تسلمين على الفكرة والله يبلغنا وياك شهر رمضان واحنا بصحة وسلامه يارب

وانا راح اقدم وصفات على قدي واعذروني على التقصير

حلا من عقلي بس ماادري يمكن في غيري ابتكره

بسم الله
المقادير: شرائح توست منزوع الاطراف
علبة قشطة
علبةحليب مركز
مكسرات فستق او جوز هند
شكولاته بالحليب اي نوع
لتزين شكولاته بيضا
الطريقة
تجيبين القشطه وتاخذين ملعقه وتمسحين على كل شريحه من التوست
بعدين تاخذين حليب المركز وتسوين نفس الشي
بعدين تاخذين المكسرات اي نوع تحبين وتنثري على الوجه

بعدين تاخذين شريحة التوست وتلفينها على شكل سويت رول وتسوين مع البقيه
بعدين تحطينه في الثلاجه يتماسك

بعدين تاخذين الشكولاته طبعا كميه من الباكيت على حسب شرائح التوست وتذوبينه في حمام مائي

بعدين بعد مايتماسك التوست تاخذينه وتقطعينه شرائح وسط تقريبا 2سم

وتاخذين كل القطع وتغلفينه بشكولاته ونفس الشي بعدها تحطينه في الثلاجه
ولتزين تاخذين القطع بعد ماتتماسك بالشكولاته تاخذين الشكولاته البيضا بعد ماتذوبينها وتسوين
على القطع وهي مغلفه تماما بالشكولاته البنيه تسوين عليها خطوط بيضا وانتي وشطارتك وعليكم بالف عافيه