الجزء الثاني والعشرون
باليوم الثاني بالشرقيه
روان دوبها صحيت من نومها وتتمطط بتعب شوي الا أحمد داخل ويقول:صباح الخيير
روان جلست وهي تفرك عيونها بتعب وتقول:صباح النور
أحمد:هاه نمتي زين
روان وهي تشيل اللحاف وتقول للحمام:إيه الحمد لله
دخلت الحمام وأحمد طلع من الجناح بعد ما كلمه فهد
طلع ولقاه يستناه وقال له:يلا خلنا نجيب الفطور جيعاان
أحمد:يلا يلا
شوي الا صوت أنور يقول:دقيقه ابجي معاكم
فهد:هيا اخلص
طلع انور وراحو كلهم يجيبون الفطور
...
بعد الفطور طلعو الشباب يدورون لهم شاليه يستأجرونه والشيبان والحريم جلسو ينتظرونهم بالفندق
بعد ما أستأجرو الشاليه رجعو وأخذو اهاليهم وراحو للشاليه
في الشاليه اشترو دجاج مبرد وبدو الشباب يشوون ويزبطون الغدا والبنات قاعدين ويسولفون
روان كانت قاعده جنب اريج وجنبها رغد وبحضنها ليان ومندمجه مع رغد بالسوالف وتلاعب ليان وليان تحرك رجولها بقوه ورفست اريج ببطنها
اريج عورتها حيل وصرخت وهي تمسك بطنها
كلهم خافو عليها وروان لفت بخوف وهي تقول:بسم الله عليك شفيك
أريج بألم:هالمقروده رفستني امسكيها زين انتي بعد
روان طالعت بليان وضحكت وهي تحط يدها على بطن اريج وتقول:سلامات ما تشوفين شر
ضحكت اريج مع انها باقي تعورها بس ما حبت تزعل روان
استندت على الجدار اللي وراها وهي تحس باللي ببطنها يتحرك وبقوه بس كانت هالحركه غريبه حيل ما حست فيها من قبل
مسكت على بطنها بتعب وخافت حييل بس ما تكلمت
شوي الا تحس بحركه رجلين بأسفل بطنها وبنفس الحركه بس بأعلى بطنها وتحسهم رجول
مسكت على مكان الحركه وهي تقول بضحك:ههههههه اللي ببطني شكل عنده اربع رجول
روان لفت بصدمه وهي تقول:شلون
أريج مسكت يد روان وحطتها ع اعلى بطنها والثانيه بأسفل بطنها وقالت بضحك:حسي رجول فوق ورجول تحت
روان حست من جد بس قالت:لا شكلها يدينه
اريج:شلون يدينه حسي هنا راسه شلون تجي يدينه فوق
روان حست المكان اللي معاكس لمكان راسه وحست شي مدور ثاني وقالت بصدمه:أريج ببطنك اثنين توأم شوفي بعد هنا راس ثاني
أريج حست من جد راس وقالت بخوف:لا لا تقولين
روان ضحكت وقالت:والله جد شكلك حامل بتوأم وبعد بطنك كبير حيل
صباح بضحك:إيه يوم كنت حامل وبالرابع بطني ما كان بهالكبر
أريج خافت زياده وقالت:لا تستهبلون شكله متين لا مو اثنين
كل البنات ضحكو عليها وقالت ريم وهي تحضن اريج:الحمد لله انك حملتي قبلي
اريج شوي وتبكي من الخوف مو مستوعبه أبدا ومو مصدقه وقالت:لا تكفون لا تخوفوني شلون بولدهم
صباح حنت عليها لأنو بان الخوف بوجهها وقالت:حبيبتي لا تفكرين بالولاده بدري توك بالرابع
روان نزلت راسها على بطن اريج وصارت تسمع وتقول بضحك:زين مو واحد يطفش ببطنك معاه اللي يونسه
رغد بضحك:كأنهم يسولفون الحين
روان ضحكت وقالت بحماس:الله متى تولدين
ريم:أخيرا عندنا توأم بالبيت
روان:من جد ونااسه
أريج بخوف:وكله ذا على حسابي
البنات:ههههههههههههههههه
...
الشباب خلصو الغدا وراحو للرجال وما بقى عند الشوايه غير فهد وسعود
جات أم أحمد تبي تاخذ الدجاج ويوزعونه بالصحون ويتغدون
ويوم شافتهم قالت وهي مبتسمه:سلام
سعود وفهد:وعليكم السلام
سعود باس راسها وهو يقول:شلونك يمه
أمه:بخير يبه شلونكم أنتم
باسها فهد براسها وهو مبتسم ويقول:بخير الله لا يحرمنا منك
ابتسمت أم أحمد وأخذت الدجاج ودخلت للحريم وبدو شغلهم
فهد وسعود قاعدين يلمون أغراض الشوي شوي الا يحس سعود أحد يتمسك ببلوزته من ورى ويشدها وقال لفهد:بسم الله مين وراي
فهد طالع لقاها ليان تبي توقف وتستند على سعود ويوم شافته يطالعها ضحكت وهو قال بضحك:ليونتي فديتها
سعود لف وشافها وضحك وحملها وهو يبوسها ويقول:خوفتني
فهد حملها وقال وهو يقوم:أبوديها وجاي
راح لجهة البنات وقال:صبااااااح
كلهم كانو جوا يسوون الغدا وماحد موجود غير روان ورغد يسولفون رغد قالت:قومي ناديها شكله زوجها
روان بضحك:أقول أدخلي بس ذا فهودي
ضحكت رغد وقالت وهي تقوم وتدخل:زين بفضي لك جوك انتي وياه
روان:هههههههه
وكملت وهي تكلم فهد:هلا والله وش بغيت
فهد يوم شافها تمشي ناحيته أبتسم بحب وقال:يا هلا بالزين كله
ضحكت روان وقالت وهي تبي تررجع:أنادي صباح زين طيب
فهد بضحك:تعالي تعالي بطلت مابي صباح
روان قربت منه وحملت ليان وقالت وهي تبوسها:زين ترى سعود وراك
فهد لف وهو يقول:وينه
ورجع طالع فيها وقال:تستهبلين؟
روان:هههههههههه لا أقصد قريب
فهد مسكها من كتوفها وقال وهو رافع حواجبه:وش يعني لو قريب
روان بضحك وخوف:يعني لا تاخذ راحتك
فهد:ههههههههههههههههه حللوة لا ما عليك
روان مدت له بليان وهي تقول:يلا فهود شكل فيوزاتك ضربت انا بهج
فهد ضحك ومسكها من يدها وقال:وين تهجين شوي تونا
روان سحبت يدها منه وهي تقول:لا مو تونا حبيبي يلا باي
ضحك فهد وقال:زين خذي ليان اعطيها صباح
روان تورطت وقالت بخاطرها:أصلا ليه عطيته ليان
مشت لين عنده وأخذتها منه وجات بتروح بس مسكها من يدها وقال بضحك:زين بس بوسه وحده
روان بتوتر:فهد مو وقتك
فهد ضحك وباسها وهي سحبت يدها منه وراحت على طول
وهو ضحك عليها وراح للشباب
...
بعد الغدا ع العصر الشباب كانو يسبحون بالمسبح ومبسوطيين إلا خالد وأنور كانو جالسين على طرف المسبح ويسولفون
شوي الا فهد يقول:خالد ما بتسبح
خالد بضحك:أخاف أسمّر وتعرف لوني نادر مابي أخربه
فهد بضحك:كأنك تتشمت فيني<<فهد وسعود هم الوحيدين سمر والباقين مو بيض سمر بس مو مثل فهد وسعود>>
خالد:هههههههههههههههه
سعود وهو يمسك بيد فهد:ماعليك يغارون مني أنا وياك لوننا معاصر أما هم مصاريه
أحمد:إيه شفت شلون انا بتشمس الحين عشان اصير برونزي مثلك انت وفهيد
سعود:هههههههههههههههه انتبه لا تنحرق بس
أنور:ههههههههه أحمد لا تتهور ترى زواجك قرب
خالد بضحك:هههههههههههه حمود تفجعنا بعدين
أحمد:هههههههههه لالا ما عليكم يطلع علي خققه
فهد:لا حمود بتكوّح أخاف يحسبونك افريقي ويرحلونك
خالد:هههههههههههه بتروح عليك الشركه تكفى بيخلوني المدير مابييي
أحمد:هههههههههههههه هونت خلاص
شوي قام خالد وهو يقول:بعد إذنكم ياربع
الشباب:إذنك معك
راح لجهة الحريم ودق على اريج وما طول وردت:هلا
خالد:هلابك حياتي شلونك
أريج اللي باقي خوف التوأم ببالها:تمام
خالد:زين حبيبتي البسي عبايتك وأطلعي خلينا نتمشى شوي
أريج:زين جايه
خالد:يلا باي
أريج:باي
قفلت منه وحست أنها مو قادره تقوم وحدها ومدت يدها لرغد اللي كانت ماره من قدامها وقالت:رغد معليش قوميني
ابتسمت رغد ومسكت يدها وقومتها وهي راحت وأخذت عبايتها ولبستها وطلعت
كان خالد يستناها عند الباب ووصلت عنده ومسك بيدها وطلعو
ركبها بالسياره وركب ومشو
بالسياره هي قالت بخوف:خلود ما تحس بطني كبير بزياده
خالد طالع ببطنها وقال ما يبي يخوفها:عادي مو مرة
أريج مسكت يده وحطتها بأعلى بطنها وهي تقول:حس ذي رجول صح
خالد:إيه
ولفته بالجهه الثانيه وقالت وذا وشو:خالد صار يحس شوي قال وهو يطالع فيها بصدمه:راس
أريج عرفت إنه فهم وقالت وهي تشد على يده:ياربييي
خالد استغرب وقال:راس ورجول جنب بعض شلون؟
شوي قال بفرح وهو استوعب أخيرا:حياتي ببطنك توأم
أريج ما تحملت وصارت تبكي بخوف وهو أستغرب من بكاها وقال بضحك:الحين ليش تبكين
أريج وهي تبكي:شلون بولدهم
خالد:ههههههههه حبيبتي بدري ع الولاده خليها بوقتها لا توسوسين
وكمل وهو يلف بالسيارة:خلينا نروح المستشفى ونتأكد
وصلو للمستشفى ونزلو ودخلو قسم النساء والولاده وطلبو تصوير تلفزيوني عشان يتأكدون توأم ولالا
انسدحت أريج ع السرير وحطت الدكتورة الجهاز على بطنها وهي وخالد صارت عيونهم على صورة الجنين بالجهاز
بدت الدكتورة تحرك الجهاز على بطن أريج لين ما وضحت الصورة وقالت وهي تأشر على راس الجنين:هذا راس الجنين الأول باعلى البطن
وحركت الجهاز لأسفل بطن أريج وأشرت:وهذا راس الجنين الثاني
أريج حست بشعورين غرييبه حست بفرح وهم بنفس الوقت بس انها ابتسمت وخالد ابتسم بفرح وقال وهو يساعدها تقوم:يعطيك العافيه دكتورة
مسك بيد أريج وطلعو من المستشفى وهو مبسوووط حيييل ورجعو للشاليه
...
بالشاليه اريج جالسه مع البنات ع المغرب وروان تقول:شفتي قلت لك
أريج أبتسمت وحطت يدها على بطنها وصورتهم بالجهاز ما فارقت بالها
ريم حطت يدها على بطنها بخوف وقالت:تخيلو بعد أنا ببطني توأم
روان بضحك:إن شاء الله يارب
ريم بخوف:لااا حرام علييك
روان والبنات:ههههههههههههههه
شوي جات أم روان وهي تقول:وش تبون نسوي العشا يابناتي
ريم:عمه لا تسوون شي نبي نتعشى من برى
روان:إيه يمه خلاص نتعشى من برى تعبنا الشباب اليوم بالغدا
أمها:زين براحتكم يمه
روان طالعت بريم وقالت:يالله روحي إنتي وسعود وجيبو لنا العشا
صباح بضحك:رورو فهد دوبه مرسل لي يقول إنتي وياه بتجيبون العشا
روان أنحشرت وريم قالت بضحك:لالا تكفين ابروح أنا وسعود أخاف ينسونا ويتعشون لحالهم
روان بضحك:إيه صح عليك ياريم
صباح:هههههههههه زين قولي هالكلام لفهد أنا مالي دخل
روان ضحكت ومسكت جوالها بدق عليه إلا هو يدق ردت:هلا فهود
فهد:هلابك رورو يلا أنا برا استناك
روان:سعود ومرته بيروحو خلاص فهود ماله داعي
فهد بضحك:كلمت سعود وقلت له اني انا بجيبه يلا رونتي
روان بضحك:زين لازم أجي
فهد بضحك:بعد تبين تخليني لحالي
روان:عادي روح جيبه وتعال بسرعه كلهم جيعانين أخاف لو رحت معك نطول
البنات صارو يضحكون على تصريفاتها وهي محروووجه
وفهد قال بضحك:زين ما عليه تصدقين يمدحون بنات الشرقيه خاصه اللي حولين الشاليه
روان انقهرت بس قالت وهي تضحك:هههههههههآآأأي ما تقدر داريه
فهد بضحك:زين براحتك يلا باي
روان إنقهرت حييل وقالت وهي تقوم:جااايه خلاص
ضحك فهد وقال:فدييييت اللي يغاروون
روان انحرجت وقالت:ترى بهون
فهد:هههههههه لالا خلاص تعالي
روان:يلا باي
فهد:باي
قفلت الخط ولبست عبايتها وطلعت
ركبت السياره وهي تقول:وين البنات الحلوين ابشوفهم انا
فهد بحب وهو يحرك السيارة:شلون تبيني أشوفهم وأحلاهم جنبي انعميت انا
ضحكت روان وقالت وهي تمسك يده:فدييتك
فهد تنهد وقال:شكلهم ما بيتعشون اليوم
روان:ههههههههههههه لا تكفى تراني جوعانه
ضحك فهد وقال:سعود موصيني على ماك
روان:إيه كلهم يبون ماك
فهد:مالي نفس بماك الحين
روان:زين وش تبي
فهد بضحك:نفسي بـ2 شاورما صارووخ
روان بضحك:هههههههه 2 مرة وحده
فهد:إيه وربي
روان:زين خذ لك وبالعافيه عليك مو شرط تاكل ماك
فهد وهو يوقف جنب مطعم شاورما:والله شكلي بسويها
نزل وخلاها بالسيارة وطلب له الشاورما واخذها ورجع للسياره ومشو لمطعم ماك أخذو طلبيتهم ورجعو للشاليه
وهم بالطريق للشاليه دق جوال فهد وكان ع الطبلون جهة روان وقال لها:بالله شوفي مين
روان أخذت الجوال وشافت وقالت:أبوفارس
تسارعت نبضات فهد وتوتر حييل وقال وهو ياخذ الجوال من روان:غريبه وش يبي
تنهد ورد:هلا
أبوفارس هو عمه أبو نورة! رد وقال:هلا بك يبه شلونك
فهد بضيق:تمام انت شلونك
عمه:بخير والله وينك؟
فهد يكره هالسؤال بالذات من اللي ما يمونون عليه ورد بضيق:ليه بغيت شي
عمه:أبيك تمرني ابكلمك بموضوع وضروري اشوفك<<يحسب انه بجده
فهد بضيق وتوترة زاد:عمي أنا بالشرقيه مو بجده وماقدر اجيك بغيت شي قلي
روان توترة من المكالمه ومن ردة فعل فهد يوم عرف المتصل وزاد توترها يوم قال"عمي"
عمه رد بنبرة حاده:زين الموضوع بخصوص نورة ما عاد يتحمل اكثر انا زوجتك بنتي مو عشان شهر وتطلقها على انكم ما اتفقتو الزواج مو لعبه الحين البنت حامل وولدك ببطنها وانت ما شاء الله عليك بالشرقيه ومرتاح وهي حتى الليل ما تقدر تنامه من التعب قلنا تنزله ورفضت وش السواه
فهد توتر حييل وقال بخاطره:مو وقت هالمكالمه وروان موجوده يووه ليتني ما اخذتها
طالع بروان ولقها تطالع فيه وباين الخوف بوجهها وقال لعمه بضيق وهو ما يبي يبين ان السالفه عن نورة ابد:يعني وش تبيني اسوي بالظبط
عمه:ترجعها وتربون ولدكم هذي هي مو راميها عندي مسكينه لا اكل ولا نوم ولا راحه متهنيه فيها
فهد قال بخاطره بضيق:الغلط أساسا منها خلاص هي تتحمله ورد بضيق على عمه:معليش عمي مستحيل يصير هالشي
عمه بعصبيه:ليش ابفهم انا اقنعني شايف منها شي مضايقك تكلم فهد ترى مو عذر للطلاق انكم ما تفاهمتو ذي سمعه مو لعبه عندك
تنهد فهد بضيق وقال وهو يوقف عند الشاليه ويطالع بروان:عمي اكلمك بعدين ونتفاهم مشغول الحين
عمه زادت عصبيته وصار يخاصم وصوته ارتفع حييل بس فهد كانت عيونه متعلقه بعيون روان اللي متجمعه فيها الدموع لفت وججهها بضيق وجات بتنزل من السيارة بس فهد مسكها من يدها وأشر لها انو ما تنزل وقال لعمه:عمي خلاص قلت بكلمك بعدين
عمه:فهد لا تصرفني مليت منك استحي على وجهك عمك انا
تنهد فهد بضيق وقال وهو يشد على يد روان:زين عمي عارف انها سمعه وعارف اللي سويته ماني ناقص عقل ولا اطرش انا طلقتها عن قناعه وبعد هي مقتنعه بهالشي وهي بعد اللي طلبت مني الطلاق
روان تنهدت بضيق ولفت وجهها وهي تقول بخاطرها:خلك على كلمه وحده شفيك ترقع كأنك محشور
عم فهد قال له:لا تكذب علي بنتي وعارفها من يومها المسكينه تبي تتزوجك شلون تطلب الطلاق
فهد بضيق وهو حس ان عمه بدى يستبزر:وش بستفيد لو كذبت عليك عمي مو اهبل انا وبعدين انت ما كنت معترض على الطلاق ابد ويوم عرفت انها حامل تكلمت إذا على اللي ببطنها فهو لي ما بجحده ولا بتبرى منه وما بيكربك ولا بيكلف عليك وإذا عاش بيعيش معاي وهالشي يرجع لي أنا
عمه صار يخاصم وارتفع صوته وسبسب ولعّن بالنهايه قفل الخط بوجه فهد وفهد رمى الجوال بقهر ع الطبلون وهو يقول:لعنها بنت ولعن من يعاشرها
روان كانت لافه وجهها وتبكي ما كانت تبي تلف جهته ابد لأنها ما تبيه يشوفها وهي تبكي
بس فهد قال وهو يمسك يدها وكأنه يبي يتأكد زعلانه ولالا:رورو
روان ما ردت ولا شي سحبت يدها ونزلت من السيارة وهو قال بإنفعال:روااان
روان ما ردت عليه وصارت تمشي للشاليه
فهد نزل من السيارة وصار يمشي وراها ويناديها وهو مقهووور
دخلت روان الشاليه وسعود كان خارج وشافها وهي داخله شوي الا فهد داخل وقال وهو يوقف قدامه:وين العشا يبه تأخرت
فهد عطاه مفتاح سيارته وقال وهو يدخل:بالسياره
فهد طالع بروان بقهر وهي دخلت جوى وما عبرته
عصصصب حييييل وراح جهة الشباب وهو فاااير
ابوه شافه وقال وهو يعقد حواجبه:شفيك معصب يبه
فهد بضيق وهو يجلس جنب أبوه:عمي كلمني
أبوه بضيق:وش يبي
فهد وهو يضرب بيده على فخذه بقهر:يبيني أرجع بنت الـ...
أبوه:حسبي الله على عدوك يا شيخ الحين ناقصين نكد إحنا ترانا بإجاازة بالله لا عاد تجيب هالطاري ولا عاد ترد عليه وإذا ردينا لجده يصير خير
تنهد فهد بضيق وهو مو مهتم لعمه ولا لنورة مقهوور عشان روان زعلت
عند البنات روان دخلت للغرفه وجلست فها وصارت تبكي بقهر
رغد اللي شافتها وهي داخله ولاحظت انها تبكي قامت كانت واقفه عند باب الغرفه وتسمع روان وهي تشهق
فتحت الباب وقالت وهي تدخل:رورو شفيك
روان ما رفعت راسها وضلت تبكي
جلست رغد جنبها وقالت وهي تحط يدها على كتف روان:رورو ليه تبكين
روان رفعت راسها وصارت تبي تتكلم بس مو قادره من شهقاتها
ورغد قالت وهي تحضنها:بس رورو اهدي اول بعدين كلميني
شوي هديت روان ورفعت راسها ومسحت دموعها
طالعت فيها رغد وقالت:وش صاير لك ليه كل هالدموع
روان قالت لها بكل شي وكانت مقهوووره حيييل من فهد ومن نورة ومن عمه بعد
انقهرت من فهد عشانه قال لها إنه تزوج نورة غصب عنه ويوم سأله عمه قال له إنها هي طلبة الطلاق روان وقتها قالت بخاطرها:يعني لو ما طلبت الطلاق كنت ناوي تخليها طيب ليش تكذب من بداية الموضوع
رغد طالعت فيها وقالت وهي تحاول تفهمها:رورو زين اسمعيني ولا تزعلين من الكلام اللي بقوله
روان:زين قولي
رغد:الحين عمه داق عليه ولاحظي بعد أنه ابو المقروده ذيك وش كنتي تبيه يقول له يعني تبيه يقول له أنا مجبور على بنتك ومابيها من أول صعبه
روان بقهر:زين لا يكذب علي مو يقول لي كلام وعند أهله كلام ثاني
رغد سكتت وما حبت تجادلها لأنها بتزيد الطين بله وقالت وهي تمسك يدينها:زين خلينا نتعشى الحين وبعدين نتفاهم
روان وهي تسحب اللحاف عليها بضيق:مالي نفس مابي اتعشى
رغد وهي تسحبها:أقول قومي شلون تنامين وانتي ما أكلتي
روان بضيق:مابي رغد خلاص روحي
شوي الا انفتح الباب ودخلت أم روان وهي تقول:يلا يمه العشا
روان جلست بدون ما ترد وأمها قربت منها وقالت بإستغراب وهي تطالع بوجه روان:شفيك يمه تبكين!
سكتت روان وتجمعت دموعها بعيونها وأمها جلست جنبها وقالت وهي تحضنها:بس حبيبتي يلا قومي تعشي ولا كنك بتنامين وانتي ما أكلتي
روان مسحت دموعها وصارت حاضنه أمها وما ترد
أمها مسحت ع شعرها وقالت:يلا يمه قومي بكرة ما بتصحين الا الفجر وما يصير تاكلين وانتي بتاخذين الدوا
تنهدت روان ورفعت راسها وامها قالت وهي تقوم وتسحبها من يدها:يلا حبيبتي
قامت روان مع أمها وغسلت وجهها وراحو يتعشون
...
عند الشباب فهد جالس ع الجوال والكل قاعد يتعشى شوي قال له أبوه:قوم يبه ولا ما تبي تتعشى
فهد:شوي مالي نفس الحين
سعود بضحك:عمي كل ما عليك جايب لنفسه صاروخين شاورما
فهد ضحك وكمل فرفته بجواله وأبوه قال:زين براحتك
...
بعد العشا روان ورغد بالغرفه ورغد تحاول تقنع روان بس روان مو مقتنعه بالنهايه قالت لها رغد:زين وش بتسوين
روان سكتت شوي وقالت:خليه مع نفسه
رغد تنهدت بضيق وقالت:رورو ما بيفيدك العناد
روان وهي تنسدح وتتلحف:مو عناد بس ماحب أكون صادقه مع أحد بالنهايه يطلع يكذب علي معلييش صراحه ما أتحمل ابد
رغد:روان انتي فاهمته غلط حرام عليك
روان وهي تلف وجهها:نامي نامي بس
شوي الا صوت فهد يكلم أحد قامت روان وطالعت برغد وهي تقول:صوته صح
رغد:إيه
قامت روان وطالعت من الشباك وشافته جالس على طرف المسبح وأحمد جالس معاه فتحت الشباك شوي تبي تسمع وش يقولون
سمعت أحمد يقول:شفيك قاعد هنا ما بتنام
فهد:مافيني نوم
أحمد:لا وبعد معصب اليوم سلامات
فهد تنهد بضيق وقال:عمي داق ومنكد علي يا شيخ ودي لو يموت هو وبنته
أحمد بضحك:استغفر الله حرام عليك
فهد بإنفعال:كريييه مزعج أهلي كأنه هو اللي مبتلش في المقرود بعد اللي ببطنها
أحمد طالع بفهد اللي كان معصصب حييل وقال له:وش يبي منك
فهد:يبيني أرجع بنته ونااشب لي نشبه ملعونة والدين وانا لو يمووت وتموت هي بعد ما رجعتها
أحمد:شوف فهد مو عشان روان ولا غيرها بس تبي الصراحه
فهد طالع بأحمد وقلبه نغزه وقال:وش عندك أنت بعد
أحمد:لو جيت تفكرفيها أنت بعقلك صعبه وعلى عمك وسمعة بنته بعد لو وش كان سبب زواجك إنت وياها ما أهتم لهاشي بس سمعتها أنت متزوجها شهر واحد ومطلقها صعبه حيل
فهد تنهد بضيق وقال:أحمد أنا مو قايل لك من أول إني بطلقها ومابيها وإني أبي روان من يوم ما تبرعت لها
أحمد:إيه بس بعد صعبه شهر بس فهد حط نفسك مكانه بنته ترى
فهد: حمود داري وعارف هالشي وحسبت حسابه وما كنت ابي اطلقها بعد شهر بس هي طلبت الطلاق وطلقتها لأني بصراحة ما كنت متحمل انها زوجتي أبد وعمي مو مصدق هالشي
أحمد تنهد بضيق وقال:وش بتسوي طيب
تنهد فهد وقال وهو يلف وجهه:وش تبيني اسوي رجعه مو مرجعها لو تموت
أحمد:مو معاها مع اللي ببطنها
فهد وهو يقوم بضيق:كل شي بوقته حلو لا جا فكرت بهالشي
أحمد قام معاه وهو يقول:الله يعينك
روان قفلت الشباك واستندت عليه بضيق ورغد على طول قالت لها:شفتي رورو ما راح يكذب عليك
روان صارت مسرحه بضيق وتقول بخاطرها:طيب دامه يبيني من يوم ما تبرع لي وش اللي حاده على نورة وانا عرفت ان ابوه ما يحب يجبره على أي شي وأمه مستحيل تجبره وش اللي جابره
تنهدت بضيق وانسدحت على السرير ورغد قالت لها:يلا رورو بكرة تكلمينه
روان:ليه أكلمه
رغد بضيق:روان ما يصير تجلسون متخاصمين كذا تونسو بهالإجازة
روان لفت وجهها وهي تقول لرغد:يصير خير
رغد بضيق وهي تجلس على سريرها:أستحكمو أهل الميت وتقطعت ثياب المعزيه وش علي فيك أنا
روان ما قدرت تكتم ضحكتها ورغد ضحكت شوي روان قالت:نامي رغد والله أحبببك
رغد بضحك:وانا بعد أحببك
...
بالصباح بعد الفطور جلسو البنات مع بعض وصارو يسولفون ومندمجيين مع بعض
أما الشباب ما كانو مع بعض اللي باقي ما صحى واللي طلع واللي يسولفون
فهد طلع يجيب اغراض ابوه وصاه فيها كان الجو حاار والسمش تصقع جاب الأغراض وماصدق يرجع للشاليه وقال وهو يدخل ويعطي ابوه الكيس:وين أنور
أبوه:نايم مو راضي يصحى عجزت فيه
دخل فهد لقى أنور داخل بنومه ويشخر وقال وهو يصحيه:أنور يلا قوووم مابقى شي ع الأذان
أنور فتح عيونه وقال بتعب:فهد خليني شوي ما نمت بدري أمس
فهد:هيا اقول قوم الساعه 12
أنور وهو يلف ع الجهه الثانيه:باقي نص ساعه ع الأذان
طلع فهد من عنده وهو يقول:بكيفك
جلس مع أحمد وأخوانه اللي كانو يسولفون ودخل معاهم بالسوالف
خالد كان ملاحظ على يسولف شوي ويلف وجهه ويجلس يتأفف وكأنه يستنى أحد يجيه وكان باين إنه متضاايق حييل
شوي قال سعود:وش نتغدى اليوم؟
أحمد:نفسي بمندي لحم
خالد:إيه والله زين ابروح أجيبه
أحمد:كلم أمي أول وشوف إذا يبونه هم بعد ولا شلون
خالد:طيب
قام وراح كلم أمه وأتفقو كلهم على مندي لحم
راح خالد يجيبه والبنات يجهزون السلطات والمقبلات
فهد كان واقف ويكلم صباح وكان باين إنه متضايق
فهد:صباح روان وينها
صباح:جوا أناديها
فهد بتوتر:لالا بس
صباح:شفيك
فهد بنفس التوتر:شلون متضايقه ولالا
صباح:أمممم أمس كانت متضايقه قبل العشا بس الحين لا عادي
فهد بتوتر زاايد:شلون عادي
صباح:عادي تسولف وتضحك وتستهبل زي كل يوم
فهد بضيق:ياربيي
لف ومشى من عند صباح وراح للشباب وهي دخلت وهي مستغربه منه
...
بعد العصر الشباب كانو جالسين ويشربون الشاهي وفهد مو معاهم كان برى
شوي قام أحمد وراح لجهة البنات ونادى روان وصار واقف وهي قدامه جهة الباب الرئيسي
أحمد:شلوونك وحشتيني يالخبله
روان ضحكت وقالت وهي تحضنه:فدييتك وانت أكثر
دخل فهد وصار واقف ويطالع فيهم وهم ما انتبهو له
أحمد:زين ابطلبك طلب
روان بدلع:من عيوني كم عندي أحمد
ضحك أحمد وقال:يلا عاد لا تكثرين
روان:هههههههه زين وش تبي
أحمد:قولي لرغد استناها بالسيارة تلبس وتطلع
روان بضحك:زين أي شي ثاني
أحمد اللي انتبه لفهد:لا سلامتك
روان لفت تطالع وراها لأن أحمد كان يطالع ومبتسم وسمعت صوت فهد وهو يقول بمرح:وين هالكلام الحلو كله عني!
لفت روان وطالعت فيه واختفت الإبتسامه والضحك كلله هو استغرب من نظرتها وكان بيتكلم بس ابتسمت له بدون نفس ودخلت تنادي رغد
فهد تضااايق وقال وهو يلف وجهه عن أحمد:طالع حمود؟
أحمد أبتسم وقال:إيه بغيت شي
فهد وهو يروح للشباب:لا تسلم
جلس بضييق مع الشباب اللي كانو متجمعين عند المسبح ويسولفون وكالعاده ناس بالمسبح وناس جالسين ع الاطراف
فهد وقف ع طرف المسبح وكان لابس شورت وتي شيرت
فسخ التيشيرت بضيق ورماه على سعود اللي كان جالس على طرف المسبح وطب بالمسبح
سعود ضحك وشال التي شيرت من على كتفه وقال:شماعه عندك
فهد وهو يسبح:تقدر تقول
سعود حط التي شيرت ع الأرض وكمل سوالفه مع الشباب
شوي خالد كان ساكت ويطالع بفهد وهو شاف موقفه مع روان قبل شوي وقال وهو يقوم:عن اذنكم يالربع
راح لجهة البنات وصار ينادي روان بس ما ترد لأنها كانت جوا جات اريج وهي تقول له:وش بغيت
خالد:نادي روان شفيها ما ترد
أريج:جوا ما تسمعك
خالد وهو يطلع مفتاح سيارته من جيبه:زين خليها تلبس وتطلع استناها برا
أريج:طيب
دخلت تنادي روان وهو طلع وجلس بسيارته ينتظرها
...
أحمد بالسياره هو ورغد والجو متوتر لأنو آخر مرة شافها كانت بيوم ملكتهم وبس يتكلمون بالرسايل
شوي مسك يدها وقال وهو يرفعها لفمه ويبوسها:شرايك نركب جت
رغد تخاف منه وقالت بسرعه:لا حمود بوت إيه بس جت لا
أحمد بضحك:ليه طيب
رغد سكتت شوي وقالت:أخاف منه
أحمد بضحك:أقوول بلا دلع
وقف عند المرسى وقال وهو ينزلها ويمسك بيدها:أبشتري لنا واحد بجده لازم تتعودين عليه شلون تخافين
رغد قالت بخوف:حمود زين بجده نركبه مو الحين
أحمد بضحك:الحيين يعني الحيين
رغد استسلمت بس خااايفه حييل طلب واحد وقال لرغد:زين لازم اركب أنا اول وانتي اركبي وراي
رغد:حمود بطيح
أحمد:ما عليه م بتطيحين تمسي فيني زين
تنهدت رغد بخووف وهو ركب ومد لها بيده وقال:يلا اركبي
رغد مسكت يده بخوف وتوتر وركبت وعلى طوول تمسكت فيه بقوووووه وراسها على ظهره ومقفله عيونها
أحمد ضحك وقال:هذا كله وأنا باقي ما مشيت رغد ساكته وهو مسك يدينها اللي على بطنه وقال بضحك:زين لا تشدين مرة مو قادر اتنفس
رغد فكت يدها شوي وقالت بخوف:حمود خلاص نزلني
أحمد:هههههههه ما مشينا باقي
شغل الجت ومشو وهي قالت بخوف:زين لا تسرع
أحمد بضحك:طيب
شوي بعدو عن المرسى وزاد السرعه لين صار مايل على ورى وقتها رغد صارت شاده احمد وتقول بخوف:أحمد بطيييح لا تسررع
أحمد بضحك:زين افتحي عيونك شوي شوفي شلون الجو حلو
رغد وهي شوي وتبكي:زين لا تسرعع
ضحك أحمد وخفف السرعه وقال لها:يلا افتحي عيونك
فتحت عيونها وقالت بخوف:خلاص نرجع
أحمد بضحك:حياتي مستاجره نص ساعه
رغد:زين لا تسرع شوي شوي
أحمد يبي يخوفها:زين تمسكي لا تطيحين
رغد شدت بقوووه وهو صار يضحك شوي ضحكت وقالت:حمود لا تستهبل
أحمد:المرة الجايه أنتي تسوقين
رغد مافهمت:إيه وناسه لو أسوقه بس ما اعرف
أحمد:عادي أعلمك
رغد:أسوقه لحالي؟
أحمد بضحك:لااا أكيد أنا معااك ابمسكك شلون لو طحتي
رغد فهمت وأنحررجت حيييل وصارت ساكته
وهو صار يضحك عليها
بعد نص ساعه نزلو من الجت وصارو يلفلفون بالسيارة ويسولفون وهم مندمجين بالسوالف قال أحمد:رغد متى تبين نتزوج
رغد:اممم بعد شهر
أحمد بضحك:مو كأنها طويله
رغد:حمووود
أحمد تنهد وقال:زين بعد ما نرجع جده بأسبوعين
رغد:لا حمود مو جاهزه
أحمد:عادي حياتي جهزي الحين المهم وبعدين نكمل أنا وياك تكفين مافيني اصبر شهر!
رغد سكتت وهو قال:هيا رغد
رغد بإستسلام:زين طيب
أحمد وهو يبوسها:فدييييتك
رغد:ههههههههههههههه
...
خالد وروان جالسين ع البحر ويسولفون
شوي قال خالد وهو يمسك يد روان ويقومها:تعالي خلينا نروح ستار بكس
روان قامت معاه وراحوو للمقهى
جلسو ع الطاولات اللي برى بعد ما طلبو اللي يبونه
روان من بداية الطلعه وهي متوترة وتبي تعرف وش يبي خالد ما طلعو من فراغ شوي قال لها خالد وهو يمسك يدينها:رورو ابكلمك بموضوع
روان توترة زياده وقالت:زين قول
خالد وهو يطالع بعيونها:كنك متخاصمة مع فهد
روان سكتت ولفت وجهها عنه وتضايقت
وهو قال بتوتر:معليش ملقوف بس ما يصير رورو
روان طالعت فيه وقالت بإستسلام:لا عادي كنت ابقول لك من أول بس ما لقيت فرصه
خالد تنهد بإرتياح وقال:زين رورو وش صاير
روان قالت له بالسالفه ودموعها بعيونها وكل شوي تسكت ماتبي تبكي
بعد ما خلصت قال خالد:زين رورو شفتيه اليوم شلون قالب
روان بضيق:إيه
خالد:وانتي مبسوطه؟
روان:لا
خالد:زين تستاهل ذيك المقروده هالزعل بينكم
روان:لا مو عشانها تصطفل بس لا يكذب علي
خالد:رورو حبيبتي اسمعيني زين هو ما كذب هذا اللي صار بينه هو وياها ما طلقها لين طلبت الطلاق صعبة يطلقها بدون سبب
روان بقهر:ليه يتزوجها من الأساس دامه ما يبيها
خالد:ياربي رورو خلاص تزوجها وطلقها مو مهم هالشي
روان وهي تبكي:إلا مهم
خالد وهو يحاول يفهمها:زين خلي العناد شوي واسمعيني
روان:نعم
خالد:أسمعي رورو خلي هالكلام اللي بقوله لك ببالك على طوول ولا تنسينه أبد
روان طالعت فيه بإستغراب وهو كمل:لا عاد تجيبين سيرة المااضي أببد لأي أحد مو بس لفهد لأنه يمكن تجرحينه بهالشي هو ما يبي نورة وكاره اليوم اللي تزوجها فيه وهالشي واضح روان أكيد إن في شي يكرهه حيل وما يبي يتذكره أبد أنتي لو ذكرته تجرحينه ما يصير خلاص إنسييه هذا شي صار وخلص ما يمديه يسوي شي
روان:زين وش هالشي انا ابي افهم
خالد:رورو في أشيااء كثيير المفروض ما تعرفينها لأن بيجي اليوم اللي تتمنين إنك ما عرفتيها أبد أسمعيني زين روان مو كل شي لازم تعرفينه وإذا أحد يحبك ويغلييك وما يقدر يستغني عنك أبد لا ومضحي بحياته عشانك ومخبي عنك شي لا تكشفينه أبد ولا تحاولين حتى لأنه يمكن ما يبيك تعرفين عشان علاقتكم عشان ما يصير بينكم شي عشان يبيك معاه على طووول خلاص تجاهلي هالشي الحين هو مو مملك عليك ووعدك إنه ما يرجع نورة خلاص طالعي بس بحياتك إنتي وياه لا تدخلي نورة أبد لأنها مالها علاقه بحياتك أنتي وياه وأنتي بعد مالك علاقه بحياته هو وياها اللي مضت خلاص تجاهلي هالشي
تنهدت روان وتذكرة كلام فهد لها ببحر جده"عشان ابي اتطمن ما يصير شي بعدين وتفهمين غلط وتزعلين"
تنهدت حيل وهي تذكرة إنها وعدته ما تتخلى عنه أبد
وقالت وهي تمسح دموعها:زين يصير خير
خالد ابتسم وقال:أكيد رورو
روان:إيه أكييد
مسك بيدها وقال وهو يقومها:يلا نصلي المغرب ونرجع
روان:إيه
...
بالشاليه فهد شاف روان وهي طالعه وسألها وردت من دون نفس إنها بتطلع مع خالد
صار جالس على أعصابه وكل ما أنفتح الباب لف وطالع مين جا
وأخيرا بعد صلاة المغرب دخلت هي وخالد هو طالع ويوم شافها داخله وتسولف وتضحك مع خالد تنهد براحه ولف وجهه جهت الشباب
خالد راح للشباب وهي دخلت عند البنات وكانت مبسوطه حيل
...
بعد العشاء سوو عشاهم وتعشو وراحو يناموون
روان ورغد بغرفتهم ويسولفون ماافي روسهم نوم
وكانت الساعه 1:30 الليل شوي الا صوت جوال يدق
روان لفت وطالعت مو جوالها وقالت لرغد:جوالك يدق
رغد طالعت بجوالها اللي كان يشحن:لا مو جوالي
روان:بسم الله جوال مين طيب
شوي قربت من الشباك وزاد الصوت طالعت من الشباك لقيته فهد جالس عند المسبح وجواله يدق صارت تطالع فيه وهو طلع جواله وقفل ورجع بسرحاانه
رغد ضربتها على راسها وهي تقول:حرام عليك رورو
روان قالت بضيق:أي زين وش تبيني اسوي
رغد:وجعع روحي له
روان لفت وطالعت بفهد وقالت بتوتر:شلون
رغد بضحك وهي تدفها للباب:روحي يلا عادي
روان طلعت من الغرفه ومشت بشوييش وطلعت برى وصارت تمشي بهدووووء لين ما صارت واقفه وراه وحطت يدينها على كتفينه وهو لف يشوف مين وهي ضحكت وباسته بخده بسرعه
فهد أنجججن وقال وهو يحملها ويحطها بحضنه:فدييييييييييييييييتك
ضحكت روان وانحرجت منه وقالت وهي تجلس:شفيك جالس لحالك
فهد ما رد وصار بس يطالع بعيونها ومبتسم بحب وهي أنحرجت وقالت وهي تحط يدينها على عيونه:فهود لا تطالع فيني كذا
فهد شال يدينها من على عيونه وحضنها بقوووه وهو يقول:تكفيين لا عاد يتكرر هالشي اببد
ابتسمت روان وقالت وهي تبعد عنه بدلع:آسفه حبيبي
فهد تنهد وباسها بخدها وقال:زين هات بوسه
ضحكت روان وباسته بخده وهو لف وقال وهو يحط يده ع الخد الثاني:وهنا بعد
روان باسته وقالت وهي تحط يدها على فمها:خلااص
فهد:ههههههههههههه بس وحدة
روان باسته وقالت:هيا خلاااااص
فهد:ههههههههه فدييتك
شوي طالع فيها فهد وقال لها:رورو ما حددنا يوم زواجنا
روان:زين متى تبيه
فهد:جاهزة انتي ولالا
روان:إيه
فهد:زين بعد 3 أسابيع إذا رجعنا جده
روان:زين خلاص
جلسو يسولفوون مع بعض وكانو مبسووطيين حييل لين ما قرب الفجر ودخلت روان وهو بعد دخل عند الشباب
...
مرت إجازتهم بالشرقيه وانبسطووو فيها حيييل صارت احدااث كثييره قربت الحباايب من بعض حيييل وزادت حبهم وجا الوقت اللي بيرجعون فيه لجده والكل يستعد لهالشي
باليوم اللي بيسافرون فيه لجده بالصباح
كانو يحطون الأغراض بسياراتهم فهد واقف مع أحمد ويساعده عشان يحط الأغراض بسيارته وكان فيه ترمس تبريد كبييير مربع واستغرب فهد وقال:وش حاط فيه حمود؟؟
أحمد وهو يشيله ويحطه بالسيارة:أدويه روان لازم تكون بارده
فهد انصدم من كبر الترمس وقال:كلها ذي ادويه
أحمد بضحك:شفيك هي 5 انواع بس الجرعات كثيره وتخلص بسرعه
فهد:آها فجعتني
أحمد:هههههههههههههه
كملو الأغراض وركبو سياراتهم ومشو لجدة