الجزء الحادي عشر
وليد توه صاحي من النوم وقاعد يفطر وامه قاعده قباله وتطالع فيه وهي اللي ما صدقت يتحسن شوي قامت وهي مبتسمه وجلست جنبه وحطت يداها من وراض هره فوق كتفه وقالت:ولييد عندي لك موضووع
وليد شافها مبسوطه وعرف وش تبي تقول وقال وهو يضحك:داااري وش موضووعك توكلي على الله بس
امه ضحكت وقالت:هههه طيب اللي براسي
ولييد:اللي براسك تعجبني يلا خلاص اتفقنا
ضحكت امه وقالت:من عيووووني
وليد ماحب يكسر خاطر امه وبنفس الوقت كان يبي يغير حياته
----------------
مراد كلم امهوخطبت له بنت وحده من صحباتها وتمت الخطبه وطبعا مراد قال انه يبي الزواج قرييبب
وخلووه بعد شهر
----------------
ام وليد كلمت ام ابراهيم بخصووص خطبه وليد لأفنان وطبعا قالت بتكلم ابو ابراهيم وافنان
بعد ما كلمتهم افنان وافقت وتمت الخطبه وطبعا حددو يوم الزواج وكان بعد شهر
والملكه كانت بعد اسبووع
--------------------
وليد والشباب بقارب بالبحر بس ماجد مو معاهم
الشبااب كلهم خرجو للبحر وركبو القارب ومبسوطيين ويسولفون شوي قال وليد:والله ودي اشتري يخت
ابراهيم:لا بالعكس استأجر متى ما ودك وش تبي فيه تشتريه
وليد:لا انا ابي واحد لي انا ملكي مابي اقعد استأجر
اياد:اوكي معليه اشتري
وليد:يووه باقي ابي اشتري سيارة جديده والملكه ع بالطريييق وابي بعد ازبط بيتي بعديين افكر باليخت
ابراهيم:هههههههههههآآى اياد وليد قاعد يقول لنا يعني اشتروه لي هديه هههههههههه
اياد:هههههههههههههه اووكي من عيوني بس مو هو بيتزوج اختك خلاص انت اشتريه له
وليد:هههههههآآي يا ما شاالله وانا مزوجك اختي انت اولى
ابراهيم:هههههههههه ايه صدق انا باقي ما ملّك
اياد:هههههههه ابشر والله من عيووني
ابراهيم:جد اياد ترى مو مزح كلمة رجال
وليد:اقوول لا تصدقون خلاص انا بشتريه
اياد:لا خلاص كلمه رجال انا وعددتك
وليد:ياهيييه لا تستهبل قاعد امزح انا
اياد:خلاص براحتك انا بعد قد تكلمت
وليد بضحك:خلااص الله يعيينك ما بجبرك
ابراهيم:ههههههههههههههه
اياد:شباب وين ماجد ما جا معانا
وليد:ماجد محتااس ماجد تخيل يقول يبي يسافر جده
ابراهيم:لييييه !! سلامات
وليد:يقول يبي يتونس مع اصحابه
اياد:وحنا مو مالين عينه
وليد:والله مرة ماله دااعي حاولت فيه ومصمم يبي يرجع جده
ابراهيم:غريبه يعني اهله بعد بيرجعون معه
وليد:لالا بس هو بيسافر
اياد:لا ما اتوقع وبيخلي ريهام هنا مستحيييييل
وليد:اصلا عندي احساس انه ما يبي يسافر الا عشانها
اياد:شلوون؟!! غريبه ليه
وليد:اما مو ملاحظيين هالأياام قالبه علييه حييييييييل ممرة ما تكلمه ولا حتى تطالع بوجهه سألته ليه يقول مادري كنا فجأة كذا قلبت
ابراهيم:ايه صح اذكر من ذاك اليوم يوم كبيت عليه مويه وهو نايم قمنا الصباح وهي قالبببة
اياد:غريييبه والله شكله تضايق منها عشان كذا بيسافر
ابراهيم:بجد وربي وين يروح منها وهي اربع وعشرين ساعه معاه وفجأه تقلب عليه ما ألومه
ولييد:نفسي اعرف وش قلبها مع انه ما قد ضايقها بشي اببد
اياد صار ساكت وباله ع مراد لا يكون قال لها شي ولا سوالها شي
--------------------
ماجد كلم ابوه بخصوص سفره واقنعه لين ما وافق له وعلى طووول لم عفشه وتجهز وهو خارج ريهام وامه والبنات كانو قاعدين بالصاله وامه ما تدري انه بيسافر ويوم شافته حامل الشنطه وخارج قالت وهي تقوم وتروح عنده:مااجد وين ان شااء الله
ريهام انتبهت له وصارت تنتظره متى يرد ع عمتها وقلقااانه حيييل
وهو طالع بريهام وطالع بأمه وقال:بسافر جده
امه بإستغراب:ليه ان شاء الله
ماجد بصوت واطي:يمه ما عليه شوي وبرجع
امه:ابوك يدري
ماجد:اييه قلت له وقال طيب
امه:طيب ليه قلي ابي افهم انا
ماجد:عندي اشغال هناك بخلصها وارجع
امه:وش اشغاله ماجد مو ناقصة
ماجد:يمه الله يرحم والديك بعد انا مو ناقص قلت لك ما بطول
امه:حسبي الله ع عدوك الحين وش وداك عند السفر
ماجد باس راس امه وهو يقول:فمان الله قلت لك مو مطول
خرج وريهام تطالع فييه وما تدري ليه انقههرت حييل مع انها كانت تقول:لو ما عاد اشوفه بهالبييت برتاااح نفسيا
بس حست يوم شافته وهو خارج وعرفت انه مسافر بضيييق مو طبيعي وراحت لعمتها وقالت لها:عمه بيطول بجده
عمتها:مادري عنه قال لي انه ما بيطول
ريهام راحت للبنات وصارت جالسه معاهم وهي متضاايقه حيييل
------------------
الشباب راجعين من البحر وجايبين معاهمم العشا وليد اول ما دخل قال:عممممه ماجد مشى ولا باقي
عمته:دوبه خرج الحين بالله ما قلك كم بيقعد بجده
وليد:لا والله بس قالي مو مطول
عمته:ناقصته بعد هو الحين حسبي الله ع ابليسه
وليد وهو رايح غرفته ويضحك:عمه ريحي باالك
عمته:الله يهديه بس ما اقووول الا هي
وليد طلع غرفته وصار يبدل ملابسه وابراهيم بعد راح للجناح وغيرو ملابسهم وخرجو يتعشوون
وهم ع العشا بطاولة البنات ريهام تقول لأفنان بضيق:افنان ماجد سافر جده
افنان:ليييه؟
ريهام تنهدت وقالت:مادري
افنان سكتت شوي بعدين قالت:رهووم انتي قالبه عليه هالفترة يمكنه تضايق من هالشي
ريهام سكتت وما ردت وحست انا غصة شوي وقالت:دامه زعل عشان كذا مع نففسه عساه ما رضي
عصصبت ريهام وصارت تقول بخاطرها:مع نفسسه اصلا ليش اهتم له في حرييقه
بعد العشى راحت ريهام لسريرها ع طووول وهي تحس انها متضااايقه ححيل من يوم ما سافر ماجد مع انه يوم كان موجود ما كانت تكلمه ولا تجلس معاه بس كانت تطمن انها تشوفه والحين مو موجود تحس انها فاقده شي كبييير وتحس ان شي ناقصها
مسكت جوالها وصارت تفرفر فيه تبي أي شي يشغلها شوي فتحت ع ملف تعريفه وشافة حالته كاتب"يا عياااال جدده جاااايكم بالطريييق بكرة تعشووني ماليي دخخخل"
وصورته
قفلت الجوال وحطته جنبها وبدت تحاول تنام بس مو قااادرة اببد وكل شوي تقوم وتقعد ومتضااايقه حييل لفت جنبها وصارت تطالع بسرير ماجد وهي لها فتره ما نامت بالجناح تنام بغرفة جيهان عشان ما تشوفه
ع طوول نزلت دموعها وصارت تبكي وتقوول:ليه طيب يكذب علي ويخليني اثق فيه لهالدرجه
قامت وصارت تمشي ناحية سريره وجلست فوقه وكتمت راسه بمخدته وصارت تبكي وتشههق وريحة عطره بالمخده
وبالنهايه صددعت حيييل ونامت وهي ع هالحال
--------------
ماجد بالسياره واول مرة بحياته يسافر وحده كانت كل سفراته مع اهله لأنه ما كان يبي يبعد عن ريهام شبر
بس الحيين تغيير الحاال حييل صار يبين انه مبسووط وان الوضع عاادي وهو من داخله مهدووود حييييل
كان مشغل اغنيه (والله ما كان الفراق اختياري)
وجواله بالمقعد اللي جنبه وهو حاط يد ع الدركسون ويد حاطها تحت خده ومتكي ع الباب
شوي دق جواله لف ولقاها امه تدق قفل الاغنيه ورد:هلا يمه
امه:هاه وصلت
ماجد:لا باقي لا تقلقين اذا وصلت بدق عليك
امه:ابي انام انا
ماجد:معليه بأرسل لك رساله
امه:يلا مع السلامه
ماجد:مع السلامه
قفل الجوال ورجع شغل الأغنيه وصار يقول بباله:بس ودي اعررف وش قلبها علي يمكن مراد قال لها شي لأنها صارت تقولي انت كذاب زي مراد بس ما اتوقع تصدقه لو قال لها شي
شوي الا واحد من اصحابه بجده يدق عليه
اول ما شاف رقمه ابتسم ورد ع طوول:هلا والله
معاذ:هلا بك شلوونك
ماجد:تمام الحمد لله انت شلوونك ووشلون الشباب بعد
معاذ:تماام والله اقولك انت وينك الحيين اسمع عندك صوت طررب
ماجد ضحك وقفل الأغنيه وقال:بالسياره ومشغل المسجل
معاذ:ههههههه يعني اكييد جاينا بجده
ماجد:اييه والله بالطرييق بس علييك الععشا
معاذ:ليه ما تعشيت
ماجد:الا بس اقصد بكره تذبح لي
معاذ:ههههههه اببشر من عيووني بس انت تعال
ماجد:خلاص اجل انا قرريب اشووفك بكرة ان شااء الله
معاذ:ان شااء الله
ماجد:يلا فمان الله
معاذ:فمان الله
قفل منه وصار يسووق وطفشااان حييل
مرت الأغنيه ع باله بكلماتها سكت شوي وقال:رهووم مو كذا انا اعرفها بس وش اللي قلبها
تذكر اذا مرض شلون تقلق عليه واذا تضايق ما ترتاح لين ما تعرف وش مضااايقه وما ترتااح باي طلعه لين يكون معاها
سكت شوي وهو يقوول:ذا كله وبتقلب علي بهالسرعه نفسي اعرف ليييه تسوي فيني كذا
-------------
باليوم الثاني
ريهام صحيت من نومها وهي مصدعه حييل وع طوول اخذت جوالها تبي تشوف حالة ماجد عشان تعرف وصل جده ولالا بس لقيتها زي ما هي ما غيرها
حطت الجوال جنبها وهي تقول:اكييد وصل
شوي قامت وراحت تفطر واول ما شافة عمتها قالت:عمة وصل ماجد
عمتها:ايه دق وكنت نايمه وارسل لي رسالة
ريهام حست انها تطمن وصارت تففطر
شوي قالت:ملكة وليد طيب بعد يومين ما راح يحضرها
عمتها:والله ما ادري يابنتي ما قال لي متى بيرجع بس اكيد انه بيحضرها
وليد من ع الطاولة الثانيه:اييش وربي ليحضرها لو اروح اجيبه انا بعد خيير ان شااء الله
ريهام:ههههههه ما قلت ما بيحضر بس اسأل
ولييد:لالا بيحضر ما عليك
سكتت ريهام وصارت تطالع بصحنها ومالها نفس تاكل ابد وتذكرة المحادثه وصارت تبي تبررها وما تبيت طوول زعلها منه لأنها عرفت انها ما تقدر تستغني عننه اببد
شوي قامت وخرجت للحووش وبيدها جوالها صارت تفتحه وتقلب فيه وكل شوي تروح لرقمه وترجع متردده انها تكلمه
بالنهاية فتحت الصور وصارت تقلب فييها واغلبها استهبالها معاه اغلبها صووره هو يمكن بعد بكل حالاته وع كل صورة موقف صارت تتذكر ودموعها بعيونها
شوي خرج وليد وشافها وقال وهو يروح لها:شفيك قاعدة لحالك
ريهام وهي تمسح دموعها:مافيني شي
وليد وقف جنبها وقال:رهووم ترى ماجد جااي لا تقلقيين وحتى لو ما جا انا بجيبه غصب
ريهام وهي تقوم:الحين وش جاب سيرته مع نفسه ما يهمني لو جا ولا ماجا كلهم واحد
وليد طالع فيها وقال:هههههههه طيب شدخلني تعصبين علي
ريهام:مو معصبه بس ماله داعي كل شي قلتو ماجد موكأنه ظلي
وليد وهو يروح:لا بس تصدقين شكلك غلط بدوونه!
ريهام طالعت فيه وهي تعرف انه صاادق وتعرف بعد انها ما تستغني عنه وسكتت وما ردت ودموعها نزلت ع طوول
وليد دخل البيت وما مداه الا وماجد يدق عليه
وع طوول رد:هلا والله
ماجد:هلا بك شلونك
وليد:تمام الحمد لله انت اخباارك
ماجد:الحمد لله كل شي تمام
وليد:متى بترجع
ماجد:هههههه دوبني مسافر لهالدرجة اشتقت لي
وليد:ايه لهالدرجه يالخبل ملكتي بعد يومين
ماجد:ماعليه لازم احضر؟
وليد عصب وقال:ايه لازم وربي لو اجي واجيبك
ماجد:هههههههههه من عيوني ماعليه بجي
وليد:ماجد جد اتكلم
ماجد:ايه والله بحظر
وليد:زين ليش داق بغيت شي
ماجد:ايه بغيت اسألك عن ريهام
وليد:والله حالتها حاااله تحس انها ملخبطه ومكركبه وما تدري وش تسوي
ماجد:شلوون؟!
ولييد:ارجع والله انحاسه البنت بدونك
ماجد:لا تكذب علي شوف شلون كانت تعاملني وانا موجود زي اللي يقول اقللب وجهك وما عاد ابي اشووفك
وليد:والله في شي قالبها ولا هي مرة من يوم ما سافرت انقلبت وتسأل متى بتجي
ماجد:يالييل مطولك بس بي افهم وش قلبها
وليد:تعوذ من ابليس وتعال والله بترتاح
ماجد:زين بجي خلاص لا تزن
وليد:متى
ماجد:مو بكرة لالا بكرة في الليل بمشي من جده
وليد:وليه مو بكرة في الصبح ولا اليوم
ماجد:حلوه ذي اخوياي بيذبحون لي اليوم وبكرة بطلع معاهم البحر وبمشي في الليل
وليد بقهر:زين تتهنى ان شاء الله
ماجد:هههههههههه وليد سلامات والله جاي
وليد:يلا بس مع السلامه
ماجد:مع السلامه
--------------------
بعد مرور يووم ماجد يتجهز للسفر وريهام عرفت انه بيجي بالليل وما راح ترتاح الا اذا وصل
صارت منسدحه ع سرير ماجد ومو قادره تنام
وماجد مشى وهو بالطريق كلم وامه وقال لها انه مشى
اما وليد مبسوووط بكرة ملكته مع افناان وافنان نفس الشي
بالليل ريهام منسدحه وتحاول تناام بس حاسه نفسها تعباانه شوي وهي من النوع اللي اذا ارتفعت حرارتها تهلوس
يعني تصير تمشي وهي نايمه ولا تتكلم وتهاوش وهي موح اسه بنفسها<<زي اخووي يووه اخاف اذا مرض
المهم
دقاايق ودخلت بنوومها بدون ما تاخذ مسكن
عمتها وعمها نايميين بغرفتهم اللي مقابله لاغرفه اللي هي نايمه فيها
شوي الا بدت تهلوس<<وبالعاده لو هلوست تروح لعمها ولا لماجد
جلست وصارت تبكي شوي قامت من فراشها وصارت تقول وهي تبكي:مااااجججدد
مششت وراحت لغرفة عمتها وعمها وصارت تبكي وتصحي عمها وتقوول:عمووو قووووم
وصارت تصحييه لين ما صحي وقال:هممم حبيبتي وش تبين
ريهام وهي تبكي وتسحبه من يده:تعاال شووف
عمها وهو يجلس:وش اشووف يابنتي
ريهام:تعاااال قوووم
عمها عرف انها تهلوس وحط يده ع جبهتها لقاها مسخنه وقال لها وهو يقوم معاها:وشو حبيبتي
ريهام وصلته لغرفتها وقالت وهي تأشر ع سرير ماجد:مادري رااح في شي اسوود كان هنااك
عمها قال:بسم الله عليك نامي حبيبتي
هي راحت وجلست ع سرير ماجد وقالت وهي تبكي:خليك معااي شوي وبيرجع
عمها:زين بس بروح شوي وراد يلا انسدحي
انسدحت ريهام ع السرير وتلحفت
وعمها راح وصحى عمتها وقال لها:قوومي شوفي ريهام حرارتها مرتفعه وبدت تهلوس
عمتها تخاف عليها كثيير اذا صارت تهلوس قالمت وهي مفجوعه وراحت لريهام وحطت يدها ع راسها ولقيتها مسخنه حييل
راحت وجابت بندوول وكمادات وجلست جنبها واعطتها البندول وصارت تكمدها
ريهام مسكت بيد عمتها ودخللت بنوومها
وعمتها جاالسه وتكمدها
------------------
بنص الليل ماجد وصل ينبع واخذ عفشه من السياره وكان معاه مفتاح للبيت فتح ودخل وهو مهلووك ويبي ينااام
دخل الجناح ودخل لغرفته هو وريهام وشاف امه وهي جالسه ع حافة سريره وشاف احد نايم ع السرير بس ما عرف مين
حط شنطته ومشى لين السرير وهو يقول:يمة شفيك جالسه هنا ما نمتي
امه لفت وشافته وقالت:هلا والله الحمد لله ع السلامه
ماجد:الله يسلمك
امه:لا بس ريهام ارتفعت حرارتها وقومت ابووك وهي تهلوس وقومني عندها
ماجد طالع بريهام اللي نايمة ع سريرة وقال بخاطره:غريبه نايمة بالجناح مو بغرفة جيهان لا وتعبانه بعد وبعد ع سريري هههههه شكل ولييد صادق ما يكذب علي
حط يده ع جبهتها وقال لأمه:كم حرارتها
امه:دوبها نزلت الحين 37
ماجد جلس ع سريرها وقال:ليه طيب تعبت
امه:مادري والله ابوك قومني من النوم وقال لي"قومي شوفي البنت صارت تهلوس"
وقمت عندها
ماجد تنهد وانسدح
وامه قالت له وهي تقوم من عند ريهام:ماجد كل اذا خل بالك منها لا ترتفع حرارتها واذا ارتفعت صحيني
ماجد:ما عليك يمه لا تشيلين هم روحي نامي
امه:يلا تصبح ع خير
ماجد:وانتي من اهله
راحت امه لغرفتها ونااامت
اما هو لف وجهة جهة ريههام وصار يحااول يناام
------------
باليوم الثاني طبعا البييت حووسه واستعداداتهم للملكه بدت
ريهام دوبها صاحيه من نومها جلست ع خرجة ماجد من الحمام وقال لها وهو مبتسم:صباح الخييير
ريهام طالعت فيه وردت:صباح النور
ماجد:هاه كيفك الحين احسن؟
ريهام وهي مو فاكره هلوستها بالليل بس انها مصددعه حييل قالت وهي تقوم من ع السرير:ايه
دخلت الحمام وهو خرج من الجنااح وهو ينشف شعره ويقول:يممااااه
امه من المطبخ:نععم
ماجد:وين وليييد
امه:مو موجود خرج
ماجد:يوووه ملكته اليوم ما بيعطيني وجه
جلس وهو يقوول:يماااه جيعاان ابي اففطر
امه:زيين الحيين جاايه صحي ريهام عشان تفطر معاك مرة وحده
ماجد:صحيت بالحمام
شوي جابت امه الفطوور وهو قاال:ريييييييهاااااااااااام
ريهام وهي خارجه من الجناح:نعععم
ماجد:يلا تعالي افطري
ريهام جات وجلست معاه وصارت تفطر
ماجد صار يطالع فيها وقال بخاطره:كأنها رضيت ولا بس تسلك لي؟
ريهام كانت ترد عليه بس اذا كلمها اما تروح هي وتكلمه ولا تطلب منه شي لا
--------------
بعد المغرب بدت الحووسه الصح ابراهيم راح يدوي افنان المشغل والبنات معاها ووليد راح للصالون وماجد راح معاه
وبعدما خلصو راحو للقاعه وبدت الحففله
كللهم استاانسو بالملكة و ريهام بعد بس ع النهاية بدت ترتفع حرارتها
راحت وجلست جنب عمتها وقالت:عممه تعبباانه
عمتها حطت يدها ع جبهتها ولقيتها مسخخنه وقال لها:ترووحين البيت طيب؟
ريهام:اييه
عمتها اخذت جوالها وهي تقول:زين بدق ع ماجد يجي ياخذك
ريهاام مسكت يد عمتها وقال:لالا مو ماجد دقي ع عمي ولا أي احد
عمتها:شللون يابنتي خلاص ماجد بس بيوديك ويرجع
ريهام بضيق:زين تعالي معاي
عمتها:ما اقدر حبيبتي عمتك بتزعل لو رحت
ريهام لفت وجهها بضيق وقالت:زين ماعليه
دقت عمتها ع ماجد:الو
ماجد:هلا يمه
عمتها:هلا بك ماجد معليش تعال بس ودي ريهام البيت ارتفعت حرارتها وتبي تروح
ماجد استغرب وقال بخاطره:غريبة دقو علي!! وقال لأمة:زين جاي
امه:يلا استناك مع السلامه
ماجد:مع السلامة
قفل وقام ع طوول إياد شافه وقال:ماجد وين راايح
ماجد:شوي بس بودي ريهام وارجع
اياد:هيا بسرعه
خرج ماجد وركب سيارته ورااح لمدخل الحريم بالقاعه ووقف واخذ جوالة ودق ع ريهام:الو
ماجد:يلا رهوم انا برا
ريهام:طيب خارجه
خرجت وركبت السيارة وهو ع طوول مشى
وصلو للبيت ونزل هو وياها وفتح الباب ودخلت هي وياه
هي استغربت لأن عمتها قالت انه بس بيوديها ويرجع للملكه
ماجد قفل الباب وراح للمطبخ واخذ ميزان الحراره واعطاها اياه وقال:خذي
ريهام اخذته وصارت تقيس حرارتها وكانت 38 درجه
حطت الميزان وراحت للجناح وماجد قال:كم حرارتك
ريهام:38
ماجد:زين رهوم ادخلي تروشي بمويه بارده بسرعه
ريهام دخلت الحماام وتروشت ويوم طلعت ماجد خلاها تقيس حرارتها وكانت 38 ما نزلت
ريهام انسدحت ع السرير تبي ترتاح شوي
وماجد راح وجاب لها بندول وكاسه مويه
دخل الغرفه وهو يقول:رهووم قومي خذي الدوا
ريهام قامت وقعدت واخذت البندول منه وشربت عليه المويه
وهو كان معاه كمادات جلس بقربها وصار يكمدها
هي ما ارتاحت للوضع وقالت:ماجد خلاص روح
ماجد:باقي رهوم حرارتك مرتفعه شلون اروح
ريهام بضييق:رووووح وخر عني
ماجد طالع فيها وقال بإستغراب:ليه طيب سلامات
ريهام شالت يده من ع راسها وهي تقوول:وخخر خلاااص
ماجد قام وطلع برا الجناح وصار جالس بالصاله ويقول بخاطره:شفيها ما صارت ترتاح لي مثل اول
صار يقلب بجواله وهو قلقاان حييل ويقول:ما شافت مني شي طيب ليه تسوي كذا
شوي قام وراح لها بالغرف هيبي يقيس حرارتها وهي قالت:ماجد انا قلت روح خلاص
ماجد بقهر:مو رايخ حتى تنزل حرارتك بكيفي
عطاها الميزان وهو يقول:بسرعه كم
ريهام قاست حرارتها وكانت بتكذب عليه عشان يروح وقالت:37
ماجد اخذ الميزان منها وشاف لقاها 38 وقال وهو معصصب:خلي عنك الكذب
ريهام انقهرت وقالت:مالك دخل فيني خلاص قلت رووح اطلع برا
ماجد وهو يخرج من الغرفه بقههر:قلت موووو رااااااااييييح بكيييفيي
ريهام انقهرت منه وقالت:زين بكيييفك بس اططلع براااا مابي اشوووفك
قفلت باب الغرفه عليها بالمفتاح وخلته قاعد بالصاله وحده
ماجد انقهر حيييل منها وخرج ورجع للملكه وهو متضاايق ووده يعرف وش قلبها فجأه