الجزء الثامن عشر
فهد دخل للفندق وكانت نورة طالعه من الحمام بعد ما بدلت ملابسها
طالع فيها بإستحقار وجلس وشغل التلفزيون وصار يشرب بيبسي ويتفرج شوي هي جات وجلست جنبه وقالت وهي تمسك يده:ما فيك نوم فهود
فهد سحب يده من يدها وقال:روحي انخمدي اذا تبي تنامين
ضحكت نورة وقالت وهي تميل راسها ع كتفه:حبيبي نعيدها مثل اول
تنرفز فهد ودفها وقام وطلع من الغرفه وطلع من الفندق بكبره
صار جالس ويقول بخاطره:تمنيت تكون ذي ليلتي مع روان اوف من هالحظ حسبي الله عليك يا نورة حسبي الله عليك الله يوريني فيك يوم ياارب
جلس في سيارته بضييق لين ما اذن الفجر وراح صلى بالمسجد وطلع للغرفه لقى نورة نايمه ع السرير هو اخذ له غطى ونام ع الكنب اللي بالغرفه
...
بعد مرور اسبوع ع زواجهم راح فهد يزور اهله ونورة اصرت وجات معاه وهو قال بخاطره:ودي عشان تسمعين كلمتين من ابوي تسم بدنك
دخل البيت وهي كانت ماسكه ذراعه وتتكلم معاه بدلع مع انها الأسبوع اللي فات كله منطقه بالفندق وما تشوفه الا وقت النوم وبعد ينام بمكان وهي بمكان
شافتهم صباح اللي كانت عند اهلها وقالت وهي تطالع بفهد:يا هلا وغلا تو ما نور البيت
ابتسم فهد وسلم عليها وقال:وين امي
شوي الا جات امه سلمت عليه وعلى نورة وجابت القهوه وصارت جالسه وتسولف شوي الا دخل ابوه ويوم شاف فهد ابتسم وهو يقول:هلا والله لك وحشه
ابتسم فهد وقام وسلم ع ابوه ابوه طالع بنورة وطارت جنه وقال بهمس:انا وش قلت لك قبل لا تتزوج هالقطوة ما تدخل بيتي
ضحك فهد وقال:تصرف معاها هي تبي تشوف عمها الحبيب
سلم عليها عمها وقال:أهلك اليوم مبلطين بالبيت لو رحتي عندهم اكيد فقدوك
صرفت نورة وطالعت بفهد بضيق وفهد ابتسم وقال:تستاهلين قلت لك وانت ما رضيتي
شمقت ولفت وجهها عنه شوي قالت:زين خلينا نروح متضايقه
فهد وهو ينسدح ع الكنبه:يا عساك ما ارتحتي اهلي كفايه اني مرتاح انا
تنكدت نورة وصارت جالسه ومتضايقه وهو بلط وكان بيبات بعد بس ابوه ما خلاه عشان نورة واخذها وهي قالت:أبروح لأهلي
ماصدق فهد ووداها ويوم وصلو للبيت قال:بتباتين
نورة:لا
فهد:زين ترى ما بجي الا بنص الليل ابسمر مع احمد
نورة:ليه احمد
فهد:حلوة ذي بكييفي مرة لا تتدخلين بهالشي
نزلت نورة بضيق وهو على طول دق ع احمد وقال له:حمود وينك وحشتني ابجييك
احمد:ههههههههه انا بالبيت تعال خلنا نسمر بالبيت امي مسويه عشا ومابي افوته
فهد تضايق وبنفس الوقت قال:يلا إن شاء الله اشوفها وقال لأحمد:زين جاي
احمد:الله يحييك يلا فمان الله
فهد:مع السلامه
قفل منه وعلى طوووووول ع بيت احمد
...
وصل لبيت احمد ونزل ودق الجرس فتح له احمد وقال:الله يحييك تو ما نور البيت
دخله للمجلس وجاب القهوه وصارو جالسين ومستانسين شوي قال فهد:وش اخبارك سعود وخالد والله لهم وحشه
احمد:هههههه جد وربي تمام والله يسلمون عليك
فهد:الله يسلمهم
احمد:وانت ما بتسافر
فهد وهو يستند:أبد ولا افكر
ضحك احمد وقال:لييه
فهد بضييق:وشكل زواجي بعد مو مطول
أحمد:أعوذ بالله قول خير يا فهد
فهد بضيق:الخير لو اطلقها وارتاح يا حمود
احمد:فهد انت مو مرتاح من قبل لا تتزوجها حرام عليك ليه تزوجتها من البدايه
فهد تنهد وقال:مابيها تزوجتها عشاني مجبور وهي تعرف هالشي وحتى الحين معاملتي لها تبين كل شي ومبسوطه بها مادري شلون تفكر الله لا يبلانا
أحمد حزن ع فهد يوم عرف انه مو متزوجها برغبته وسكت وما تكلم شوي قال:جد فهد ناوي تطلق
فهد وهو يجلس:أحمد انا ابي اتزوج وحده ببالي وابي اوفي لها وحتى لو حصل وما قدرت اطلق راح اتزوجها فوق بنت عمي لأني بصراحه ابيها ومابي غيرها بس ظروفي جبرتني الله يسهلها ويعديها ع خير
احمد حزن ع فهد وقال له:الله يعينك ويكتب لك الخير
فهد تنهد وقال وهو مبتسم:وانت ما راح تتزوج؟
أحمد:مادري والله
فهد:ضيقتك ذي تخص الزواج
ابتسم احمد وقال:دعواتك بس الله يفرجها
ضحك فهد وقال:كلن على همه سرى هههههههههه الله يفرجها لك يارب
ابتسم احمد وقال:أمين يارب
...
مر شهر ع زواج فهد
خالد رجع هو واريج من شهرهم وسعود عنده إجازه ورجع هو وريم لأن اهله وحشووه حييل بالصدفه كانت رحله وصول خالد وسعود مع بعض
وروان وامها مستانسينن ويستنونهم
شوي الا الجرس يدق فتحت روان وكان أحمد ومعاه اخوانه جابهم من المطار
روان انجنت من الفرحه وقالت وهي تحضن خالد:فديييييييييتكم وحشتووني
ضحك خالد وحضنها وقال:وانتي اكثر ياقلبي
بعدت عن خالد ولفت لقيت سعود فاتح لها ذراعينه ويقول:اختي الحبيبه
ضحكت وحضنته وهو قال:فديت هالحضن الداافي
روان:هههههه فديتك
سلمو ع امهم ودخلو
شوي قالت روان:وين زوجاتكم
وصدفه قالو بصوت واحد مع بعض:طفشنا منهم عند اهلهم
طالعو في بعض وضحكو وروان صارت تضحك
واحمد قال:لا خلاص كذا تأكدت انكم رجعتو مثل اول مع بعض
خالد:ههههههههه طالع بسعود وقال:وحشتني كيف المانيا بالله
سعود:والله وناااسه وانت شلون النمسا عسى انبسطتو بس
خالد:يا شيخ تمنيت لو ما ارجع السعوديه بس عاد اهلي الأحباء فيها ما يطاوعني قلبي اخليهم
ضحكت روان وقال:واختكم الحبيبه انحبست وطفشت
ضحك سعود وقال:تمنيت اكون بدالك بس بزواج فهد عشان انكت عليه مثل ما نكت علي
روان:ههههههههههههه نذل
سعود:هههههههههههه الا وش اخباره مع الزواج
احمد بضحك:ماشي حاله
خالد:لا جد مبسوط
احمد:يعني مو مرة
سعود:من جدك انت
احمد:والله مرة حالته ما تسرك تعرف تزوجها على قوله مجبور وقال لي قبل شهر انه بيطلق وانه مو مرتاح وللحين وهو متضايق ومتنكد <<هالكلام كان بين احمد وسعود وخالد روان وامها كانو بالمطبخ >>
خالد:اما عاد يستهبل
احمد:والله ما الومه
سعود:شلون ما تلومه
احمد:قبل كم يوم تواعدت انا وياه وقال لي اقابله عند بيت عمه لأنه بيوديها لأهلها ونطلع نزلت من السياره الله لا يبلانا ماغير لفيت وجهي عشان ما اشوفها لو شالت العبايه كان ما فرقت
خالد بضيق:الله لا يبلانا
سعود:ياربي طيب وش بيسوي
احمد تذكر كلامه له قبل شهر يوم جا عنده بالبيت وقال:الله يسهل له
جات روان ومعاها القهوه وجلست بين خالد وسعود وهي تقول:حيا الله اخواني
ضحك احمد وقال:سحبتي علي يعني
روان ضحكت وقالت:لا مو كذا انت حبيبي اصلا
ضحك احمد وسعود قال:وانت ما بتتزوج
احمد وهو يلف وجهه لتلفزيون:يمكن ايوه ويمكن لا
ضحك خالد وقال:خلاص لا عاد تفاتحونه بهالشي
سعود:ههههههههههه مع نفسك اهم شي تزوجت انا
احمد:هههههههههههههههههههه
...
اما بشقه فهد
كان جالس ويتفرج بالتلفزيون ونورة جالسه بالكنبه اللي جنبه وملت من هالعيشه على ما تحاول تتقرب منه هو يصد عنه واذا وصلت معاه هزئها وطلع من البيت
قالت بضيق وهي تطالع فيه:فهود لمتى
فهد ضحك وقال:طفشتي
نورة:حرام عليك
فهد بمكر:الحين صرتي تعرفين الحرام واللي سويتيه فيني وشو حلال
نورة تنهدت بضيق وقالت:فهد انت تعرف قصدي منه ما يحتاج اشرح
فهد:إيه عارف انك انسانه حقييره واظن بعد انك فاهمه قصدي من زواجي بك
نورة طالعت فيه بصدمه وهو قال:بس مو الحين وقته انتي طفشتي دوبك خليك تتحنطين من الطفش وسكت شوي وقال وهو يقوم:عشان تعرفين ما تنافسين روان ابد
انقهرت نورة وقالت:ما بتتزوجها لو على موتي
ضحك وهو يخرج من البيت ويقول:روحي بس لأهلك ابروح لأهلي واذا على موتك موتي من الحين لأني متزوجها متزوجها وغصب ع اللي ما يرضى
راح لأهله ودخل البيت وكالعاده متضايق
امه ملت من حالته حييل وابوه بعد بس خلوه ع راحته
وهو صار يدور لسبب عشان يطلق نورة
جلس بالصاله وجات امه وجلست جنبه وهي تقول:فهد وضعك مو عاجبني
فهد:مو هذا اللي تبينه اتزوج نورة زين تزوجتها شوفي وضعي الحين
امه:صار بينكم شي
فهد وهو ياخذ الريموت ويقلب بالتلفزيون:إيه
امه:ما بتتوالفون حتى يربط بينكم ظناكم
فهد:هههههههههههه لو ايش يمه ما تربي عيالي نورة
امه:فهد
فهد:وصلك كلامي ما نقص الا هي مو متربيه اصلا شلون تبيها تربي
صباح اللي كانت نازله من الدرج وسمعت كلامه قالت:الحمد لله قلتها بلسانك اساسا ليه تزوجتها
فهد تنهد ولف وجهه
امه قامت من عندهم بضيق وصباح جلست وقالت:فهمتك فهد بس ابي اعرف وش اللي خلاك تتزوجها
فهد تنهد بضيق وما رد
وصباح قالت:بتقول ولا ا عرف بطريقتي
فهد:خلاص تزوجتها وانتهى الموضوع مو شرط تعرفين
صباح:عشان كلام امي بالرياض؟
فهد وهو يتذكر ذاك اليوم اللي ما يبي تذكره قال:لا واقلبي وجهك
صباح:فهد عارفه ان وراك شي بس تكلم بسرعه
صباح صارت تضغط عليه وتحاول فيه لين انحشر وقال:صباح اقلبي وجهك
صباح:فهد تكلم
فهد وهو يقوم لغرفته:غلطت وصلحت غلطي وانتهى الموضوع
صباح قامت وراه وكلامه ذا له الف معنى بس ما تبي تفهمه بالمعني اللي جا ببالها هو دخل غرفته ودخلت وراه وقفلت الباب وهي تقول بجنون:وش تقصد يافهد
فهد بضيق وهو يحط يدينه ع راسه:ياربيي اللي فهمتي
صباح صارت تطالع فيه بصدمه ودموعها بعيونها وتحس رجولها ما تحملها
جلست ع طول بصدمه وهي تقول:شلون سويتها فهد
فهد بضيق وهو يجلس ويطالع فيها:غصب عني والله مادري بعد انا شلون سويتها
صباح صارت تطالع فيه ومو مصدقه وقالت:متى تكلم يا حقير
فهد طالع فيها بتوتر وقال لها بكل اللي صار معاه بذاك اليوم وقال ودموعه بعيونه:مابيها والله مابي غير روان تكفين صباح ابي اطلقها بس مافي سبب خلاص ابتزوج روان عليها وخليها تصطفل مو قادر اتحمل كل هالنكد
صباح صارت تطالع بفهد بصدمه وبدون ما ترد وهو دموعه تنزل ويحاول فيها تساعده
قامت وجات بتخرج من الغرفه بس مسكها فهد وقال ودموع الندم بعيونه:والله صباح مادري شلون سويتها تكفين ابي اتزوج روان
صباح ما تحملت وهي تتخيل طيبة روان ع اللي سواه فهد وقالت بعصبيه:شلون غصب عنك انت مو ضعيف وإذا انك ضعفت قدام هالخسيسه ما تستاهل روان ابد
فهد صار يطالع فيها ويقول:صباح ملييت تكفين
صباح طلعت من الغرفه وهي تقول:حقير كريه
فهد انقهر وضرب بيده ع الباب بقهر وقال:الله يحرق قلبك يا نورة الله يورني فيك يوم حسبي الله عليك
جلس ع سريره بقهر وكلام صباح بإذنه وقال ودموعه تنزل:ادري اني حقيير واني ما استاهلها بس والله ما بغيت غيرها شلون بعيش مع غيرها ما اقدر مستحيل
صار يفكر ويقول بخاطره:ابطلقها ابرتاح منها ابي ابيدها من حياتي بس مافي سبب اصرف ابوها به
تنهد بضيق وقال:بتوافق روان تكون زوجتي الثانيه
تذكر نظراتها له بزواجه وحس انها كانت تتمناه بس خذلها نزلت دموعه بقهر وقال:والله مابي غيرك رورو
قام وخرج من البيت وصار يلفلف وهو ما يدري وين يروح شوي الا نورة تدق عليه رد بضيق:نعم وش تبين
نورة:تعال خذني مو كأنك تأخرت
فهد:مابي بسهر مع اصحابي
نورة:زين وديني البيت وروح اسهر براحتك
فهد:لا خليك عند اهلك احسن
وقفل الخط بدون ما ينتظرها ترد انقهرت نورة وحطت جوالها وهي تقول:لا تحلم بروان لأنك بتنندم
فهد صار يلفلف ومقهوور لو تزوج روان زوجه ثانيه يمكن ما ترضى ويمكن ابوه بعد يزعل عليه حتى لو ما منعه لأنه ما يحبذ هالشي وبعدين هو بعد ما يبي بحياته غير روان ويعرف روان عانت كثير بحياتها ومو ناقصه الم مع نورة ابد
سند راسه ع الشباك وصارت دموعه تنزل بحيرة وقال:حتى صباح ما تبي توقف معاي
تذكر نظراتها له وقال بضيق:آه اهبل وش سويت انا
حس بإشمئزاز يوم تذكر ذاك اليوم وحس انه ما عاد يبي يشوفها ابد
مرت ساعه وساعتين وثلاث وهو بسيارته ويلفلف شوي الا جواله يدق رد بضيق يوم شاف رقمها:نعم
نورة:فهد يله ابوي بينام
فهد:زين جاي ولا عاد تدقين
نورة:بسرعه
فهد وهو يقفل:على تراب
راح لبيت عمه وخرجت هي بالعبايه الفستان والمكياج الوان الطيف والكعب العالي ومشيتها البايخه وهو لاف وجهه عنها ولا كأنها زوجته
فتحت الباب وركبت وقفلت الباب ومشى على طول وبسرعه
وصلها للبيت ووقف وهي قالت:ما بتنزل
فهد:لا
نورة قفلت الباب وجلست وهي تقول:ابفهم وش عندك ووين تروح
فهد:اذلفي واتركي اللي ما يخصك
نورة ودموعها بعيونها:شلون ما يخصني انت زوجي
فهد:ما يحتاج تذكريني عارف يلا بس اقلبي وجهك
نورة بكت وقالت:فهد لمتى بنجلس كذا
فهد:هه انتي حطيتي نفسك بهالمكان ولا كنتي في غنى عنه
نورة وبكاها زاد:طيب حس فيني ع الأقل قدر انك زوجي قدر هالشي
فهد:شغلي بس اذللك لأنك ما تستاهلين حتى احد يفكر فيك انتي احقر وحده بهالكون ما تستاهلين حتى اشغل بالي بك
نورة صارت تبكي بدون ما ترد شوي قالت:شوف حل مابي اعيش بهالطريقه
فهد:وصلتي حدك من الطفش بتروحين وتبلشين واحد ثاني
نورة:فكني فهد تكفى والله ملييت
فهد:وانا بعد ملييت ما عاد ابي اشووفك وابي افتك منك بس ابي الفرصه تجيني والله ما تجلسين بذمتي ثانيه وحده
نورة زاد بكاها وقالت بصراخ:زين طلقني ريحني من هالنكد
فهد مو مصدق طلبت هالشي بنفسها وقال:أطلقك؟!
نورة وهي تشهق:إيه لمتى بجلس كذا معاك
تنهد فهد وقال:انزلي ولمي عفشك ويصير خير
نورة نزلت وهي تبكي ولمت اغراضها كلها وفهد صار جالس ويستناها بالصاله بعد ما طلع عقود الشقه كلها لأنها كانت إيجار
شوي طلعت وحط اغراضها بالسياره وسلم العقود كلها مع مبلغ الإيجار لصاحب العماره
ونورة جالسه بالسياره ودموعها تنزل وتقول:تتهنى فيك روان يالحقير
وهو خرج من العماره وكان مبتسم وركب السيارة واتجه لبيت عمه واول ما وصلو نزلت على طول وهو نزل لها عفشها ودخلوه الشغالات
وهو وقف وطالع فيها وقال:نورة
نورة ما كانت تبي تطالع بوجهه وقالت وهي معطيته ظهرها:نعم
فهد:طالق .. طالق .. طالق
دخلت البيت وهي تبكي وهو ركب سيارته وراح لبيت اهله
وصل للبيت ولقى انور عند الباب وعرف انه جاي ياخذ صباح دخل وشاف صباح طالعه ومعاها ليان وقف قدامها وباس ليان وصباح قالت:وش جابك؟
فهد بهدوء:بنام
صباح:وبيتك ونورة
فهد وهو يمر من جنبها ويطلع لغرفته:طلقتها
صباح مو مصدقه قالت بصدمه:فهد من جد
فهد وهو بعد مو مستوعب اللي سواه:إيه مابيها وانتهى كل شي الحين
سمعته امه وقالت بصراخ:ليييييييييييييه
فهد لف ولقى امه بأعلى الدرج وانفلتت على طول:حرام عليك شلون تطلقها ما شفنا منا الا كل خير
فهد وهو يمسك راسه:يالييل يمه انا مو مرتاح معاها مابيها شلون اعيش معاها
امه بدى صوتها يعلى وتخاصم فيه وتسبسبه وهو صار يحاول يهديها بس مافي فائده طلع ابوه من الغرفه وهو معصب وقال بصوته كله:شفيكم
فهد ما رد وامه قالت:طلق مرته ولدك طلقها
ابوه طالع فيه وطالع بأمه وقال وهو يحاول يهدي نفسه:أعوذ بالله من الشيطان الحين كل هالصوت عشان نوير الله لا يردها احسن ما سويت يبه شر وانزاح
الأم انجنت وصارت تخاصمهم وابوه ضحك وقال:يأم فهد هدي بالك والله ما درت عنك ولا عن ولدك وتشوفين بعد كم يوم انا عروسه ذولي الناس ما يستاهلون حتى التفكير
فهد حس انه هدي يوم شاف ابوه معاه وابوه قال وهو يمسك امه ويدخلها الغرفه:نامي نامي بس وانتو يا اولادي<<يقصد صباح وفهد>>عشاكم علي بكره خروفين
فهد ضحك وصباح نفس الشي طلعت هي وليان اما فهد راح لغرفته وهو يحسه هم كبيييير وانزاح عن صدره
مسك جواله وحب يبشر احمد بهالخبر
...
احمد واخوانه وروان كانو يتابعون فيلم
احمد منسدح ع الكنب وخالد جالس ع الأرض وممدد رجوله والشاهي جنبه وروان جالسه جنب خالد وتصب له الشاهي وسعود منسدح ع الأرض وراسه ع فخذ روان
جات امهم وشافتهم وابتسمت وقالت وهي تشوف لمة عيالها اللي ضحة بكل شي بحياتها عشانهم وما خذلوها ابد:هيا وطو الصوت ابنام ولا تزعجوني
احمد كان معاه الريموت ووطى الصوت وقال:تصبحين ع خير يمه
امه:وانت من اهله
طلعت لغرفتها شوي الا توصل رساله بيبي لأحمد أخذ الجوال ولقاه فهد كاتب"حمود حمود حمود"
احمد"هلا"
فهد"طلّقت ولله الحمد"
احمد جلس وقال لأخوانه بصدمه:فهد طلّق زوجته
كلهم انصدمو وطالعو بأحمد وقالو:كذاب
روان بصدمه:ليه
أحمد:وربي شوفه مرسل لي
وكتب لفهد"مقتنع بهالشي فهود"
فهد"إيه ومبسووط بعد"
أحمد تنهد براحه وقال"زين ذا اهم شي والله يوفقك ويسعدك يارب ويحقق لك اللي تتمناه"
فهد"آمين وياك يارب"
قفل جواله وبدا يدخل بنومه وهو مرتااح
اما عند أحمد روان قالت لأحمد:حمود ليه طلّق
أحمد:من أول يقول لي انه يبي يطلق يقول مو مرتاح معاها ابد واصلا تزوجها وهو مجبور يلا الله كاتبه الله يرزقه باللي تسعده يارب
كلهم قالو:آمين
روان صارت عيونها بالتلفزيون ويدينها ع راس سعود وتلعب بشعره ومو مصدقه:مجبور عشان كذا ذيك النظرة بزواجه بس كان يطالع فيني
تنهدت وقالت بخاطرها:بس بلا أوهام الله يوفقه ويسعده
بعد ما تفرجو ع الفيلم كل واحد راح لغرفته وانخمدو روان دخلت غرفتها وهي تحس بضيق قفلت الباب واستندت عليه بضيق وقالت:ياربييي
مسكت جوالها لقت فيه رساله فتحتها كانت من رقم نورة ومكتوب فيها"تتهنين بفهد اللي طول زواجنا ما يهوجس الا بإسمك والله يوريني فيك يوم مثل ما فرقتينا"
روان انصدمت وهي ما كانت تبي تكون سبب دمار لأي احد وردت"نورة انا مابيني وبين فهد شي غير كليته اللي بجوفي ومالي علاقه باللي صار بينكم ابد"
نورة ردت بقهر وهي تبكي"لا كأني صدقتك الحين وطول وقته غايب عني وقال بيسهر مع اصحابه معقوله ما تدرين عنه"
انصعقت روان وارسلت"والله مالي علاقه فيه وما بيني وبينه شي لا تظلميني"
نورة ما عاد ردت عليها وروان رمت جوالها بقهر وصارت تبكي
...
بعد أسبوع من طلاق نورة ببيت ابو فهد
فهد جالس ويفطر مع اهله شوي الا ابوه يقول له:ليه طلقت مرتك يبه
فهد:مو مرتاح معاها ابد واخلاقها ما عجبتني
ابوه بضحك:نصحتك من قبل لا تتزوجها بس اعرف انك ما تطيقها وش اللي خلاك تتزوجها
فهد انحشر ومارد وامه تحسب انه ما يرد عشانها وقالت:انا كنت ابيه يتزوجها واصريت عليه
فهد تنهد وقال بخاطره:زين انقذتني امي
وابوه قال:هاه اقتنعتي الحين بها
امه سكتت وابوه قال:يلا يمكن فيها خير ما تدرون
كمل فهد فطوره وبعد الفطور خرج ابوه وهو جلس يتفرج بالتلفزيون جات امه وجلست جنبه وقالت:وش ناوي عليه الحين
سكت فهد وما رد وامه قالت:تبي تتزوج روان؟
فهد ما يرد وبباله كلام صباح
شوي قالت أمه:بكيفك هالشي يرجع لك وما عاد بتدخل بشي يخصك
فهد ما رد وروان بباله شوي قال:خلاص انسى كل اللي صار واكمل احلى ايامي معاها
تنهد بإرتياح وهو يتخيلها زوجه له
ابتسم وقال وهو يقوم لأمه:اليوم بعد المغرب بروح لأحمد واخطبها قولي لأبوي
امه:الله يوفقك
حس انه ارتااح وارسل لصباح رساله كتب فيها"ابخطب روان اليوم j"
ارسلت صباح"اخيرا هههههههه الله يوفقكم يارب"
...
بعد المغرب ببيت ابو احمد
احمد راح لأمه وهو يقول:يمه القهوه فهد بيجي
روان كانت قاعده بالصاله وسمعته وزادت نبضات قلبها وتذكرت رساله نورة لها وحست بخوف وضيق
شوي وصل فهد ودخل احمد والقهوه بيده شوي دخلو سعود وخالد وسلمو عليه وهو قال لهم:والله لكم وحشه ما بغيتو تجون
سعود:هههههههههههه بالله تزوج مرة ثانيه وانا بالسعوديه عشان اطقطق عليك
فهد:هههههههههههه ابشر من عيوني
خالد واحمد:هههههههههههههه
شوي طالع فهد بأحمد وقال:أحمد وانا اخوك
أحمد بإهتمام:سم
فهد تنهد وقال وهو يشرب القهوه:انا جايك اطلب يد روان وما ظني فيك بتردني
أحمد طالع فيه وبقلبه فرحه ما تنقاس ابد وقال:أبد والله موب رادك ولا حتى اضن روان بتردك واللي تطلبه بيجيك جميلك معاي ومع روان ما بنساه طول عمري
ابتسم فهد بفرح وقال:الله لا يحرمني منك
احمد:الله يوفقك ويسعدك
لف وطالع بسعود وخالد وكأنه يطلب رأيهم وقالو له وهم مبتسمين بفرح:ولا حنا بعد بنردك
وقال فهد:زين روح شوف رأيها مابي اطلع من عندك إلا وانا متطمن
احمد:زين
قام من عنده وهو يتذكر كلامه له انه يبي يتزوج وحده من اول ويبي يوفي لها وعرف انه يقصد روان ابتسم وقال:الحمد لله انه نصيبك يا روان الحمد لله
طلع لروان اللي كانت بالصاله وامها معاها وقال وهو مبتسم:يمه روان جاها عريس
روان فهمت كل شي وبدا نبضها يزيد بحده
امه ابتسمت بفرح قالت:منو
احمد وهو يجلس وفرحان حييل:فهد
فرحت امه وطالعت بروان تنتظر ردها لكن روان كانت منحاسه حييل ورساله نورة ببالها
جلس احمد جنبها وقال:رورو يبي رايك الحين يقول يبي يطلع وهو متطمن
توترت وتذكرت نضراته لها بيوم زواجه ورساله نورة وقالت بتوتر:مدري
أحمد عقد حاوجبه وقال:رورو ما ينرد وشلون ما تدري ما يبي لها تفكير
روان:بس هو تزوج ودوبه مطلق
أحمد:مالك ومال هالشي روان والله فهد ما ينرد وما تعرفينه اكثر مني
روان طالعت بعيون احمد اللي من لحظه مما مات ابوها وهي تشوف نضرت ابوها بعيون احمد وحرصه وحكمته وكل شي فيه وقالت بخاطرها:ما بيفرط فيني اخوي
قالت لأحمد:شوري من شورك
ابتسم احمد وباس راسها وهو يقول:الف مبروك والله يوفقك يارب
وعلى طول زغردت امها وحضنتها بفرحه
احمد دخل عند فهد اللي كان متوتر حيل وقال له وهو يسلم عليه:ألف مبرووك فهود والله يوفقك ويسعدك
ابتسم فهد وسلم عليه وحس انه بيطير من الفرحه ورد:عقبالك يارب
أحمد:متى تبي تشوفها
فهد:بكرة مشغول أوكي بعد بكرة
ضحك سعود وقال:ههههههه اول حشه مستعجل حييل ههههه
فهد:هههههههه يلا عاد لا تكثر
احمد ابتسم وقال:أوكي ولا يهمك
سلم عليهم فهد وقال:يلا فمان الله اشوفكم ع خير
احمد وسعود وخالد:فمان الله
خرج فهد من البيت وهو مبسوووط وكأنه ملك الدنيا كلها بيده
اما سعود وخالد طلعو يباركون لروان ويطقطقون عليها