افضل
طريقة تتصالح بيها مع
الحياة هي انك تكون واعي لنفسك وفاهمها كويس...تكون مدرك احساسك وردود افعالك...تكون عارف انت بتتعصب من ايه وليه، وبتفرح من ايه وليه؟
ليه ارتحت للشخص ده وليه مرتحتش لده؟ ايه اللي انت حسيته هنا وملقيتوش مع التانيين
ليه انا قفشت من الكلمة دي؟ ولما اتقالت لي تاني مقفشتش؟!
يعني هي كلمة بتزعلني ولا مبتزعلنيش
في تشويش كتير بيحصل في دماغنا بيحسسنا اننا عندنا انفصام في الشخصية
بس اما نفهم مشاعرنا ودماغنا ونفسنا اكتر بنرجع تاني نتصالح مع الحياة
هحاول الفترة الجاية نتكلم عن الموضوع ده اكتر
بس السؤال هنا...
ايه الموقف اللي افتكرتوه دلوقت حسسكم باللخبطة؟؟ اكيد كل واحد جه في باله حاجة معينة...شاركونا بيها...وحاولوا تحللوا الموقف ده...حللوا اللي حصل، حللوا المشاعر، وتخيلوه بالطريقة اللي لو كان حصل
بيها مكنتوش هتضايقوا، واكتبولي النتيجة