منتديات كلك غلا - عرض مشاركة واحدة - لا تخليني على الدنيا وحيد~||من تأليفي||~

08-14-2012, 05:02 AM

الجزء الثامن
ماجد قام من نومه ولف جهة السرير اللي جنبه كان فااضي بس مو باين ان احد كان نايم عليه وقال بخاطره:وين نامت رهووم
شال اللحاف من عليه وقام وراح للحمام
ريهام كانت نايمة هي وافنان بغرفة جيهان شوي صحيت افنان وقامت ودخلت الحمام
ماجد خرج من الجناح وهو يتمطط وشاف افنان نازلة من الدرج ومبين بوجهها انها كانت نايمه وقال لها:وين ريهام
افنان:باقي نايمة بغرفة جيهان
ماجد مشى ودخل المطبخ وفتح الثلاجه واخذ له عصير وجلس يشربه شوي الا وليد داخل ويغني وشاف ماجد وجلس وهو يقوول:شبعت نوم
ماجد وهو يفرك عيونه:ايه والله نومه في التاارييخ
ولييد:والله هالأياام مررة قللق مع جيهان وزواجها شغغغله
ماجد:هههههههههه احسن خليك تحس بالمسؤليه لو شوي
وليد:وربي طلعت من عيوني كل شوي ترسلني بشي
ماجد:متى زواجها بالضبط
وليد طالع في ماجد بإستغراب وقال بعد 3 ايام سلامات
ماجد:اوووووووووه قريب مررة ياوييلي
وليد استغرب وقال:لييش

ماجد:باقي شغغله ريهام ما نزلت السووق ولا امي بعد مادري شكلهم ناسين
وليد:هههههههه تستااهل
ماجد:الله يعييين
ولييد:الله يعدييه بسرعه ابي ارجع لحياتي العاديه
شوي الا صوت افنان صرخت بعدين الا صوت جيهان تضضححك
خرجو من المطبخ وهم مفجوعين وقالو:شفيكم
جيهان طالعت فيهم وبيدها صرصور لعبة وضحححكت وقالت:حتى انتم خفتو هههههه
وليد طالع في ماجد وقال له:بالله هالبزر اللي زواجها بعد 3 ايام الله يعوضك يا اياد بالجنه
جيهان وماجد وافنان قعدو يضحكون عليه وهو قال:مرجوووجه الله يعينه عليك
جيهان:ههههههههه مع نففسك
مسكت يد افنان وقالت:تعالي بخووف ريهام
افنان:لالا حرام عليك نايمة
ماجد:جيهان ترى بتززعل
جيهان سحبتها بقوه وطلعو وماجد ضحك عليهم وقال:بكيفك انا قلت لك
وجلس هو وليد يتفرجون بالتلفزيون
ريهام دوبها صاحية من النوم وخارجه من غرفتها وتفرك عيونها الا وجيهان قدامها ومعاها الصرصور بيدها وقربت منها وحطته ع كتفها بدون ما تحس ع انها تحضنها وهي تقول:صباح العصصر
ريهام ما حست وضحكت وقالت:ليه ما صحيتيني
شوي قالت جيهان ع انها خايفة وتطالع بكتفها :رهووم وش هذا
ريهام لفت بخوف وطالعت بكتفها ويوم شافته صارت تصرخ وماسكه يد افنان بقوه وتقول وهي تبكي:شيليييه وخرييه عنييي
ماجد سمعها وقال وهو يقوم:لعن الله اشكالكم يالنذلات
وافنان وجيهان يضحكون عليها ويقولون لها انه لعبه وهي تبكي ومو قادرة تشيله وتصصرخ
ماجد طلع وشافهم وهم يضحكون وقال بصوت عالي:شيليه يالنذلة
ريهام يوم شافت ماجد قالت وهي تصرخ:شييله بسرعهه ياااااااااااااااااع وتبكي
ماجد قرب منها وشالة ورماه وسكتت وصارت ماسكه ع كتفها ومقهوورة من جيهان وجيهاان بتمووت من الضححك
وقالت لها وهي تمسح دموعها:وججع وخري عني
ماجد فيه ضحك بس ما يبي يضحك عشان ما تزعل وقال:بس خلااص عاد لا تتهاوشون
ريهام اننقهرت ودخلت الغرفه وقفلت الباب
وهو ضحك وقال لجيهان:تستاهليين الحين زعلت انا قلت لك من اوول
جيهان بضحك:ما عليه بترضى
نزل ماجد وجلس مع وليد شوي الا ابوه خرج من الجناح وهو يقول له:شفيها ريهام تصرخ
ماجد:جيهان وافنان خوفوها بصرصور لعبه
ابوه وهو يجلس:الله يهديهم
وكمل وهو يقول لأم ماجد:بالله سوي لي شاهي
ام ماجد وهي تقوم:طيب
البنات فوق فتحو ع ريهام الغرفه وجلسو يراضونها ويستهبلون معاها لين ما رضيت وخرجو وهم يضحكون وجلسو بالصاله كلهم
ابو ماجد طالع بجيهان وقال بمزح:متى بتعقلين يابنتي
جيهان عرفت انه عرف وضحكت وسكتت
وهو ضحك وصار يشرب الشاهي
شوي ماجد قال لريهام اللي كانت قاعده جنبه:رهووم ما نزلتو السوق انتي وامي
ريهام:يووه صح كم باقي ع الزواج
ماجد:3 ايام بس
ريهام طالعت بجيهان وضحكت وقالت:مستحييل ما اصدق ذي بتتزوج بعد 3 ايام
ماجد:ههههههههه
ريهام:اوكي نروح اليوم بعد المغرب
ماجد:طيب كلمي امي وشوفي
ريهام وهي تقوم:وينها
ماجد:بالجناح
راحت ريهام لعمتها وشافتها جالسه وماسكة جوالها وقالت وهي تجلس جنبها: عمة وش رايك نروح اليوم السوق
عمتها:طيب حبيبتي قولي لماجد ونروح
ريهام:قلت له خلااص
عمتها:متى
ريهام:بعد المغرب
عمتها:أوكي ما عندي مانع
رجعت ريهام وجلست جنب ماجد وقالت:تقول طيب
ماجد:يلا خلااص قرب يأذن قومي تجهزي بس بأصلي ونروح
ريهام:طيب
----------------------
بعد المغرب ماجد وامه وريهام رايحين للسوق
وهم بالسوق ريهام قاعده تختار لها فستان وعمتها واقفه معاها وتختار لها
شوي خلصو من الفستان وراحو للشووز ومن الشوز للإكسسوارات وبعدها اكسسوارات الشعر وبعدها راحت تشوف لها شنطه حلوه المهم دووخت ماااااجد
شووي خلصو وماجد صار يطالع بريهام ويقول:خلااص؟
ريهام طالعت فيه وضحكت وقالت:اييه
ماجد بضحك:الحمد لله
واخذ الأكياس منهم وع طوول خرجو من السوق
ماجد وهم بالسيارة:خلااص ما بقى شي اخذتو كل اللي تحتاجونه ولا
امه:ايه خلااص
رجعو البيت ولقيو العشا جاهز وع طول ماجد تعشى وناااام
والباقين بعد نفس الشي
----------------
اليوم زواج جيهاان وحوووسه بالبييت الشباب والبنات كللهم محووسين
وليد دوبه راجع هو وماجد وابراهيم من الصالون
وليد:يمممماااااااااااه وين ثوبي
اممه:في غرفتك خلااص كويته
ابراهيم:املوووة شماغي فين حطيتيه
امل وهي تلبس اكسسواراتها:علقته بالدولاب عشان وسن ما تعدمه
مااجد:يمه وين جزمتي لا تقولي ما جبتيها
امه:لالا جبتها حطيتها بشنطت ابوك
وهذي حوسة الشباب اما البنات
ريهام خللصت وجالسه عند جيهان وتسولف معاها والكوفيرة تسوي لها المناكير
وافنان تلبس اكسسواراتها
وامل بعد خلصت كل شي وجالسه تلبس وسن
بعد كل هالحوووسه
ماجد واقف نهاية الدرج وينادي:رييييهاااااااااااااام
ريهام سمعته وقامت ع طول وقالت:نعععععم
ماجد:عطري وينه ما لقيته
ريهام:ايه صح حطيته بشنطتي لحظه بجيبه
وليد:خذ من عطري وربي يجنن
ماجد قرب منه وشم وقال بإستهبال:وع تقول ريحة قهوه وزنجبيل
وليد:هههههههههههه رووح بس يالخراط
ماجد:هههههههههههه امزح بس انا ابي عطري
وليد:مع نفسك
شوي جات ريهام ومعاها عطره واعطته اياه وهو صار يكش ع ثوبه وشماغه وشوي لف ع وليد وكش بوجهه وقعد يضحك
وليد صار يمسح وجهه ويقول:وجعع دخل بفمي
وماجد ضحك وقال لريهام:يلا انا بالسيارة
ريهام وهي طالعه:طيب ثواني بس
-----------------
بعد ما وصلو للقاعه وبدا الحفل والرقص
ريهام رمت شنطتها عند جيهان وقالت:يلا عاد بروح ارقص مو قاعده
وراحت هي وافنان يرقصون
وسمر كانت ترقص وشافتهم وباقي ما سلمت عليهم
ريهام كانت مبسوووطه حييل وفرحاانه
وبعد ما وقفت الأغنيه نزلت ريهام وافنان من الكوشه وجلسو وصارو يسولفون ويستنون الأغنيه اللي بعدها
شوي جات سمر وهي تقول:هلا والله وغلا
ريهام شافتها وهي مقهوره من آخر مرة شافتها فيها وما تبي تقوم تسلم عليها بس قامت عشان ما تحرجها وسلمو عليها وسمر تقول:حركاات وش هالزين طلعتي رووعه
ريهام ابتسمت وصارت تجاملها وهي قالت:بتجلسون هنا
ريهام لفت ع انها ما سمعتها
وافنان ردت عليها:لا بنرقص بس نستنى الطقاقه تبدى
سمر:اووكي رهوم ابي ارقص معاك
ريهام تنهدت بضيق وقالت وهي تتذكر اللي صار بذاك اليوم:لا خلااص بروح لجيهان مابي ارقص
سمر طالعت فيها وانصدمت من رده فعلها وريهام راحت وخلتها واقفه مع افنان
افنان بعد استغربت من ردة فعل ريهام وحست ان سمر تفشلت وقالت تبي ترقع:يلا معليه انا برقص معاك
سمر باقي مصدومه من ريهام وتقول بخاطرها:وجع ان شاء الله شلون تحرجني كذا
وابسمت بوجه افنان وطالعت بجوالها وقالت:اوكي بس بروح لمراد شوفيه يدق علي وجايه
افنان من لحظه ما سمعت اسمه تجمدت ملامحها وقالت بصوت واطي:اوكي استناك
جلست تستناها وشافتها راحت بس موجهة البوابه شافتها راحت للجهه الثانيه من الكوشه وجلست مع شلة بنات
انقههرت حييييل وقامت وطلعت لريهام والدموع بعيونها وهي تقول بخاطرها:تحقرني لذي الدرجه عشان مراد
فتحت الباب ولقيت ريهام جالسهوبيدها البيبي وباين انها منزعجه
وانققههرت منها عشانها راحت وخلتها واقفه مع سمر وانفجرت وصارت تبكي وتقول:وججع ليش تخليني معاها
وغطت يدينها بوجهها وصارت تبكي بقهر
ريهام طالعت فيها وقامت عندها وهي تسحب يدينها و تقول:بنت شفيك
افنان وهي تشهق:ليه تروحي وتخليني واقفه مع ذيك الحقيرة
ريهام انقهرت منها وقالت:انتي وقفتي ليه ما تجين معاي وتخلينها واقفه
افنان غطت وجهها بيدينها وصارت تبكي بقهر
وريهام مقهووره حييل
شوي جات امل وشافتهم وقالت:سلامات شفيكم
ريهام قامت وراحت والدموع بعيونها وتتذكر اللي صار له بذاك اليوم
مشت وراحت عند جيهان وقعدت جنبها وهي متضايقه حييل
اما امل جلست تراضي افنان لين ما سكتت وطبعا عدلوو لها المكياج
جيهان لفت وطالعت بريهام وهي تقول:بنت شفيك مكشرة
ريهام:وجع وانتي بعد ليه تتزوجين اخو ذيك المقروده
جيهان:وش علي منها بتزوجها ولا بتزوج اخوها
ريهام وهي تحاول تمنع دموعها:أكرهههاااااااااا
جيهان:شفيك سوت لك شي
ريهام قامت من دون ما ترد وراحت لأفنان وهي تقول بخاطرها ما بتنكد عشان وحده حقيرة مثلها
مسكت يد افنان وصارت تسحبها وتقول:قوومي نررقص
افنان:مابي
ريهام:مو بكيفك مو تزعلين عشانها تنطق
افنان:ماابي
امل طالعت بريهام وابتسمت وقالت:زين تعالي انا برقص معاك
ريهام تحمست وقالت:يلا
راحت هي وامل وصارو يرقصون وسمر تطالع فيهم وتشمق ومقهوورة
شوي الاجات وسن ومعاها ورده حمرا وتري ناحية امها وتضحك
امل مسكتها وهي تقول:مين اعطاك هالورده
وسن:بابا يقول اعطيها ماما وخليها تحطها بشعرها
ريهام وامل ضحكو ووسن تبي تحطها بشعر امها بالنهايه اخذتها امل منها وحطتها بشعرها وقالت:هاه خلااص حطيتها
ضحكت وسن وقالت:وين عمه افنان
امل:فوق
وع طوول راحت عندها
-------------
عند الشباب وليد وماجد وابراهيم يستهبلون ع اياد ويصورونه وهو يضحك ويستهبل معاهم ومراد مع اخوياه ومو مفكر فيهم
شوي دق جوال برساله اياد ويوم شاف لقاها سمر تقول"يلا ايااد الززفه"
قام اياد ووليد عرف وضحك وقال:منك المال ومنها العيال
اياد ضحك وقال:يلا شباب عقبالكم هههههههه
كللهم ضحكو عليه وهو راح
------------------
قبل الزفة بدقايق ريهام وافنان وامل واقفيين قريب من الكوشه
والأنوار كلها مقفله
وسمر كانت واقفة ع الكوشة وحامله بيدها باقة ورد كبيييييرة وتنسيقها رووعه وبوسطها صندوق صغيير اسود
شوي بدت الزفة
وخرج اياد وجيهان ماسكين بيد بعض
وصارو يمشون بهدوء
اياد طااير من الفرحه ومبتسم حييييل وجيهان نفس الشي
ريهام والبنات قاعدين يصفقون ع الدق
اما سمر من يوم ما طلعو وعيونها متعلقه بإياد ومبتسمه
شوي وصلو للكوشه وجا اياد بيسلم ع سمر بس هي ع طول حضنته
هو ضحك وحضنها وهو يقول:هههههه فديييتك
سلمت عليه سمر واعطته باقه الورد
شوي جات امه وعمته وسلمو عليه وعلى جيهان
جلسو وخلصت الزفه وصارو البنات يصفقون وريهام تقول بضحك وصوت عالي:جيهاان ابتسمي ههههه
اياد جا بيلف جهة الصوت بس جيهان ضغطت ع يده وهي تقول:عيوووونك!!
اياد ع طوول ضحك وقال:منو ذي طيب
جيهان:وش علييك لا تطالع
اياد:طيب امري
وسن كانت تلعب مع بنات بقدها ويوم شافتهم جلسو ع الكوشه نطت وصارت تجري عندهم وهي تقول:عمه جيهااان
ونطت بحضنها جيهان ضحكت وحضنتها بقوة وهي تقول:شوي شوي كنتي بطيحين
وسن ضحكت وطالعت بإياد وهي تقول:مين هذا الرجال
جيهان ضحكت وقالت:عمو اياد
اياد ابتسم بحنان وقال لها:منو انتي طيب؟
وسن وهي مستحية:انا وسن
طالع بجيهان وهو يقول:بنت هيمو صح؟
جيهان:اييه
حملها وسلم عليها وهي صارت مستحيه منه وتبي تنزل من حضنه
نزلها وراحت عند امها
------------------
بعد الزواج
اياد وجيهان خلااص راحو للفندق
وريهام وافنان وامل قاعدين يستنون ماجد والشباب والقاعة فضيت من النااس
ريهام فسخت الكعب وصارت تفرك رجولها وتقول:آآآه يعوور
افنان:ههههههه بعد انتي ماخذة برج مو كعب
ريهام:مع نفسك وربي انه يجنن بس عورني حييل برجولي
امل:بعد انا بس الله يعيين
افنان:هيا وين الشباب ابي اروح انخمد
ريهام:حتى الطقاقه راحت لو انها باقي كان خليتها تغني وقمت ارقص
امل:يا حليلها جيهان راحت من زمان
افنان:ههههههههههه ذكرتوني بوقت الإنصراف في الدوام اذا تأخر علي ابراهيم
ريهام:ههههههههههه من جد وربي
شوي الا جوال امل يدق وشافت لقيته ابراهيم وع طول ردت:الو
ابراهيم:يلا اموولتي انا برا
امل:زين يلا خارجين
ابراهيم:مع السلامه
امل:مع السلامه
لبسو عباياتهم وخرجو وكان ماجد بعد برا ركبت ريهام وعمتها وهب تقول:وين عمي
ماجد:بالبيت سبقني
ريهام جلست واسندت راسها وهي تتنهد وتقول:اخيرا
ماجد:هاه عسى انبسطتو
ريهام:ايه مررررة وناااسه
ماجد:اكيد مسنترة جنب الطقاقه وكل ما بدت بديتي ترقصين
ريهام:هههههههه ايه بس مو جنبها قريب من الكوشة
ماجد:هههههههه وانتي يمه استانستي
امه:ايه والله ما شاء الله عليهم الله يوفقهم ويسعدهم
ماجد:اميين
امه طالعت فيه وقالت بضحك:وعقبالك
ماجد ابتسم وقال:إن شاء الله
------------------
بسيارة ابراهيم افنان نامت لأن الطريق بعيد شوي
ووسن مستانسه وتغني شوي قال ابراهيم بإنزعاااج:وسن حبيبتي خلااص اسكتي
وسن سكتت ولفت ع فارس اللي كان نايم وصارت تفتح عيونه وتقول:فاااااررس قووم لا تنااام يلاااا
فارس انزعج منها وقال:وخري عنييي
امل مسكتها وقالت:خليه ينام وش عليك
وسن ضحكت وسكتت
شوي نطت عند ابوها وقالت:بابا انت قلت اني بسوق معاك ما خليتي اسووق
ابراهيم:طيب اذا اخذتك بحضني تسكتين
وسن:ايوه
ضحك ابراهيم وقال:طيب يلا تعالي
وسن فرحت ونطت بحضنه وصارت ماسكة الدركسون ع انها تسوق وماحد قدها ابد
وصلو كللهم للبيت وكل واحد انخممد ع فراشه
خاصه وليد اللي كان ع اعصابه لين مر الزواج ع خيير
--------------------
بعد3 ايام من الزواج جيهان واياد سافرو بشهر العسسسل
وسمر صارت مع مراد وطبعا مراد فاالت ومو مهتم مثل اياد
كثرت مكالماتها هي وخالد حيييييل واحيانا تواعده وتروح مع مراد وتقابلة بدون ما يعرف مراد ووصلت بعد لطلعاتها مع صحباتها للأسواق وطبعا تاخذ وقتها معاه بس لحد الأن محد منهم تهوور
سمر تعلقت فيه حييل وصار ما يمر يوم إلا لازم تكلمه ولا تقابله
ومراد مو دااري عنها اببد ولا احد من اهلها
اما ريهام وماجد
ماجد بنفس معاملته لريهام بكل حب واهتمام وحنان وما يرضى فيها ابد وهي بعد ما تستغني عنه بس مو فاهمه وش اللي يقصد بتصرفاته فاهمتها انها حنون عليها لا اكثر ولا اقل وهو عاجز انه يوصل لها شعوره
وليد مخدوع بسمر وقاعد يبني احلامه عليها وع انها هي اللي بتكون شريكة حياته
اما افنان تنتضر اللحضه اللي تقابل فيها مراد ودها تعبر له عن كل اللي بخاطرها حتى لو غصب عنه
ابراهيم مرتاح ومرييح كل حياته ع بنته وسن يدلعها ويجيب لها كل اللي تبي
اما اياد وجيهان عايشين حياتهم ومبسووووطييين حييل وما ندري بتدوم هالفرحه ولالا 
---------------
اليوم كلهم متفقين يتجمعون في استراحه حاجزينها ويجلسون 3 ايام فيها
طبعا اللي بيروحون عائلة ابو ابراهيم وابو ماجد وابو وليد وابو اياد
المووهم
كللهم مبسوطين بالإستراحه كانت الساعه 2:00 الظهر والشباب قاعدين يشوون عشان الغدا والأمهات محووسيين بالسلطان والمقبلات
اما البنات جالسين ويسولفون وينكتون
شوي جا ماجد عند البنات وصار يقول:بنات وحده فيكم تقوم تجيب لي اللحم من عند امي
افنان طالعت بريهام وقالت لها:بالله روحي جيبيه انتي الواقفه
ريهام ضحكت وقالت:طيب
دخلت واخذت صحن اللحم وخرجت بتعطيه ماجد
ماجد كا واقف ويكلم بالجوال وقفت جنبه وهي تسمع تبي تشوف مين يكلم وهو كان يقول:هههههههههه والله مستانسين – اييه قال شهر العسل والله لو جلستو وجيتو معانا الحين كان انبسطتو
اياد:لا والله مبسوطين بس عاد نفسي بالشوي انا وانتو ما تشوون الا اذا رحت انا
ماجد:هههههههه عاد انت وحضك
ريهام طالعت بماجد وهي تقول:امممسك
ماجد اخذ منها صحن اللحم وجا بيلف ويروح للشباب الا ومسكته بقووة من ثوبه وقالت:استنىى ابي اكللم جيهان
ماجد طالع فيها وابتسم وصار واقف قبالها ويكلم اياد وهي تستناه يخلص عشان تكلم جيهان
طففشت من الوقفه وقالت:خلاااص سوالفكم ما تخلص
ماجد شال الجوال من ع اذنه وقال لها:زين دقي عليها من جوالك
ريهام بضحك:ماعندي رصييد خلااص مرة وحده
ماجد ابتسم وقال:زين شوي
ورجع يكلم اياد
شوي خلصو سوالفهم وقال ماجد:اسمع اياد
اياد:هلا
ماجد:ريهام تبي تكلم جيهانووه
اياد:هههههه زين دقايق اعطيها الجوال
ماجد اعطى ريهام الجوال وقال:بسرعه كلميها وجيبي لي الجوال وكمل وهو يمسك اذنها بقووة:لا تفتشيي خلي القافه
ريهام بضحك:زين طيب
اخذت الجوال وراحت جهة البنات وصارت تكلم جيهان وتنكت عليها وماجد راح للشباب وكملو شويهم
شوي خلصت ريهام من جيهان وراحت جلست مع البنات وبيدها جوال ماجد شوي طالعت فيه وتذكرته يوم قال:لا تفتشي
فتحته وهي تقول بخاطرها:اكييد فيه شي دامه وصى علي
صارت تفتح المحادثات واحد واحد بس ما لقيت شي ملفت وصلت لين محادثته هي ووليد وهي تقارها ع سريع عرفت انهم كانو يتكلمون عن وحده بس ما عرفت مين جات بتقراها زين الا وصوت ماجد يقول:رييييييييييييييهاااااااااااااام
ريهام فزت وقالت:نععععععم جاااايه
ماجد:هااات جوالي
ريهام راحت له واعطته اياه وهو قال:باقي تبينه
ريهام بسرعه:لالا خلاص
ماجد حطه بجيبه وقال وهو يطالع بمراد ومراد عيونه عليها:زييين روحي ولا عاد اشوفك جيتي
ريهام استغربت منه وطالعت لقية مراد يطالع فيها وشمقت فيه وراحت
-------------------
بعد ما تغدو الجو بالإستراحه هدوووووووء ويجيب النوووووم
الشباب متسدحين بالصاله وكل واحد يتثاوب مرة
بالنهايه قامو وكل واحد راح لفراشه ونااام
الا اثنيين
مراد كان كاره الطلعه حيييل وكل شوي يخرج يلفلف بالسيارة
ماجد مافيهنوم وجالس لحاله وطفشااان
والبنات كانو جالسين بغرفتهم ويسولفوون
بس سمر كانت بركن لحالها وتسولف بالبيبي مع خوييلدووه
شوي ريهام خرجت من عند البنات بتشرب مويه وترجع وشافت ماجد جالس لحاله ووليد نايم ع الكنب وقالت وهي تروح للمطبخ:شفيك جالس لحالك
ماجد وهو يقوم ويروح لها:كل الشباب نامو ومافيني نوم
شوي سكت وقال:رهووم خلينا نخرج نلفلف
ريهام:ياويلي من البنات محرصين علي يقولون تقعدين معنا مو كل شوي خارجه مع ماجد
ماجد ابتسم وقال:بس شوي ما بنطول طفشان
ريهام:معليييش مااجد واخذت كاسة المويه وخرجت من المطبخ
ماجد طالع فيها وهي خارجه وصار يقول بخاطرة وهو مبتسم:هه استغنت رهووم صارت تتعذر بالبنات اااخ بس لو طلبتني بشي وتعذرت بالشباب بتززعل اكييد وكمل وهو يضحك:هههههههه اصلا ما بقدر اردها مستحيييل
خرج من المطبخ ورجع جلس بالصاله وهو يتنهد ويقول:يلا عادي اهم شي انها مبسوطة
-------------

صحيو الشباب ع المغرب وعيونهم بتتفجر نووم
ماجد اللي بمكانه بالصاله:ولييدووه خلينا نطلع طفشان
وليد:اطلع مع رهومتك
ماجد:ما تبي
وليد:ههههههههههه سحبت عليك وربي
ماجد وهو مبتسم بسخريه:لا تتلقف يلا بس قووم
وليد وهو يقوم ويطلع للحوش:مكسسر مافيني اطلع استنى شوي
ماجد خرج وراه وقال:يلا بس امممشي
وليد:زين بس شوي اصحصح وتخف عيوني شوف شلون مفقعه
ماجد:هههههههههههه زين
وجلسو ع الجلسات شوي خرجت ريهام وافنان وصارو يمشون ويسولفون
وسمر خرجت وهي تكلم بالجوال وطبعا<<خالد >> وتتمشى بالحوش
وليد من لحظة ما خرجت سمر صارت عيونه عليها وماجد لاحظ هالشي شوي شمر رفعت خصال شعرها من ع عيونها وهي تضحك وجات عينها بعين وليد وهو يطالع فيها ومبتسم وع طووول استحقرته وشمقت ولفت للجهه الثانيه وكملت مكالمتها
وليد فتح فمه من الصدمة وماجد صار يضحك وبصوت عااالي
وليد لا شعوريا وهو مقهووور:حوول ان شااء الله وانا وش سويت عشان تستحقرني من حلاتها عشان تشوف نفسها
ماجد صار يضحك ويغني:هذا اللي شايف نفسسه هههههههههههههههه وربي تووحفه ولييد مرة لا عاد تطاالع هههههههههههههه
وليد طالع فيه وقال بقهر:شفتها وججع مغغرووره ع اييش
ماجد:هههههه قلت لك ما تنعطر وجه بالله شلون تحبها بعد بلا ان شاء الله
ولييد انقههر حييل وهو اللي كان مو مقتنع بكلامهم عنها وشايفها شي ثاني وبنفس الوقت هو ما يحب أي احد يستحقرة وهو ما ضره بشي ويززعععل حييل حتى لو كان اعز نااسه
ماجد طالع فيه وقال بضحك:على شنو تتنكد بالله ع هالأشكال
وليد:بالله اسسكت
ماجد ضحك وقال:زين اللي يريحك بس ترى ما تستاهل حتى نظره
ولييد طالع فيها زي اللي مو مصدق وهي ماره من عنده وجات عينه بعينها وهي قالت بغرور:على شنو تطالع في شي
وليد انننننقققهر وحب ينرفزها مثل ما نرفزته وقال وهو يطالع فيها بسخريه:لا بس مستغرب
سمر ماحبت تطول لأنها ما تحب وجود ماجد بمكان هي فيه وقالت:ع شنو الحمد لله ع العقل
وليد بقههههر: لا صدق بالله!!عندك عقل
ماجد عرف انه مقهور وما قدر يكتم ضحكته وصار يضحك ومو قادر يوقف ع شكل وليد
سمر تنرفزت لأن ماجد ضحك وانحرجت وقالت وهي رايحة :لا يكثر بس وججع
وليد طالع بماجد وتنهد وقال:مو مصدق مستحييل
ماجد مو قادر يوقف ضحكه وقال وهو يضحك:تستااهل كنت استناها تجي ع راااسك منها عشان تتوووب
وليد صارت عيونه بالأرض ومقهوور حييل وبخاطره يقول:انا ميت عليها وبكل وقاحا تحقرني ليييه لعن ابووه حب دامه معاها كذا وججع ان شااء الله
ماجد اخيرا سكت من الضحك وقال:قوم بس خلنا نطلع
وليد قام من دون ما يتكلم وجا بيفتح الباب ويخرجون الا ريهام تقول:ماجد ماجد
ماجد لف وقال:هلا
ريهام:جيب لي معاك باريو بالتفاح
افنان قالت بسرعه:وانا بعد
وليد طالع فيهم الثنتين وقال وهو يسحب ماجد طيب خلاص
ماجد ضحك وقال:من عيوووونييي
خرج هو ووليد وقال لوليد وهو يضحك:هاه شفت الناس اللي يعطوني وجه
ولييد:ايه مررة بس جيب جيب
ماجد:ههههههه اجيب بعد لو تبي عيوني
ولييد:روح بس
-----------------