الجزء الحادي والعشرون
بعد المغرب فهد بغرفته وبدل ملابسه وجالس يزبط شعره عند المرايه
شوي أخذ علبة العطر وتعطر وطلع وهو يقول:يمه ابطلع تبين شي
امه:بتتعشى معنا
فهد:لا تبين شي
امه:لا انتبه لنفسك
فهد وهو يطلع:يلا فمان الله
طلع فهد وجواله بيده ودق على روان
روان اللي كانت تبدل ملابسها مسكت الجوال وردت:هلا
فهد:جاهزة رورو
روان:إيه وينك
فهد:قريب خلاص
روان:زين استناك
فهد:يلا باي
روان:باي
قفلت جوالها ولبست بسرعه وعدلت شكلها ولبست عبايتها وأخذت شنطتها وحطت أغراضها فيها وطلعت
سعود كان طالع من جناحه وريم معاه وشافها وقال:احلا احلا على وين
ابتسمت روان وقالت:ابطلع مع فهد
سعود:جاي الحين
روان:إيه
سعود:هههههآآي خليني اطقطق عليه شوي يعجبني إذا انحرج
روان:هههههههه حرام عليك
مسك سعود يد ريم وهو يهمس لروان:ابوديها المستشفى شكلها حامل
روان طالعت بريم وقالت بفرح:وااو جد
ابتسمت ريم وقالت:إن شاء الله ذبحني ذا متى تحملين
سعود:هههههههههه
روان:ههههههههههههه
نزل سعود ومعاه ريم وطلعو
روان نزلت للصاله وهي تقول لأمها:يمه حمود وينه
أمها:راح للبقاله يجيب لي اغراض
روان:وخالد
شوي قال من وراها:أنا هنا وين رايحة الأخت
لفت روان وابتسمت وقالت:هلا والله وين اريج
خالد:بالمطبخ وين بتروحين
روان:طالعه مع فهد
خالد تنهد وجلس وهو يقول:اريج تعبانه
روان بقلق:شفيها
خالد:كل ما اجيب لها شي تاكله تقول مالها نفس ما تاكل شي مررة يادوب لقمتين وتقوم
روان بحنان:لا تضغط عليها
خالد:روان مرة ما تاكل شلون
روان:زين إذا رحتو لمراجعتها المرة الجايه كلم الدكتور
تنهد خالد وقال وهو يقوم ويروح لها:ابروح اشوفها
روان جات بتجلس الا جوالها يدق ردت بسرعه:هلا فهد
فهد:يلا حياتي انا برا
روان:زين طالعه
لفت طرحتها وتغطت وطلعت وركبت السياره وفهد مشى على طول
طالع فهد فيها وقال وهو يمسك يدها:شلونك حياتي
روان:تمام
فهد وهو يوقف عند محل قهوه:وش تشربين
روان:كبتشينو
طلب اثنين كبتشينو وأخذها وحرك
صارو ساكتيين روان متوترة وفهد بعد متوتر
شوي وصلو للبحر ونزل فهد ونزّل روان وطلع السجاد وجلسو قريب من البحر
فهد جالس وروان جنبه وحاط يده ع كتفها من ورى ظهرها ومميلها على صدره تذكر نظرتها له يوم زواجه هو ونورة ووشلون جلسو كل اللي حولها وهي ما انتبهت وظلت واقفه
قال وهو يمسك يدينها بيده الثانيه:روان تحبيني؟
روان ما ردت وهي ما تدري وش تقول وهو قال:رورو ردي علي
تنهدت روان بتوتر وقالت وهي تطالع فيه:وش رايك يعني
ابتسم فهد وقال:أبيها صريحه
ابتسمت روان بتوتر وقالت:إيه أحبك
فهد طالع بالبحر وهو يشدها لصدره هي حست انه يبي يقول شي وإنه ما سأل هالسؤال من فراغ وقالت وهي تضغط على يده:فهود بخاطرك شي؟
فهد طالع بعيونها وتذكر صباح وهي تقول له"فديتها ذي البنت طييبه وتفهم كل النااس" ابتسم وضيقته بانت بوجهه وهو يتذكر صباح لما قالت"لو رجعتها بتخسر روان" قال وهو مايبي ابد يصير هالشي:وش اعني لك
روان حست فيه وقالت وهي تبتسم:كل شي بحياتي
فهد ابتسم ولف عيونه ع البحر وبخاطره كلام كثييير تنهد وقال:طيب .. لو جد شي بعلاقتي بنورة تتخلين عني؟؟
روان نغزها قلبها وقالت بخاطرها:لا يكون بيرجعها انا بنتهي وقالت بتوتر:زي أيش؟
تنهد بضيق وسكت وروان توترة
لاحظ توترها وطالع فيها لقاها عاقده حواجبها وكأنها تضايقة وقال بسرعه يبي يرجع الموقف مثل ما كان:رورو مو ارجعها مستحيل بس
روان بإنفعال:بس أيش
فهد:يعني ... تنهد بضيق وكمل:خلاص ولاشي إنسي
روان طالعت فيه ومافهمته ولفت وجهها للبحر وهي تحس بضيقه
هو حس بالجو مخنوق وقال:روان ما قصدت شي بس بغيت اتطمن لأني مابي اخسرك ابد ومابي نتفرق ولا يصير بيننا شي والله مابي احد غيرك يكون معاي وأخاف بعدين لو صار شي تفهمين غلط ولا تزعلين
روان طالعت فيه وقالت وهي تبتسم:فهد ممكن تأجل موضوع نورة ذا للأبد ولا عاد تجيب طاريها
فهد صار ساكت ويطالع فيها بإستفهام وهي كملت وهي تقوم وتقومه:ما طلعت معاك عشان نتنكد بسيرتها كل شي بوقته حلو يلا بس قوم خلنا نمشي
ابتسم فهد وقال وهو يقوم:آمري
...
أحمد داخل البيت وهو يقول:وين روان
أمه وهي تاخذ الأغراض منه:راحت مع فهد
أحمد:العن متى املك انا سحبت علي يعني
أمه:ههههههههههه
احمد وهو يجلس بالصاله:والإثنين المقرودين <<يقصد سعود وخالد>>
أمه:راحو بزوجاتهم المستشفى
أحمد:سلامات
امه:اريج تعبانه شوي وريم تبي تكشف
احمد مسك الريموت وفتح التلفزيون وقال:يمه وش رايك ازوجك
امه:لا يبه فكني اقول
احمد بضحك:لا بس بتطفشين كلنا تزوجنا
امه:مالي الا مصحفي وسجادتي خل الزواج عفته خلاص
ابتسم احمد بحنان وقال:الله لا يحرمني منك يمه
...
روان وفهد يمشون على الشاطي وهم قد تناسو نورة وسالفتها لأن التفكير فيها ما راح يفيدهم بالعكس بينكد عليهم صارو يحاولون بقد ما يقدرون إنهم يستمتعون بوقتهم مع بعض ولا يضيعون ثانيه منه بحزن ولا تفكير ما يفيدهم
فهد اللي تعلق بروان حيل وصار ما يتخيل حياته بدونها ابد وما يبي يخسرها
وروان اللي صار فهد يعني لها كل شي بحياتها وما صارت تبي تفارقه
كانو مستانسيين مع بعض حيل ويخططون لحياتهم ويا بعض
فهد:رورو وين تبين نسافر بعد الزواج
روان بضحك:تونا فهود
فهد بضحك:اقول هيا ابسوي التذاكر وجوازات السفر
روان:أممممممم
فهد:ههههههههههههههه فديتك
روان:هههههههه نيوزيلندا
فهد:زين نجلس فيها شهر صح
روان بحماس:إيه
فهد بحماس:زين من بكرة بزبط كل شي
شوي طالع بالساعه وكانت 9 ونص وقال لها:نتعشى الحين ولا بدري
روان:بدري خلنا نلفلف شوي بالسيارة
فهد وهم يلفون ويمشون للسيارة:زين يلا
...
سعود وريم طالعين من المستشفى ومبسوطيين ركبو السيارة وعلى طول قال سعود بفرح:أخيييرا
ضحكت ريم وهو حرك السيارة ومشو
طول الطريق كان مبتسم لين ما وصلو للبيت ودخلو أمه كانت جالسه بالصاله وقال على طول:يمه ريم حامل
أمه ابتسمت بفرح وقالت:مبروووك الحمد لله
ريم ابتسمت وقالت:الله يبارك فيك عمتي
شوي قالت:رجعت اريج
عمتها:إيه شوفيها بجناحها
ريم:خالد عندها
عمتها:لا بالمجلس يتقهوى مع أحمد سعود روح يم أخوانك وانتي يمه نادي اريج وتعالو تعشو معاي
طلعت ريم وهي تقول:من عيوني
أما سعود راح للمجلس وجلس مع أخوانه
ريم طلعت لأريج بالجناح ودقت الباب
اريج اللي كانت جالسه بالصاله:مفتوح الباب
فتحت ريم ودخلت وهي تقول بفرح:سلام شلونك
أريج:هلا والله تمام انتي عساك حامل
ريم وهي تجلس جنبها بفرح:إيه الحمد لله
أريج:هههههه الحمد لله
ريم وهي تمسك بطن اريج:وانتي وش عندك
اريج:ولا شي بس عطاني فيتامينات وفاتح شهيه ومراجعه الشهر الجاي
ريم:إنتي بأي شهر؟
أريج:الرابع
ريم:بس بطنك مرا كبير
اريج:إيه بعد أنا حسيت
ريم بضحك:شكله متين
أريج:ههههههههه بسم الله عليه
ريم:بكره نروح لأهلي
اريج:إيه لي اسبوع ما رحت لهم
ريم:زين بكرة نروح بس يلا قومي عمتي حطت العشا
قامت اريج مع ريم ونزلو يتعشون
...
فهد وروان بعد ما لفلفوا بالسيارة لين ما صارت الساعه 11 ونص قالت روان وهي تطالع بالساعه:فهد تأخر الوقت
فهد بضحك:ماحسيت وربي زين نتعشى واوصلك البيت
روان:أوكي
فهد:وين تبي نتعشى
روان:ليتل سيزرز
فهد:زين يلا مشينا
راحو للمطعم وبعد ما تعشو وصلها للبيت وهي نازله قال:يلا باي اشوفك على خير
روان:باي
قفلت باب السيارة ودخلت البيت وهو رجع لبيتهم
...
بغرفة روان
كانت منسدحه على سريرها وتلعب بشرعها وفهد ببالها وتفكر بالكلام اللي قاله لها ببدايه الطلعه وقالت بضحك:فديته باقي مو مصدق اني مجنونه فيه ومستحيل اتخلى عنه
مسكت جوالها وفتحت ع الدردشه اللي بينهم وكانت كلها بيسيهات مافي كلام خاص وارسلت له"فهود صاحي"
فهد اللي كان طالع من الحمام ومنشفته على كتفه خلاص بينام قفل النور والباب وشغل المكيف وانسدح على سريره بعد ما اخذ جواله وهو يتنهد ويقول:احلى ليله بحياتي كانت اليوم فديتك يا رونتي الله يخليك لي ولا يحرمني منك
فتح جواله وفتح الدردشه وقرى رسالتها ورد بسرعه"صاحي حياتي الحين بنام بغيتي شي"
ابتسمت وارسلت له رابط وارسلت بعده"زين اسمعها وتصبح على خير"
فهد تحمس وارسل"الحين اسمعها"
وفتح الرابط على طول كان رابط فيديو وكانت أغنية راشد الماجد"اسكن عيوني يالغلا"
بعد ما سمعها حس انه بيطير من الفرحه وارسل لها"رونتي وقسسسسم احححححبببك الله لا يحرمني منك"
روان ضحكت وارسلت له"وانا اموووت فيك يلا بس ناام"
فهد ضحك وارسل"آمري مع انه طار النوم"
روان"هههههههه يلا تصبح على خيير"
فهد"وانتي من اهله"
...
ملكة أحمد
جا اليوم اللي انتظره احمد من زمااان
كان الكل جاهز ومستعد والكل بالقاعه وبدو المعازيم يجون
روان كانت مبسوطه ححييل كانت لابسه فستان احمر توب قصير لفوق الركبه وهيلهوب اسود وكعب عالي احمر والفستان فيه حزام تحت الصدر مشدود للظهر ومن ورى فيونكه كبيرة سودا
وشعرها الفاتح مستشورته ورافعته من قدام مع تسريحه حفيفه ورى والباقي منثور على اكتافها
واكسسواراتها كانت نااعمه
كانت واقفه هي وصباح واريج وريم ويستقبلون المعازيم ويبخرونهم وامهاتهم معاهم
وصديقاتها كلهم حضرو وكانو عند رغد فوق وفرحانين معاها
شوي قالت لصباح:ابطلع لرغد
صباح:زين روحي ماعليه حنا هنا
طلعت روان لرغد وقالت وهي تفتح الباب:لبى والله صديقتي ومرت اخووي
رغد ابتسمت بفرح وحضنت روان وهي تقول:فديييتك ياقلبي
روان ضحكت وقالت:واخيرا بتصيرين بوجهي طول الوقت
رغد:ونااسه فديتك
جلسو يسولفون شوي قالت وحده من صديقات روان:رورو لاتقولين مسويه طيبه وعازمه المقروده نورة
روان بضيق:نعم نعم تصصطفل آخر شي افكر فيه
استغربو البنات لأنهم ما يعرفون سالفتها مع روان وبعد روان طيبه وما قد سمعوها تقول مثل هالكلام
وقالت وحده منهم:ههههههه اكيد صار لك معاها موقف بس الحمد لله بانت قدامك وش كثر كنت اكرهها وهي تتميلح معاك
تنكدت روان من هالطاري وقالت:مع نفسها مابي حتى افكر فيها
وقالت وحده ثانيه:تصدقون حامل الحين
رغد حست ان روان تنكدت زياده وقالت:بنات بالله قفلو سيرتها رافعه ضغطي
تغيرت ملامح روان للضيق ولاحظو البنات هالشي وسكتو
شوي قالت روان وهي تقوم وتحاول تغير الجو بعد ما وصلتها رساله من احمد:ابروح لأمي شوي خذو راحتكم
البنات:الله معاك
اول ما خرجت قالت رغد بضيق:وجع لا عاد تجيبون طاري نورة عندها
وردت وحده منهم:ليه تضايقت غريبه وش صاير بينها وبين نورة
رغد:ولد عم نورة اللي كان متزوجها هو فهد اللي تبرع لروان والحين مملك عليها
وحده من البنات قالت بإنفعال:وجع وليه توافق عليه روان لا تقولين اهلها جابرينها عشانه متبرع لها
رغد:لا لا مو كذا بالعكس هي وافقت برغبتها لأنه قال انو تزوج نورة وهو ما يبيها يعني بس عشان اهله وبعد ما عرفت انها حامل الا قبل كم يوم
استغربو البنات حيل وقالت وحده منهم بقهر:وجع شلون تزوجها وهو ما يبيها وما شاء الله حامل الله يعينها رورو
رغد وهي تتنهد:حرام والله دايم تحكيني عنه طيب ويحبها حييل وروان بعد نفس الشي بس مادري وش سالفته مع بنت عمه
ردت وحده فيهم:وصباح ذي اخته
رغد:إيه
ردت:آآه الله يوفقهم دامهم حبايب بس بجد نكد هاللي ببطن نورة وين يودونه
رغد:عشان كذا روان متنكده تخاف انه يرجع نورة
سكتو صديقاتها وقالت وحده فيهم:لو انه يحب رورو من جد ما راح يسوي شي يضايقها الله يوفقهم ويبعد نوير ذي عنهم
البنات:آمين
شوي الا جات ام رغد وهي تقول:بناتي ابو رغد واخوها يبو يدخلون عشان توقع
قامو البنات وهم يقولو:ماعليه خالتي
طلعو من عند رغد ودخل مازن وابوه وهم مبتسمين وناولوها العقد ووقعت وهي فرحانه وطلعو وبعدهم جهزت روان وامها كل شي ودخل أحمد
أحمد فتح الباب ودخل وهو يقول:سلام
رغد رفعت عيونها وطالعت فيه وردت بتوتر:وعليكم السلام
ابتسم احمد بحب وجلس جنبها وهو يقول:شلونك حياتي
ردت رغد وهي مبتسمه:تمام انت شلونك
احمد بنفس الإبتسامه:تمام
مسك يدينها وقربها لفمه وباسها وهو يقول:الحمد لله إنك نصيبي
ابتسمت رغد بحرج بدون ما ترد وهو ضل يطالع بعيونها اللي ساحرته حييييل
شوي دخلت روان وامها وخالاته وعماته ومعاهم التورته والكاميرا
ابتسم احمد لهم وقام يسلم عليهم وباركو له وجلس وجلسو كلهم
وقطعو التورته وتصورو ولبسو دبلهم وكانو مبسوطيين حييل وروان هي اللي كانت تصور وفرحاانه لهم حييل
بعدها طلعو من عندهم وخلوهم لوحدهم
روان طلعت ولقيت صباح واقفه قدامها ونزلت هي وياها وراحو للكوشه يرقصون
شوي الا جوال روان يدق انتبهم له وردت:هلا فهود
فهد:هلابك وينك ابشووفك بسرعه تعالي
روان بضحك:زين جايه
فهد:بسرعه انا عند الباب
روان:من عيوني ثواني وانا عندك
فهد:هههههه يلا وريني
ضحكت روان وراحت للباب اللي بين قسم الرجال والحريم وكان قريب من الأمانات وكانت الصاله ذيك كلها مرايات وقفت وصارت تعدل شكلها وتغني
شوي فتحت الباب ولقية فهد بوجهها وابتسمت وهي تقول:وحششتني
فهد طالع فيها كان شكلها يجننن وقال وهو يمسك يدينها:وانتي أكثثر حياتي
ضحكت روان وقالت:هاه شلون كذا حلوه
فهد بحب:أنتي دايم حلوه
روان ضحكت وقالت:زين خلاص اروح
فهد وهو يعقد حواجبه:بدري وين
روان:شفتني خلاص تبي شي ثاني
فهد تنهد وقال:إيه
روان:زين آمر
فهد انهببل عليها وقال:بوسه مثل حقت ليان اللي بذاك اليوم
روان سرحت وهي تتذكر وقالت بضحك:يلعن ابليسك وصلت لك بعد
فهد ضحك وقال:هيا مافيني صبر
ابتسمت روان وقالت:بس هالبوسه وأروح
فهد:أمممم اشوف يمكن تروحين يمكن لا
روان:ههههههه هيا عاد خل الملكه تمر على خير
فهد:والله شكله العكس
روان:هههههههههههه لالا بس هالبوسه وابروح
فهد:زين لا جت هالبوسه كفايه
ضحكت روان وقربت من خده وباسته بسرعه وجات بتبعد بس هو ضحك وحضنها وهو يقول:وين رايحه
روان انحرجت وقال وهي تبعده عنها:فهد لا تفشلني
ضحك فهد وقال:زين بوسه ثانيه
روان:لا خلاص بعد ذي انطبعت امسحها
فهد ضحك وقال:هيا بسرعه ترى ناديت امي قبلك تبين تجي وتشوفنا كذا بكيفك
روان بحرج:فهوود فكني تكفى
فهد باسها بخدها وقال:مو فاكك لين تبوسيني زي الناس
روان باسته بحرج وفكها وهو يقول:فدييتك
وهي على طول مدت يدينها لخدوده ومسحت الروج وهي تقول بحرج:حسبي الله عليك يالخبل
فهد ضحكت وقال وهو يحملها:أحبببك
روان انحرجت حييل وقالت:فهد نزلني بسررعه
فهد ضحك ونزلها وباسها بخدها وهو يقول:يلا الحين روحي
روان وهي تبعد عنه:من غير ما تقول ابهج
فهد:هههههههه يصير خير بعد الملكه
روان:إيه إذا شفتني اساسا
فهد بضحك:زين نشوف
...
عند الرجال احمد دوبه طالع من عند رغد ولقى فهد بوجهه وقال له فهد:مبرووك يالحبيب وعقبال الزواج
احمد ابتسم له وقال:الله يبارك بعمرك وعقبال زواجك
فهد دخل هو واحمد وجلسو مع الشباب
وجو اعمام احمد وخيلانه يباركون له ويسلمون عليه
شوي جا مازن وجلس معاه وبدو يسولفون مع بعض
بعد الملكة كل واحد طس بيته وكلهم كانو ميتين نوم وخاصه البناااات
...
ببيت ابو فهد فهد كان جالس بطفش ويقول لأبوه:يبه ما تفكر بطلعه طفشان عقب هالإجازة اللي اخذتها
ابوه بضحك:وانا بعد والله خذيت إجازة ابرتاح شوي من الكرف
فهد:كم اخذت
ابوه:اسبوعين
فهد:زين وش نسوي فيها
ابوه سكت شوي وقال:وش رايك نسافر الشرقيه جوها رايق وبحرها بعد يخببل
فهد عجبته الفكره وقال:بس يببه ما تنفع هالسفرات الا مع جماعه
ابوه:هههههه قول اللي براسك لا تحور
فهد:هههههه قصدي نتفق مع حمود واهله
ابوه:زين حلو كلمهم ونمشي بكرة ولا بعده
فهد وهو ياخذ جواله:زين كلم امي وانور اذا بيجون
ابوه:انا بكلم امك وانت كلم انور
فهد بضحك:زين
مسك جواله ودق على انور وكلمه وطبعا عجبته الفكره ووافق
وبعدها دق على احمد اللي رد على طول:هلا وغلا
فهد:هلابك اخبارك
احمد:تمام والله انت شلونك
فهد:تمام اسمع عندي لك خبر
احمد:حيا الله اخبارك
فهد:هههههه إجازة اسبوعين وش رايك
احمد:إيه بس وش اسوي فيها
فهد:نبي نسافر الشرقيه تكشت معانا انت واهلك
احمد بضحك وخبث:ايه كلنا بحشمة روان اصلا
فهد:هههههههههه لا وربي انه بحشمتك انت وياها
احمد:ههههههههه زين ما اظن يرفضون اهلي بعد هم طفشو
فهد:يلا زين اجل متى تبي نمشي
أحمد:باقي ما وافقت
فهد:ياربيي وش عندك
أحمد:ما تراعي مشاعري توني مملك امس وباقي ما تهنيت
فهد بضحك:هههههههههههه زين اعزم اهل زوجتك بعد وتهنى بالشرقيه
احمد بضحك:زين خلاص نمشي بعد بكرة
فهد:ليه مو بكره
أحمد:ابخلص الشركه بكرة واوكل أحد بدالي حتى ارجع ونشوف سعود لأنه قاعد يزبط ترتيبات رجعته لألمانيا
فهد:زين يصير خير
أحمد:يلا فمان الله
فهد:فمان الله
أحمد قفل الخط وطالع بسعود اللي قال له:وش عندكم سمعت اسمي
احمد اللي قام عشان بيقول لأمه وروان:تعال تعال
راح للصاله وقال وهو يدخل:يمه
أمه:هلا
أحمد وهو يجلس قبالها ويطالع بروان اللي كانت قاعده جنبها:وش رايكم نسافر الشرقيه
روان:الله ونااااااااسه
امه:وش طرا عليك يبه لحالنا ما ينفع
أحمد:لا فهد توه مكلمني يقول هو وابوه ماخذين إجازه اسبوعين وبيسافرون يتمشون ويبونا معاهم
روان انبسطط حيل بطاري فهد وقالت بفرح:إيه إيه نسافر
أمها:زين خلاص نغير هالروتين
سعود كان واقف ورى أحمد وقال بحماس:وناسه متى بنمشي
أحمد:بعد بكرة خلصت ترتيباتك انت
سعود:إيه خلاص
أحمد:زين زبطو أموركم بعد بكرة بنمشي
وقال وهو يمسك جواله:بكلم أهل عمي
أمه:سلامات عمك مسافر هو وزوجته للرياض
أحمد:لالا عمي أبو رغد
روان طالعت فيه بفرحه وقالت:رغد بتجي بعد
أحمد بضحك:وشلون اسافر بدونها تستهبلين
روان بحماس:الله وناااااااسه
مسك جواله ودق على ابو رغد وبلغه وما عارض وافق وبدو ترتيباتهم للسفره
...
بيوم السفر الكل جاهز وطبعا بيسافرون بسياراتهم عشان تكون معاهم وبنفس الوقت يبون يستمتعون بالطريق
أحمد وأمه وروان مع بعض بسيارة أحمد ومعاهم عفشهم
وخالد واريج مع بعض وسعود وريم مع بعض
فهد وأمه وأبوه بالجمس حق ابو فهد ومعاهم عفشهم
وصباح وأنور وليان بسيارتهم
ورغد وأبوها وأمها بسيارتهم
بسيارة أحمد كانت أمه جنبه وروان وحدها ورى
أما بسيارة ابو فهد كان هو اللي يسوق وفهد منطق وحده ورى ويسولف هو وروان بالبيبي
ببداية الطريق كان هدووء بكل السيارات دوبهم صاحين من النوم ومكسلييين
ليان كانت نايمه بحضن صباح ورضاعتها بفمها وأنور وصباح يسولفون
وبسيارة أبو رغد رغد كانت ناايمه وامها وابوها يسولفون
قرب الساعة 8 الصباح
وقفو كلهم عند محطه اللي بيعبي بنزين واللي يبي الحمام واللي يبي يشتري شي من البقاله
أحمد نزل من سيارته وراح للبقاله هو وفهد أما سعود وخالد يعبون بنزين وأنور وقف يستناهم ما عنده شغله
بالبقاله أحمد أشترى 3 لوزين وبيرتين هولستن وعصير ربيع
أما فهد اشترى بيرتين وموية
وهم طالعين قال له أحمد:فهود تجي تسوق بدلي
فهد تحمس:إيه والله ماعندي مانع
أحمد:هههههه جد ترى ما أمزح تعبت
فهد:وأنا بعد جد دقيقة ابعطي ابوي الأغراض وجاي
أحمد:يلا استناك
راح أحمد لسيارته ووقف جهة شباك أمه وهو يقول لها:تجلسين جنب فهد يمه واجلس انا عند روان
روان طالعت بأحمد وهي مو فاهمه وأمه اللي فهمته قالت وهي تفتح الباب وتنزل:لالا يبه اجلس انت جنبه
أحمد ضحك وأمه ركبت ورى مع روان وهو ركب مكانها وصار ينتظر فهد وروان فهمت السالفه وسكتت ولا تكلمت
شوي فهد جاي وبيده بيرته وركب وهو مبتسم ويقول:السلام عليكم
ردو:وعليكم السلام
روان ردت وعيونها ع الجوال لأن رغد شافته وهو يركب وأرسلت لها:ههههههههههه رورو وين الحيا
روان بحرج:ههههههههه الله يقلعك ذا زوجك ناداه مالي دخل انا
رغد تستهبل:هههههههههه زين والله ابوي تعب خلي حمود يجي يسوق
روان بخبث:والله لو قلت له ليجي طيران هاه وش قلتي
رغد توهقت:لالا انتي اخوك عادي بس انا ابوي لا تفشليني منه
روان:ههههههههههه زين اعقلي ولا تستهبلين
رغد:زين طيب
انتبهت روان ان امها قاطه سوالف مع فهد وفهد مبسوط بهالشي شوي طالعت بالمراية اللي قدام ولقيتها عليها وما قدرت تكتم نفسها وضحكت
فهد طالع بالمرايه وهو رافع حواجبه وهي صارت تطالع بالبيبي على انها تضحك مع رغد
وامها قرصتها وهي تقول بصوت واطي:إستحي يابنت عيب عليك
روان بضحك:أي طيب
وللأسف مو قادرة تكتم نفسها ومستمرة بالضحك شوي قال أحمد بضحك:رورو شفيك
روان ردت بضحك:ولا شي اسولف مع صديقتي
أحمد بخبث:آهاا
شوي مد يده لورى وسحب جوال روان من يدها وهو يقول بضحك:ممكن شوي بس
روان بضحك:هههههه حمود رجعه احسن لك
أحمد وهومندمج يقرى المحادثه:دقيقه بس اشوف وش عندك
روان انقهرت وهمست لفهد بإذنه من ورى:فهود حبيبي عطني الجوال منه
فهد ضحك على اسلوبها وسحب الجوال من أحمد وعطاه روان
أحمد طالع بفهد وقال بصدمه:يلعنك يالنذل
فهد ضحك وقال:شكلك نسيت اني موجود
احمد بضحك:لا وربي الا نسيت اني صرت نسيبك
فهد:هههههههه
احمد قرى كلام رغد لروان وفيه ضحكه بس ما يبي يتفشل
شوي وقفو بإشاره ووقف انور جنب سيارة احمد اللي يسوقها فهد وروان كانت تطالع من الشباك وشافة ليان وهي ترضع رضاعتها ومسرحه وقالت بسرعه:فهد
فهد:هلا
روان:عادي لو تجيب ليان
فهد لف وطالع بليان وقال:زين نجنب الحين واجيبها
انبسطت روان وفهد اشر لأنور انهم يجنبون واخذ ليان منهم واغراضها واعطاها روان
ليان اول ما شافت روان ابتسمت وصارت تقول بفرح:رورو
روان ضحكت وحضنتها وهي تقول:حياتييي
...
مر اليوم وهم بالطريق ووصلو للشرقيه وكانت الساعه 12 الليل
أستأجرو لهم فندق وأنخمدوو كلهم