خضـع قلبـي وراحـت دقّتـه تتبـع هواهـا ليـن ..غلاهـا فـي عروقـي قـام يجـري ويتورسلـهـا
أي والله .. ثم أي والله .. غاليه وأغلى من الغاليـن.. تدللنـي علـى وضـح النـقـاء الطـاهـر وأدللها
في قلبي حبّها حاجـز رقـم واحـد .. ورقـم إثنيـن..ولـو بدلّـت قلبـي مـن معاليقـه مــا أبدلّـهـا
بنظرة عيـن تحجزنـي .. وتطلقنـي بنظـرة عيـن...وأنـا خافـض جنـاح الـذل وعيـونـي تغازلـهـا
أجيهـا لـو علـيّ مـن الهمـوم الجايـره طنـيّـن...تجلّـت كـل ضيقـه فـي دقيقـه يــوم أقابلـهـا
و ليـا قابلتهـا قمنـا نتسابـق بالـكـلام الـزيـن...عسـى ربـيّ يجمّلنـي مثـل مـا هـو مجمّلـهـا
تقول الله يحفظك لي مـن الدنيـا وأقـول آميـن...وأمازحـهـا وأدلّعـهـا وأداعـبـهـا وأقبّـلـهـا
يا ما أحلى زولها كلّـه مـن الهامـه ليـا الرجليـن...يـا لبيّـه وعسـى عمـري فـدا خصلـة جدايلهـا
ألا يـا سيّـدة سـادات روحـي يـا عسـى تبقيـن...رعـاك الله مـن جـور السنيـن ومـن هوايلـهـا
جعل يومي قبل يومـك يـا يمّـه كيـف أردّ الديـن...جمايلـك الكثيـره فـوق متنـي جـيـت شايلـهـا