه الصورة
اتمنى ان تنال رضاكم
ولع الكبريت من قلـب محبوبـك
واحرق القلب المشقـى لاتهـاب
وكر جمر الشوق لاهبت هبوبـك
الحطب طاريك والنـار الغيـاب
ولاتعد الذنب هـذا مـن ذنوبـك
اعتبر ذا ذنب من لامنـك تـاب
وان بغيت تخف لحظه من شبوبك
ضم قلب ضاع في سن الشبـاب
كل درب ٍ يسلكه يصدف دروبـك
وكل شي ينظره طاريـك جـاب
ادري انك ذنب لكن كيف اتوبـك
والطواري بين راح وبين جـاب
كل ماسجيـت ميزاتـك لفوبـك
وكل مادورت حصلتـك سـراب
مجرم ٍ في حق من وداه صوبـك
حظه المقـرود يامـال الذهـاب
لو بغى ينساك جلاسـه حكوبـك
ومدحـوك بكـل مالـذا وطـاب
آآه لو يطرون لي لحظه اعيوبك
كان يصمل فيك قلـب فيـك ذاب
والمشاعر كـل ماقفيـت جوبـك
ولاعطوني فيك فرصـه للعتـاب
محتمينك من شمالـك لاجنوبـك
وكاتبين الا انت ياسمح الجنـاب
لارحم من لامهم لاهوجسوا بـك
ولارحم من قال حبي لك اعجـاب
انت حـب سرمديـاً مايشوبـك
اي شـك واي زلـه وارتـيـاب
دون حبك قافـلاً عشريـن بـاب