مدري أعجبك صدري ونويتي تقيمين


ولابعد ودك يطول انتظاري


يكفي علي من الزمن لاتزيدين


كل الجهات مسكره في مساري


مات الصدى بصوتن يثور براكين


واغتال ليلي طلعة أول نهاري


بيني وبين الحظ كرهن له سنين


مدري متى منه أباخذ بثاري


صرت الجمل وأيام عمري سكاكين


أحطب ضلوعي واتدفا بناري


تعبت من نفسي وأنا أقول بعدين


وش أخرة بعدين غير انكساري


ياوقت أنا وياك قلي على وين


مجروح وأدري وجهة الأسرار عاري