في عـــــام 1425 هـ _ 1426 هـ

كانت اللحظه الحاسمه والفيصل في الموضوع ,,,

{ كانت اختبارات الثانويه العامه ....

طبعا انواع الربكه ,,, القلق ,,, الاستهبال من جهتي محدثتكم
والصرامه والجد من جهه ابوي خخخخ << كل يوم داخل علي بكتب تبسيط وارقام مدرسات خصوصيات
وانا لا حيـــــــــــــــاه لمن تنادي ,,,
جد ذيك السنه مدري كيف عدت على خير ,,, جاتني لا مبالاة ماحصلت لاحد ,,
سبهلله ,,, كل اوقاتي كانت مزح بمزح والجد شاطبته من قاموسي ,,
مع اني كنت علمي ويبغاله هز اكتاااااااف على قولهم
بس كنت فالتها ,,, او على قولهم ابغى اعيش اخر ايامنا سوا انا واختي بغرفتنا
لان كان باقي على زواجها اقل من شهر ,, وطبعا خساره كبيره جـــــــدا بالنسبه لي
بس كنت اعامل نفسي كأني انا العروس من كثر اني ماودي استوعب انها بتروح لبيتها
وما تصير معايا بالغرفه ,,,,, كنت دايم معاها بالسوق ,,, لا وايام اختبارات
مدري ابوي كيف سكت لي ؟؟ لحد الان ودي القى اجابه ههههههههههههههه
كنت عين عالكتاب ,,, وعين على مقاضيها وش اشترينا وش نسينا وش بقي
ودوووشه وانواع الربكـــــــــــــه ,,,
الحمد لله اخذت لي خصمه معتبره من ابوي ,,, وهجدت والتفت لعمري >> وياليت بفايده اقول انثبري بس
بديت اذاكر واستوعب حجم المشكله والربشه اللي انا فيها
سهرت ,,, ذاكرت ,,, ووكلت امري لله ,,,
عدت الاختبارات على خير ,,, بس تركت لي انا واختي احلى الذكريات ,,,
مممممممممممم
بدت الاجازه ,,,,واول ناس يشترون الجريده ( عائلتي الموقره : )
وبعد انتظار دام قرابه الاسبوعين


طلعت النتيجه ,,,,,,,,
ناجحه ,,,
جيد ,,
79,77%
انواع الفشيله ,,,
ومدري وين اودي وجهي من ابوي ,,, امي طيبه بلعتها وسكتت
ولكن من حسن حظي انه بدا العد التنازلي لزواج اختي والكل مشغووووول
واولهم انا ,,,,
مر من الاجازه يمكن شهر ,,, والحمد لله تزوجت اختي ,,, وفرحنا فيها
وجفت عنووووني من الدموع ,,, وجاتني حاله نفسيه مايعلم فيها الا ربي
<< اتوقع اكتئــــــاب
جد عااانيت ذيك الفتره ,,, لقطت نص اخواتي من غرفتهم ورصيتهم ينامون جنبي
بس برضوا ما غطوا مكانها ربي يسعدها ويوفقها ويخلي لها التحفتين حقينها : )
المهم بعد اسبوع من زواجها
كان موعــــــــد التسجيل بكليه التربيه للبنات بجده ,,


وهنـــــــــا جد تورطت ,,, وكأن احد صب فوق راسي مويه مثلجـــــــــه




يتبع >>>>>>>>