تجيني كل يوم وتقول: عرفت إنه خطيب جانـــي؟!
تقولهـا بصوتها الرنان اللي عشقته رغــم كتمـاني
عشـقت في صوتها نغماته لحـن ماله مثيـل ثــــاني
عجـز بتهوفيـن ومـوزار بكـل مـا لْهُــمْ مــن ألحانِ
يجــو بألحــان تشــبه صوتـها وتحرك فيّ وجداني
ســعيدة هــي بالخطّــاب وأنـا أتحــرق بنيرانــــــي
وأحــاول إنــي أســـكّتْها أو أنقلهـــا لكـلام ثانــــي
أنـا مـا احـب تذكـر عندي عَ لسـانها أحـــــد ثانـــي
أنا أتمنى العمى لعيني ويا ليت لو تطرش آذانــــي
عشان ما أشوف فرحتها ويزيد ما اسمع بأحزاني
أنا أشـهد ثوبهــا مـو بثوبــي ولا ألوانهــا ألواني
وأنا أدري إنّ الفــرق واجد ثقــافة وحســن فتّـانِ
وفـوق الزيـن طيــب أخـلاق وحُلـْم وطلاقـة لسانِ
وحقيقي أتمنى لو أرحل وما أعود أشوفها ثانــي
أعيش مع لوعتي وشوقي وصمتي ودمع حرماني
أنا أدري صعب عليّ أنسى..وسهل عليها تنسـاني
ولكـن الهــــوى يا صــاحبي ما هـــو بيــد إنسـانِ
وسلامتكم
السكوت من ذهب
(عابر سبيل - Subhi951العموري)