الجزء العشرون
وصل احمد لبيت ابو رغد واستقبله اخوها مازن ورحب به ودخله للمجلس اللي كان ابوه يستناه فيه قام وسلم عليه وراح مازن يجيب القهوه
تقهوو وسولفو شوي عن العمل شوي قال أحمد:عم انا ابي اتزوج بنتك
ساد الصمت المجلس من ناحية احمد ومن ناحية مازن وابو رغد
احمد توتر بس شوي قال ابو رغد بفرح لأنه يعرف احمد اكثر من أي واحد غيره:اتشرف بك يبه وما عندي مانع ابد بس نشوف رأي البنت ويصير خير
مازن فرح بهالشي لأنه يثق بأحمد حيل وقال له ابوه:روح شوف اختك يبه
قام مازن وهو يقول:سم يبه
راح لرغد اللي بالمطبخ مع امها وقال وهو يجلس:رغوده
رغد:همممم
مازن بجديه:أحمد جاي يخطبك
امه قالت بفرح:جد؟؟
مازن ابتسم وقال:إيه وابوي يبي رأيك
رغد توترت وكأنها مو مصدقه صارت ساكته وما ترد
ابتسم مازن وقال:رغد ترى ما تحلمين بواحد مثله ولا احسن منه والله ما ينرد
رغد صار ساكته والتوتر باين عليها وكأنها مصدومه
شوي قالت امها:يمه إن شاء الله انه خير لك لا تردينه
طالعت بمازن اللي ابتسم وقال لها:جد وربي لا تردينه
ابتسمت رغد بتوتر وقالت:زين
مازن بفرح:زين وشو بسرعه
رغد ضحكت وقالت:زين خلاص
مازن وهو يقوم:يعني تم
رغد:إيه
ابتسم ماجد ورجع للمجلس وهو مبسوط وقال لأبوه:وافقت
احمد حس بفرح لدرجه ان وده يقوم يتنكس وابو رغد قال:زين يبه متى تبي تشوفها
احمد:الوقت اللي يناسبكم عادي
ابو رغد:زين يبه بكرة إن شاء الله
احمد وهو يسلم عليه:زين يلا فمان الله
ابو رغد:مع السلامه
سلم على مازن وطلع من البيت وهو مبسوووط حييل
...
رجع احمد للبيت ودخل وهو يكلم فهد بالجوال
فهد:مبرووووك ما بغيت
احمد:هههههه الله يبارك فيك توني راجع والله من عند ابوها
فهد بفرح:الله يوفقك ويسعدك يارب
احمد:آمين وياك الا ليش داق بغيت شي
فهد تنهد وقال:ما تلاحظ ان رقم زوجتي مو عندي
احمد:هههههههههههه والله ماتكلمت من اول
فهد:هههههههههههه زين ارسله الله لا يهينك
احمد:زين يلا فمان الله
فهد:مع السلامه
قفل الخط وصار ينتظر احمد يرسل رقم روان
شوي الا توصله الرساله من احمد و وعلى طول سجل رقمها وارسل لها"حياتي انا فهد ذا رقمي"
روان كانت جالسه والجوال بيدها وصلتها الرساله وفتحتها ارتبكت يوم قرتها وسجلت الرقم بس ما ردت
شوي ارسل لها فهد"رونتي ارسلي لي بنّك"
ارسلت له البن كذا حااف بدون ولا كلمه وصلته الرساله وضحك وقال:شكل حياها مطوّل
...
باليوم الثاني احمد ارتز وامه واقفه قدامه وتبخره وتزبط شماغه بعدها سلم ع امه وقال وهو طالع:فمان الله دعواتك يمه
امه:مع السلامه الله يوفقك ويسعدك
خرج احمد من البيت و كان متوتر حيل ركب سيارته وتوجه لبيت ابو رغد
...
بمجلس ابو رغد كان احمد جالس ومعاه مازن وابو رغد
احمد صار جالس ويستنى رغد تدخل والتوتر خانقه
شوي دخلت رغد وكان باين بوجهها انها منحرجه حيل ومتوترة جلست جنب ابوها بحرج
واحمد صار يطالع بعيونها ويقول بخاطره:فديت هالعيون
رغد ما قدرت تطالع فيه ومنزله عيونها شوي لف احمد وصار يسولف مع مازن
رفعت عيونها رغد وطالعت بأحمد وماقدرت نزلتها على طول وهو رجع يطالع فيها
...
طلعت رغد من المجلس وكانت متوترة حييل جلست بالصاله ومشاعرها متلخبطه بس اللي فهمته واستوعبته انها بتتزوج اخو افضل صديقاتها وأنها راح تقرب منها بزياده حست بفرح كبيير بهالفكره وقالت بخاطرها:عكس خطيبي الأول ما كنت مرتاحه له ابد وخاصه بعد الشوفه لكن أحمد أحس انجذبت له
شوي الا خرج مازن وهو يقول:شرايك رغوده
رغد ابتسمت وقالت بفرح:تمام
ضحك مازن وقال وهو يسلم عليها:مبروك حبيبتي والله يوفقك ويسعدك
رغد:الله يبارك بعمرك
رجع لأبوه وأحمد وطمنهم ان رغد مو معترضه ووقتها انهبل احمد من الفرحه وطلع الدبله وناولها مازن اللي سلم عليه وقال:ألف مبروك
احمد:الله يبارك بعمرك
شوي قال ابو رغد:تبي تملك بدري ولا متأخر
أحمد:لا عمي بدري
عمه ابتسم وقال:زين متى؟
أحمد:أحمد اللي يناسبكم ما بشترط
عمه:زين ابشوف رغد واخليها هي تحددها
أحمد:زين يصير خير
قام وسلم ع مازن وعمه وخرج من البيت وهو مبسوووووووووووووط
أما ابو رغد راح لبنته وصارو يتناقشون بيوم الملكه وتحدد على انه بعد اسبوعين من اليوم j
...
باليوم الثاني ببيت انور
صباح دوبها راجعه هي وانور من المطعم كانو يتغدون وتمشو شوي وردو للبيت
جلس أنور على الكنب وهو يقول:صبوحه أحمد بيملك بعد اسبوعين ودق علي أمس وعزمنا
صباح قالت بفرح:وناااسه أخيرا في مناسبه
ضحك انور ولف وصار يطالع بالتلفزيون
وهي جلست جنبه وليان بحضنها وقالت:زين حبيبي ابروح السوق
أنور:صبوحتي قبل يومين رحنا السوق
صباح تحاول تقنعه:زين بس هالمرة مو مثل ذيك المرة الحين ابروح اشتري فستان و...
قاطعها انور وهو يقول بطفش:ياربييييي صباح الدولاب مليان
صباح:هههههههه انور كلها قديمه وبعدين يوم رحنا المره اللي راحت عجبني فستان وكنت ابي اشتريه بس انت قلت خلينا نطلع هيا انووور
انور:زين عارف الفستان اللي عجبك اروح اجيبه لك انا وارجع لو رحتي ما بتاخذين فستان وبس لا السوق كله بتدورينه اعرفك انا
صباح بضيق:أنور مقاسي واللون اللي يعجبني
انور بضحك:صبوحتي ماحد عارف مقاسك اكثر مني وبعد عارف اللون اللي يعجبك يلا بس متى فضيت رحت جبته ورجعت
لفت صباح وهي متضايقه وصارت تلاعب ليان كانت مقهووره حييل
انتبه انور لضيقتها وقال بطفش:ردينا يا صباح خلاص قلت ابجيبه
صباح ما ردت وقالت وهي تقوم:أصلا ما عاد ابيه
راحت للغرفه وانور طنش وهو يقول بخاطره:ما تتغيرين ابد عمرك ما تبينين اللي بقلبك بصدق
تنهد وقام عندها وقال وهو واقف قدامها ومستند ع الجدار:الحين ابفهم وش اللي يزعل بالموضوع
صباح طنشت وجلست ع السرير بضيق
انور ابتسم بخبث وجلس قبالها على الأرض وقال وهو يمسك يدينها:تبين شي غير الفستان
توترة صباح من طريقه جلسته وقالت وهي تلف وجهها عنه:لا ولا الفستان بعد
ضحك انور وقال:عارف صباح بس ليه تكذبين علي
صباح طالعت فيه وقالت بقهر:ما كذبت عليك انور انت تنرفزني كل شي لازم تعارضني ما قد قلت لك شي وقلت ايه من وقتها لازم تنرفزني
انور ضحك وقال:يعني انتي الحين متنرفزه
صباح وهي تبي توقف لأنها توترة حيل منه:إيه متنرفزه
أنور وهو يسحب يدينها:أجلسي وين رايحه
جلست بضيق وصارت تبعد عيونها عن عيونه
وهو صار يطالع بعيونها بدون ما يتكلم ووترها زياده
شوي ابتسم وقال:متى تبينا نروح طيب
صباح وهي تسحب يدينها من يدينه:مابي اروح خلاص الدولاب مليان
أنور شد على يدينها وقال بملل:صباح لمتى هالزعل
صباح سكتت وما ردت
أنور وهو يقوم ويقرب منها حيييييل:بس لا تتنرفزين تزعلين علي عشان فستان
صباح طالعت فيه وما قدرت تمنع ابتسامتها وهو ضحك وقال:احبك يا مجنوونتي
ضحكت صباح وقالت:لا تحاول ماعاد ابيه خلاص
انور بضحك وهو يحملها:عساه اهم شي انتي عندي
>_<
...
ببيت ابو فهد وبجناح سعود
سعود دوبه صاحي من النوم لأنه سهر وتأخر بنومه
ريم اللي صحته كانت جالسه ع السرير ومشغوله بجوالها شوي طالع فيها وقال وهو يتثاوب:رييم
ريم:همممم
سعود:حطي لي فطوري
ريم:قصدك غداك
سعود:هههههه لا ابي الفطور الحين
ريم وهي تقوم وتروح للمطبخ:من عيوني
قام سعود وراح للحمام شوي خرج وجلس بالصاله واندمج وصار يغني وهو مسرح
شوي جات ريم وحطت له فطوره قدامه وهي تقول:نطلع اليوم ولا منطقين بالبيت
سعود:هههههههههه وين تبي نروح لفينا جده كلها وكل ما وديتك مكان قلتي طفشانه
ريم:نرجع المانيا
سعود:اقول ابشبع في اهلي وبعد ابي احظر زواج روان لاحق ع الكرف
ريم:هههههههه زين اتفق مع اهلك ونطلع كلنا اليوم للكباين نجلس هناك يومين ولا ثلاثة ايام
سعود:لا بالله فكينا ماحب هالكباين قرف
ريم:زين شاليه
سعود:اممم ما اضن يوافقون
ريم:زين نتجمع بأي مكان
سكتت شوي وقالت:بالإستراحه؟؟
سعود:طفشت منها وبعدين اليوم ربعي يبون يجلسون فيها وعطيتهم المفتاح
تنهدت ريم بضيق وقالت:أجل يمر اليوم كذا بطفش
سكت سعود شوي وقال وهو يتمطط:خليني اناااام
ريم :أقول طول اليوم وانت نايم وانا جالسه لحالي
سعود ضحك وباسها بخدها وقال:زين نروح السوق ناقص علي اغراض وتشترين بعد انتي اغراضك لملكة احمد وملابس لنا إذا ردينا للألمانيا
ريم عجبتها الفكره وقالت:زين
سعود:تجهزي بعد المغرب نطلع
ريم:إيه ونتعشى برى
سعود ابتسم وقال:إيه
ضحكت ريم وحضنته وهو ضحك وقال:لو دريت كان قلت إيه من اول
...
بجناح خالد
أريج جالسه بتعب ع الكنب وخالد جنبها ويده ع بطنها ويقول:تبي تروحين اليوم مع روان السوق عشان ملكه حمود ولا شلون
أريج:لا مرة مالي خلق كل اللي احتاجه وصيت روان عليه
خالد وهو يقوم:زين ابتروش عشان بوديها بعد المغرب ما بقى شي ع الأذان
قام وقامت اريج تجهز له ملابسه
...
بغرفة روان كانت تتجهز عشان بتروح مع خالد للسوق شوي الا جوالها يدق رفعته لقيت فهد توترة حيل وجلست ع السرير وهي تقول:ياربي وش يبيي
ردت:هلا
فهد:هلابك حياتي شلونك
روان:تمام انت شلونك
فهد:الحمد لله تمام رورو فاضية الحين
روان بحرج:لا والله طالعه السوق مع خالد بغيت شي
فهد بطفش:يووه لا بس بغيت نطلع ما صدقت افضى اليوم
سكت شوي وقال بضحك:ما يصير تروحين معاي السوق
روان بحرج وااضح وبسرعة:لا
فهد ضحك على طووول وقال:زين ولا تتأجل؟
روان:فهود ما صدقت يتسهل خالد
فهد بضحك:زين متى بترجعين
روان:مادري اذا رجعت بكلمك
فهد:أوكي باي
روان:باي
...
خالد وروان بالسوق وروان مشغولة وتشتري من هنا ومن هنا لين ما دوخت خالد وقال:تكفين نجلس شوي ونكمل
روان ضحكت وقالت:زين
خالد مسك بيد روان ودخلو باسكن وجلسو وطلبو لهم وصارو يسولفون
شوي قامو يكملون اغراضهم
خلصو كل شي تقريبا وخالد قال بطفش:كذا خلاص رورو ولا
روان:أممممم إيه بس باقي اكسسوار لأريج مالقيت شي يناسبها ابروح لمكان ثاني
خالد تنهد وقال:زين خلينا نودي هالأكياس بالسياره
طلعو وحطو الأكياس بالسياره ورجعو يشترون الإكسسوار
دخلت محلين وثلاثه ولا شي منااسب شوي لفتها طقم بمحل وعجبها حست انه منااسب حيل لأريج وسحبت خالد ودخلت من دون ما يقرون لافتت المحل وقالت وهي تأشر عليه:ذا خلود مرة ينفع لها
خالد طالع في الطقم عجبه حييل نااعم وانيق وقال بضحك:زين بس حاب ابين لك ترى ذا ألماس مو إكسسوار
روان انصقعت وقالت بضحك:بأي محل حنا
ضحك خالد وقال:دختي من الفلفه يلا بس ابشتريه لها عجبني
روان تحمست:إيه مره بيعجبها
ابتسم وسأل عن قيمته وقال البايع:5000 ريال
خالد طلّع بطاقة الصراف وناولها له وخصم السعر من حسابه وعطاه الطقم
طلعو وهم مبسوطيين حييل
وهم قريبين من البوابه الا بوحده توقف روان وتقول:كنك روان ال........ ولا غلطانه
استغرب روان شلون عرفتها وهي مغطيه وجهها الحرمه كانت متلثمه وثنتين معاها كاشفات وجيههم وقالت روان بتوتر:وش تبين؟
ردت عليها بسخريه:لا بس بغيت أتأكد ومنو ذا اللي معاك
خالد رد بعصبيه:وش عليك فينا الحين يلا بس اقلبي وجهك ازين لك
طالعت بخالد وقالت:أظن ان ماحد كلمك لا تتدخل
روان انقهرت وقالت وهي تشد على يد خالد عشان يسكت:تبين شي؟
ردت وهي تطالع بروان وكأن روان بدت تعرفها وقالت بغرور:لا سلامتك بس بغيت اتطمن على احوال ولد العم معاك؟؟ عساكم متفقين
عرفتها روان على طول وهي ما تعرف تتصرف بمثل هالمواقف حست بقهر لأنها مو سبب أبد في اللي صار بينهم ولأنها كانت تعاملها في كل مرة يتقابلون بأحسن معامله وقالت بقهر:ذا تفكيرك وانتي اللي بتتعبين وما بتعب نفسي عشان اقنع ناس ما تقتنع
تنرفز خالد من رد روان اللي كان طيب بزياده وسحب روان ومشو وقال لها بعصبيه:رورو ما بتعيشين بهالطيبه ليه ما مسحتي فيها البلاط مين تكون ذي ومين تقصد بكلامها
تنهدت روان بقهر ودموعها بعيونها وقالت بضيق:نورة زوجة فهد اللي طلقها تقصد فهد
خالد نسى كل الموقف اللي مر وقال بصدمه واضحه:زوجة فهد؟؟
روان:إيه
خالد:روان شفتيها؟؟
روان بإستغراب وخوف:شفيها
خالد:حامل !! ما أنتبهتي لبطنها !! كبير؟؟<<يلعن أوم قزات الرجال يفصلون تفصيل>>
روان بجد ما انتبهت وقالت وهي تحس إن رجولها ما تحملها:مستحيل
لفت وصارت تطالع فيها صدق بطنها كبير طالعت بالعيون صدق عيون نورة ما غيرها
روان بدت دموعها تنزل لأنها كانت مقهوره حييل عمرها ما تمنت احد يكرهها ولا يحقد عليها واللي قهرها أكثر إنها مالها علاقه باللي صار بين نورة وفهد ويوم تعلقت بفهد الحين يطلع لها هالكابوس نورة حامل!!
وصلو البيت وهي متضايقه حييل ودموعها ما جفت وخالد يهدي فيها
شالت أكياسها وطلعت لغرفتها وحطتهم ع الأرض وجلست بضيق على سريرها وصارت تبكي
...
خالد دخل جناحه وهو حامل أكياس بيده شافته أريج إللي كانت تتفرج بالتلفزيون وقال بخاطره :ابغير الجو الحين وبعدين اتفاهم مع حمود بهالشي
اريج انتبهت له وقالت وهي تقوم بتعب:هلا والله
ابتسم خالد بحب وقال:أجلسي لا تقومين
جلس جنبها وحط الأكياس وأخذ كيس الطقم وهو يقول:خمني وش جبت لك
طالعت أريج بالكيس وقالت:وش
ابتسم خالد وطلع الصندوق من الكيس وقال وهو يفتحه:وش رايك
أريج انهبلت وعجبها حييل وقالت وهي تاخذه منه وتشوفه:فدييييييتك يجنن
حضنها خالد وقال:تستاهلين أكثر حياتي
ضحكت أريج وباسته بخده وهي تقول:أحببببك
خالد لف وجهه عنها وهو يقول بضحك:أريجوه ما جبت الطقم عشان نتهور بالنهايه
أريج:هههههههههههههههه لالا خلاص تبنا
...
بغرفة روان كانت تتذكر الموقف وتحس بقهر فضييع وتتذكر معاملتها لنورة يمكن ما كانت تعامل أعز صديقاتها بهالمعامله وقالت بقهر وهي تحط يدها على راسها:حامل ؟؟ من فهد شلون بتحمممل
شوي إلا جوالها يدق فتحت الشنطه وأخذته بسرعه وهي تمسح دموعها بس قفل وما مداها ترد لما شافت لقيته فهد وداق أكثر من مرة وقالت وهي تضرب بيدها ع جبهتها:يوه نسيت أكلمه
شوي الا رجع دق وردت بسرعه:هلا فهد
فهد تنهد وقال:وينك رونتي أقلقتيني
تنهدت روان وقالت وهي تمسح دموعها:معلش جوالي كان بشنطتي وكنت محووسه ونسيت أكلمك
تنهد فهد وقال:تكفين رونتي لا تقلقيني مرة ثانيه
روان سكتت بس مو لشي تذكرة نورة
قطع تفكيرها صوت فهد وهو يقول:رونتي فيك شي؟؟
ما تحملت روان وصارت تبكي وتشهق
وقتها أنهبل فهد وقال:روان شفيك
وروان مو قادره تتكلم من الصدمه ومن شهاقها
وفهد يقول:رورو شفيك تكلمي
سمع صوتها وهي تقول وتشهق:نورة .. نورة..
فهد زاد قلقه وبنفس الوقت عصب يوم سمع أسم نورة وقال:وش فيها بعد قولي رورو
روان وهي مو قادره توقف بكاها:حامل .. نورة حامل
فهد بلع ريقه بصدمه وقال:لا روان نورة مو حامل
وكمل بسخريه وكأنه ما يبي يصدق:شلون تحمل وهو.....
قاطعته روان وهي تشهق:فهد والله حامل شفتها بالسوق وكلمتني بعد
وقتها فهد صار صنم حتى حركه مو قادر يتحرك وبس قال بصوت رايح:مستحيل من إيش تحمل
روان خافت عليه لأن نبرة صوته ما تطمن أبد وقالت بخوف:فهد ... فهد
فهد أنهار وما قدر يتحمل هالخبر أببد
روان صارت تناديه بالسماعه بس مافي أمل
شوي تسمع صوت شباب ينادون بإسمه وبعدها قفل الخط!!
...
عند فهد اللي كان مع أصحابه بس أنهار ع الأرض التمو عليه أصحابه وصارو يبون يفوقونه بس مافي أمل واتصلو ع الإسعاف وباشر على طول للمستشفى
بالمستشفى واحد من اصحاب فهد واقف ويكلم الدكتور بقلق والدكتور كان يقول له:إنهيار عصبي
تنهد صاحبه ورجع للبقيه وصار يقول لهم بكلام الدكتور شوي الا أحمد داخل وهو يقول بقلق:وين فهد
واحد من الشباب قال له باللي صار وقال أحمد بضيق:لآ حول ولا قوة الا بالله وش صاير له
طلع الدكتور من عند فهد وقال له أحمد:دكتور أقدر أشوفه
الدكتور:آسف اخوي حالته صعبه منهار حييل وصار يهلوس ما راح يقدر يكلمك
جلس أحمد وهو جا للمستشفى بعد ما دق على جوال فهد ورد واحد من الشباب وقال له باللي صار
تنهد وقال وهو يطالع باللي معاه جوال فهد:عطني جواله
عطاه الجوال وفتح على آخر مكالماته كان آخر رقم دق عليه فهد هو رقم روان أحمد مسك جواله ودق عليها وقال وهو يقوم من عند الشباب:هلا رورو
روان بقلق واضح:أحمد فهد ...
قاطعها أحمد وقال:رورو وش صار بالزبط أنا الحين بالمستشفى عنده وش قلتي له
روان وهي تبكي بخوف:قلت له ان نورة حامل
أحمد انصدم من الخبر وقال بذهول:شلون عرفتي
روان:شفتها انا وخالد بالسوق
أحمد بقهر:يمكن مو هي يا روان
روان وهي تبكي:إلا هي كلمتني وسألتني عن فهد بعد والله كانت حامل
أحمد صعق بهالخبر وقال بصدمه:شلوون وهو دوبه يدري
روان صارت تبكي وما ترد وأحمد قال لها:زين ابقفل الحين واروح أشوفه لا تقلقين رورو
روان وهي تمسح دموعها:طيب
قفل منها ورجع يكلم الدكتور ويحاول فيه لين ما خلاه يدخل عند فهد
فهد كان فاقد وعيه ويتكلم بكلام مو مفهوم جلس أحمد قريب منه وقال وهو يمسك بيده:فهد هون عليك خلاص بسيطه
مافي فايده ابد لأن فهد فاقد لوعيه
مر الوقت وهو ع هالحال أحمد يهدي فيه وهو يهلوس والأبر المهديه وحده ورى الثانيه
جا أبوه للمستشفى وشافه وبعد هو حاول يهديه بس مافي فايده
شوي بدا يرجع له وعيه وصار يقول بجنون:ذيك الحقيره حامل .. حاامل .. شلوون
أحمد طلع من عنده لأنه ما استحمل إنه يشوفه بهالحاله وبقى عنده أمه وأبوه إللي يحاولون يهدونه
...
مر يومين وفهد بهالحاله وروان محتاسه وبتنهبل من الخوف
بعد يومين بدا فهد يهدى ويستوعب الوضع اللي هو فيه وطلع من المستشفى
جلس أبوه جنبه بصالة بيتهم وصار يحاول يبسط له الموضوع وما يكبرة أبد وقال له:الحين كلمت أبوها وقال لي إنها ببداية شهرها الثالث وإنه ما حب يعرف أحد بالموضوع عشانها كانت ناويه تنزله
انجلط فهد وقال:ما عندها ظمير هالأدميه شلون تفكر ذي
أبوه تنهد بضيق وقال:قلت له وقلت له بعد إنها تشيل هالفكره من راسها بعد اللي ببطنها روح ومو لعبه بيدينا
فهد بضيق:والحل يبه
أبوه:شلون وش الحل ولدك بتربيه أنت وبيعيش معاك ولا بعد بتتبرى منه
تنهد فهد بضيق وهو مو متحمل فكرة إن في كائن حي يربط بينه وبين نورة حط يدينه على راسه بضيق وقال بخاطرة:روان الحين وش صار لها ما كلمتها من يومين
قام ومسك جواله ودق على رقمها
روان كانت بالصاله وأحمد جالس معاها ويهديها ويفهمها
روان:شلون بالشهر الثالث وتوهم يدرون أحمد مو معقوله
أحمد بضيق:روان يعني تبين تقولين انك لو عرفتي من قبل الملكه ما كان رضيتي بفهد
روان سكتت وتجمعت دموعها بعيونها شوي قالت:بس أحمد لو رجعها عدتها ما خلّصت وما راح تخلص الا إذا ولدت
أحمد يحاول يقويها:وإذا رجعها إنتي مو واثقه بقلب فهد
روان:أحمد شلون ترضاها
أحمد بجديه:روان الدين ما حرمها عشان أحرمها انا
شوي الا سعود يدخل بينهم وبيده
جوال روان ويقول:فاصل قصير لو سمحتو
طالعت روان فيه وقال لها:جوالك يدق
أخذته ويوم شافته فهد قفلت بضيق ورمت الجوال ع الكنب
وسعود قال بضحك:يلا كملو نقاشكم
أحمد طالع بروان وقال:وش تبين بالزبط
روان ما ردت ودموعها بعيونها ومقهوره حيل
خالد جا وجلس وهو يقول:رورو حبيبتي واضح إن فهد يبيك إنتي وما يبيها لا تقولين لو رجعها أنا ابقول لك من الحين لو إيش ما بيرجعها وبتقولين خالد قال
روان نزلت دموعها وقالت:في إحتمال يرجعها مو هي أم ولده لا تقول مستحيل بعد
خالد كان يبي طمنها وقال ببرود:يعني وش ناويه عليه؟ تبين تفترقين انتي وفهد
سكتت روان ونزلت دموعها وكمل خالد وهو ينسدح ع الكنب:ما يستاهل أببد وبعدين توها ببدايه الحمل ما تدرين وش قضى ربي لهاللي ببطنها تبنين حياتك على يمكن ويمكن لا ما يصير
شوي إلا جوالها يرجع يدق طالع فيه أحمد وهي نفس الشي بس ما تبي ترد
شوي قال خالد:رورو
روان طالعت بخالد وهو قال:تتذكرين حمدوه المقرود
روان بحزن:إيه
خالد:وش قال يوم عرف إن عندك فشل كلوي
سكتت روان وهي تتذكر الموقف وخالد كمل:زين لأنه ما كان يحبك بجد بس فهد وش سوى عشانه بجد يحبك ويبيك له
نزلت دموع روان وصارت تشد على بطنها وكأنها تبي تحضن هالكليه اللي بجوفها
وخالد كمل:ضحى بكليته عشان تصيرين بقربه حتى لو حصل ورجع نورة مستحييل تجي بمكانتك بقلبه إنتي خليك واثقه بهالشي
سكتت روان وصارت عيونها ع الجوال اللي يدق ويدق ويدق واحمد قال بحنان:وش ذنب فهد طيب شوفي وش صار له يوم عرف
سكت شوي وقال:رورو محتاجك الحين بقربه مو تصدين عنه
نزلت دموع روان بألم وقال سعود بضحك:ردي رورو متخيل شكل فهد وهو محترق الحين ههههههههههههههه
ابتسمت روان وأخذت جوالها وقامت تكلم فهد
ردت بتوتر:هلا
فهد اللي ما صدق ترد وعلى طول قام يبرر:رورو لا يكون زعلانه والله ما عرفت إلا منك ...
روان حست إنها حقييره وقاطعته بصوت كله حنان:فهود خل ذا كله عنك شلونك الحين
تنهد فهد وجلس وقال:تمام الحمد لله إنتي شلونك
روان:بخير الحمد لله
فهد صار ساكت ومايدري وش يقول وروان نفس الشي بس هي كان القهر محطمها
شوي قال فهد بتوتر:فاضيه اليوم؟
روان:إيه
فهد بنفس التوتر:زين ابمرك بعد المغرب ونطلع
روان:أوكي
فهد:وإذا دقيت عليك ردي
روان:طيب
فهد:يلا باي
روان:باي
قفل منها وحط الجوال وتنهد بضيق وهو يقول بخاطره:ياربي من هالمصيبه انا متى أرتاح خطبت البنت ابي ارتاح وأريحها وجبت لها النكد
شوي إلا ابوه يناديه
قام وراح له وقال وهو يجلس:سم يبه
أبوه:سم الله عدوك عمك داق علي توه مقفل
فهد بضيق:وش يبي بعد
أبوه سكت شوي بحيره وقال وهو يتنهد:يبيك ترجع نورة
فهد طالع بأبوه وقال بإنفعال:والله لو تمووت ولو يموت هو بعد
أبوه يحاول يقنعه:والله يبه أنا اشوف إن مافي حل غيره بعد حرام هالولد يتشتت ماله ذنب
فهد طالع في أبوه وهو مو مصدق وقال:يعني اعيش طول عمري متنكد مع وحده ما ابيها وبعدين تراني مملك!! روان وين تروح
أبوه بتفهم:يبه لا تدخل روان مالها علاقه بالموضوع زواجك منها بيتم بيتم بإذن الله بس نورة هي أم ولدك
فهد بعصبيه:ما برجعها ابد واللي ببطنها أنا بربيه ولاحد يتدخل بهالشي
أبوه تنهد وقال:بكيفك ما بجبرك على شي بس حبيت أنبهك
قام فهد وهو متنرفز وطلع من البيت بدخلت صباح اللي وقفت قدامه وهي تقول:وين رايح توني جيت بتهج
كان باين عليه إنه متضايق وقال:وخري صباح تراها واصله
ضحكت صباح وقالت وهي تمد له بليان:زين امسكها شوي
فهد طالع بليان اللي ابتسمت ومدت يدينها له وهي تقول:خالو
ابتسم وحملها وصباح شالت شنطتها وقالت وهي تدخل البيت:تبي تاخذها معك تبي تدخلها بكيفك
مشى فهد وراها وقال:لا ابي اكلمك بموظوع
صباح وهي تدخل للبيت:وشو له علاقه بنوير
فهد دخل وراها وقفل الباب وقال:إيه
صباح دخلت الصاله وسلمت على ابوها وامها وطلعت تفسخ عبايتها وطلع فهد وراها وليان معاه وقال:صباح عمي يبيني ارجع نورة
صباح فسخت عبايتها وعلقتها وقالت:وإنت وش تبي
فهد:مابيها والله مابيها وبعدين ما تصدقين قد إيش انهبلت روان يوم عرفت إنها حامل شلون لو رجعتها بعد
جلست صباح على السرير وقالت بتعب:مع نفسها طنشها ولا ترجعها وأنا اقلك من الحين لو رجعتها روان بتدممر ويمكن بعد تخسرها فما أضن نورة تستاهل ان يصير ذا كله عشان ترجع
فهد جلس بضيق وقال:والشي اللي ببطنها
تنهدت صباح بضيق وقالت:ماعليه ربك يحلها
فهد مسح على راسه بضيق وقال:نفسي أموتها وارتاح منها
صباح طالعت فيه وحنت عليه حيل وقالت:فهد خلاص طنش الموضوع باقي على ولادتها شهور لا تنكد حياتك انت وروان وبعدين ما تعرف وش مقدر ربي للي ببطنها خلاص ما بيدك شي اترك الموضوع
فهد طالع بصباح اللي كملت:فاضي اليوم
فهد:لا
صباح:وش عندك؟
فهد:ابطلع انا وروان
صباح وهي تحمل ليان وتطلع من الغرفه لأن امها تناديها:زين اريح لك يلا تعال نتقهوى مع امي
ونزلو يتقهوون مع امهم وابوهم