منتديات كلك غلا - عرض مشاركة واحدة - ما ابي مْن العز .. غير اللي تحت "رجليك" قمه

#1 03-29-2010, 11:35 AM

ما , مْن , اللي , العز , ابي , تحت , رجليك , غير , قمه

ما ابي مْن العز .. غير اللي تحت "رجليك" قمه

هذا ماهو شيب .." لا تبكين " ماهو شيب يمه
................ لا يهوّلك منظره في راسي وتبكين .. عادي !
لا يغرّك لونه الأيبض .. ولا يفجعك كمّه
................ صدقيني ماهو من الشيب هذا اللون بآدي
تذكرين .. اصابعك لما تبعثره وتلمه ؟
................ يوم كنت اوسده رجلك .. واروّض لك عنادي
كل ما مشيتي اصبع بين شعراتي تشمه
................ لين صارن بيض من كبر الغلا وطهر الأيادي !
شرّعي لي حضنك الممطور بـ المسك ابخمه
................ خمةٍ تبرا بها روحي من جروحي .. وَ انآدي
ما ابي مْن الناس .. غير اذكارك وريحتك لمه
................ ولا ابي مْن النور .. غير سراجك اعلن به حدآدي
وما ابي مْن العز .. غير اللي تحت "رجليك" قمه
................ ولا ابي مْن الأرض .. غير جلالك اعلن به بلادي !
ودي ارجع "طفلك المغرور" واللي كان همه
................ يصعد اطول نخله.. وَ يشرب من حثال العوآدي
يغسل نعاسه بـ اذان الفجر ، واصوات الأئمه
................ ويونْس الشيبان لا رتّل لهم : ( قُل يا عبادي )
ويسرق اول خبزه لصاجك ويخفيها بفمه
................ قبل ما يصحى حدا اخوانه .. ويحتد التمادي !
طفلك : اللي ذنبه انه ما غسل بـ الدمع كمه
................ لين صار الكم الابيض من بطا دموعه رمادي !
ما يخاف الا : بكاك ، ودعوتك : ( حمىً تحمّه ) ..
................ لا ركض جنب القليب وسمع نبضاتك تنادي
ولا كشخ بشماغ ابوه وشفتي الانظار يمه
................ تغصبينه, يشرب "القروه " بخوف ٍ لا إرادي !
ودي امسح دمعة ( استاذي الفلسطيني ) واضمه
................ لا بكى في حصة التاريخ من ظلم الاعادي !
واعتذر له عن سخافة جيلي وخذلان الامه
................ واتعلم منه كيف اروي يقيني بـ اعتقادي
واسأله ليه المجاهد عندنا مهدور دمه ؟!
................ ومن ربط حدوتة الإرهاب بـ الفكر الجهادي ؟!
وليه نسمع بـ ألف دعوة صلح مع راهب وعِمه
................ والف خنجر يشهر بوجه المطوّع في بلادي !
ودي ارجع طفل .. بعض عيوبه اجمل من شيمه
................ يوم كان اصغر رفاقه عمر .. واكبرهم مبادي
ودي افتش بـ تاريخي عن احلامي المهمه
................ قبل ما تهزم جيوش اليأس صبري واجتهادي !
ودي اوشي بحزني الحاضر لماضيّي وانمّه
................ يمكن انقذ جمرة سنيني من الموت برمادي
بس وشلون اقدر ارجع ؟ ليه ماقلتي لي يمه !
................ ليه ماقلتي لي ان الشيب مشتاق لسوادي ؟!
ليه فهمتيني ان الخوف من بكره مذمه ؟!
................ ليه خليتيني اكبر واحمل ذنوب اعتدادي ؟!
وين اعيّن خير يمه ؟! والأمل من غير يَمه !
................ الحطب يـ يمه قليّل وبرد الليل سادي
كل ما غرست غصني سال في الحرمان دمه
................ واشعر اني وردةٍ مزروعة في بطن وادي !
وانا والله ، ما رضيت بـ هالعنا من قلّ همه
................ ولا كبا غير الدروب .. اما انت وافي يا جوادي !
احمد الله جاعوا عيالي وانا شبعان ذمه
................ ما زرعت الا الوفا والناس تاكل من حصادي !
ما عرفت الا يـ خآل لخاله وعم ٍ لعمه !
................ يوم ما ياسع هموم القوم غيرك يـ شدادي
وانتي يُمه .. لو بكيتي شيبي وهوّلك كمه
................ قلت يُمه : ماهو من الشيب هذا اللون بادي ( :
تخبرين الثلج لا منه تكدّس ( فوق قمه ) ؟!
................ هذا ثلج , وراسي القمه .. ولا تبكين عادي

م / نــــقول لعيونكم

الموضوع الأصلي: ما ابي مْن العز .. غير اللي تحت "رجليك" قمه || الكاتب: أنفاس الورد || المصدر: منتديات كلك غلا

https://www.klk-gla.com/vb

كلمات البحث
العاب ، برامج ، سيارات ، هاكات ، استايلات

أخر 5 مشاركات أنفاس الورد
المواضيع	المنتدى	المشارك الاخير	الردود	المشاهدة	آخر مشاركة
أمر ملكي بإعفاء وزير الصحة من منصبه	๑۩۞۩๑ الأخبار والأحداث ๑۩۞۩๑		7	4813	02-18-2013 01:26 PM
الكِل صَايَر يَفقِدكْ ..!	๑۩۞۩๑ نـبض الـخواطر ๑۩۞۩๑		9	4286	01-25-2013 04:21 AM
قهوه على الحائط♡	۩۞۩عـام .. مساحه حره ۩۞۩		6	3907	01-04-2013 09:22 AM
عطرك انفاسي والالفية السابعة عشر مليون مبروووك♡	๑۩۞۩๑ نقطه بدايه ๑۩۞۩๑		10	5451	12-13-2012 07:19 AM