منتديات كلك غلا - عرض مشاركة واحدة - أبيك في درب المحبة تخاويني للكاتبة الدكتورة غادة

09-15-2025, 05:43 AM

الجزء(25)

دق التلفون في بيت ام علي و محد حوله .. فطلعت ملاك وردت
ملاك: الوو
ام نواف: السلام عليكم ...شلونك ملاك
ملاك: وعليكم السلام ... والله بخير انتي شلونك وشخبارك
ام نواف: كلنا بخير و الحمدلله .. شلون الاهل و الشغل
ملاك: ماشي الحال
ما صدقت ملاك انها ردت على خالتها فسألتها عن نواف
ملاك: شلون مشاعل .. و نواف
ام نواف: مشاعل شوفيها نايمه بعد سهر الليل , و نواف الحمدلله مستانس مع زوجته
ضاق صدرها يوم سمعت كلام خالتها .. غريبه تقول انه مستانس يعني حياته ماشيه تمام وما اثر فيه شئ ولا تغيير .. معقوله كل اللي سويته و دفعته ما فاد ولا جاب نتيجه ..
صحت من هواجيسها بطلب خالتها
- عطيني امك اذا هي حولك
نزلت السماعه وراحت تنادي امها و بعدها دخلت لغرفتها متضايقه حدها و تتمنى بس تسمع أي شئ يخص نواف بيين اثر عملها فيه .. صبرت نفسها بكم كلمه وان العمل توه يمكن يتطور مع مرور الايام.

***********************

في بيت ام سلطان .. هديل قاعده بالصاله و قدامها التلفون و حولها جرايد و دفتر و قلم .. نزلت هند فمرت المطبخ صبت لها عصير و لهديل وطلعت فيه تقعد معها تسولف شوي و تبعد التوتر عنها
هند: وش تسوين تبحثين عن وظيفه ولا بيت
هديل: لا .. قاعده أأكد على المطربه و شلتها من الطقاقات على يوم العرس و المطعم علشان العشا و الكوافيره
هند: ماشاءالله عليك .. طيب وش صار
هديل: الحمدلله كل شئ تمام .. لزمت عليهم لا يتأخرون و يجهزون كل شئ علشان لا نتورط يومها
ابتسمت هند لحرص اختها عليها و اهتمامها الكبير لـ حفله زواجها
هند: الله يخليك لي وما يحرمني منك
كبر راس هديل و مدت يدها اليمين قدام وجهه هند و مقلوبه .. استغربت هند من الحركه وما فهمت وش تقصد اختها
هند: خير وش تبين .. اضافرك حلوه و يدك ناعمه وش بعد
هديل: بوسيها .. انا الليدي
ضربتها هند على خفيف و قالت: وخري بس .قال بوسيها , انتي تستاهلين بوسه على الراس
و قامت قرب منها وحبت راسها .. بهاللحظه نزل سعود وشافهم
سعود:اووووه الجده هديل عندنا ... كيف الحال
كملت هديل التمثيليه و مثلت دور الجده ..قالت
_هااااااه وش قلت ما اسمع
علا سعود صوته: كيف الحاااااااااااال
هديل: تونا ما كلينا ...
ماتت هند ضحك عليهم و خفه دمهم
دخل سلطان توه راجع من صلاه العشا ..سلم و محد رد عليه الا هند اما سعود و هديل مشغولين بتمثليتهم
سلطان: وشفيهم هذول ... طار على عقلهم فجاءه
هند: لا تفوتك مسلسل " سعيدان و جدته"
سلطان: خلوا عندكم الهذره .. يالله انت ما خلصت ترا بروح اخليك
سعود: الا خلصت يالله مشينا قبل لا يشوفنا علي و ينشب لنا
هديل: على وين
سعود: سر .. اذا كبرتي تعرفين
هديل: يا شينكـ ...لا من جد وين رايحين
سلطان: طالعين نفلها مع عيال خالاتك .. تبين شئ
هديل: يا حظكم ... لا ما ابي شئ

طلعوا سلطان و سعود و كانوا متواعدين مع احمد و عبدالرحمن وعلي يطلعون للبحرين يغيرون جو ..

*********************************
كلم نواف لميس و قالها تتعشى عند اهلها لانه بيتأخر .. فارتاحت من طلبه حتى تقعد مع امها اكثر و تشكي لها
حست ام لميس ان بنتها فيها شئ و اكيد من حياتها مع نواف فسألتها
_ كيف نواف معك
رجعت الاحداث للميس و تذكرت ليله اليوم المشؤوم و صراخ نواف و انهيارها في البكا
لميس: ااااهـ يا يمه , تعبت
ام لميس: ليش وش صار بعد تكلمي
تشجعت لميس و قاومت دموعها و حكت لامها القصه من بدايه الليله يوم كان هادئ و راضي الين ما طاحت على الارض تبكي بين كسرات الصحون و الزجاج.
ام لميس: حسبي الله و نعم الوكيل... ما صارت هذه معقوله نواف يسويها و اللي يشوفه يقول رجال عاقل و حنون ما توقعته بهالعجرفه و القساوه
لميس: يمه هالانسان غريب وان كان بيضل طول عمره كذا انا ما اقدر اعيش معه
ام لميس: لا تقولين كذا انشاءالله بيتعدل و تكملون حياتكم مع بعض ... لا تحطين في بالك فكره الانفصال ترا الموضوع مو سهل و صعب لدرجه ما تتصورين
لميس: وش اللي صعب فيه اني بصير مطلقه وانا ما كملت سنه من زواجي ولا عندي عيال .. عادي مو اول وحده
ام لميس: لا لا ما ابي اسمع منك هالكلام ... بعيد الشر عنك .. بس انتي اصبري و حاولي وربي ما بيضيع تعبك
لميس: ما اظن .. هذا انسان خالي من الاحساس و مزاجي و غريب
ام لميس: اسمعيني زين .. اذا طالت السالفه و تمادى اكثر بضرب او غيره علميني علطول علشان يكون تصرفي معه ومع امه شئ ثاني ... ما اخبرها عبير مقصره في تربيه عيالها بس الزمن يغيير الناس ... الله يعينك يمه

الكل يلوم نواف بتصرفاته و احاسيسه الميته وهم ما يدرون انه مو بارادته و رغبته يوم يسوي هالحركات الغريبه .. و المسكين هو نفسه يعاني من ضيقه و كره لنفسه و قليل ما يرتاح او يضحك بعكس اول .

********************************
انتبهت مشاعل على صوت اخوها فهد و هو يتكلم بس ما تدري مع مين .. راحت بجهته وما شافت احد حوله و مستمر في الكلام
فهد: روحي عني يا غبيه ... وخري
قربت منه اكثر وسالته
_ فهوود وش تسوي ؟
فهد: شوفي هالنمل الكثير يطلع فوق رجولي و ما يروح
مشاعل: وخر عنه لا تقرب منه
فهد: بقتلهم اخاف يدخلون غرفتنا انا و دحووم
مشاعل: قلت لك خليه تعال
مسكت يده و نزلت معه و بطريقهم شافت امها
مشاعل: يمه شوفي صرفه مع هالنمل .. للحين ما راح
ام نواف: يصير خير ... زاد عن اول ولا نفسه
مشاعل: مدري عنه سحبت فهد و نزلنا ... شكله يقرف

راحت ام نواف من عندهم متجهه لغرفه نواف ...يوم وصلت شافت النمل خف عن اول بكثير .. فخلته و راحت تشوف شغلها..

*******************************************
ملاك: هاه ابوي لقى بيت
ام علي: لا و الله للحين ما لقى .. مدري وش بنسوي بكره السبت و اغراضنا شوفيها كلها محتاسه .. والله ابوك ما سوا فينا خير بهالنقلات كل بعد فتره
ملاك: ما كلمتي جدتي؟
ام علي: بكلمها وش بقولها ... و الله حنا مطرودين من البيت و ما لقينا بيت يضفنا ترا بنسكن عندك لين نلقى ... والله فشله غير كذا خواتي وش بيقولون
ملاك: اوووف من هالعيشه ... دنيا اعوذ بالله منها ومن ناسها
سمعوا صوت ابو علي يتنحنح ..
ام علي: لا تجيبين له طاري علي و روحته للبحرين تعرفينه بيسوي لنا محاضره
ملاك: اصلا انا قايمه لغرفتي مالي خلق لشئ

قامت و تركت امها تقابل ابوها و سخافاته .. خبرها بضروره تسليم البيت بكره و هالقش حقهم لازم ينقلونه لبيت جده العيال .. جالس يتكلم ولا يفكر بالعواقب و الاشياء اللي بتصير من ورا افعاله السخيفه و قراراته البطاله .. بس يجي يخطط و يامر و على الباقي ينفذون كأن ما في بالدنيا الا هو .

**********************************
مر الوقت و انتصف الليل .. بس قبل لا تدخل ام خالد غرفتها و تنام .. دق التلفون وكانت بنتها ام علي ..سلمت عليها و خذت اخبارها وهي متفشله ما تدري شلون بتفتح معها الموضوع .. فحست ام خالد ان بنتها فيها شئ و اتصالها هالوقت ما يجي كذا .. يوم سالتها عن طلبها استسلمت ام علي و قالت كل شئ و هي تتاسف و تعتذر
ام خالد: الله يحيكم و ان ما شالكم البيت ابشروا بشئ احسن منه ... يا نوره لا تتاسفين و تستحين ترا حنا اهلك ومالك غيرنا ... خلاص بكره الصبح انشاءالله اقوم بدري و ارسل السواق مع الونيت يروح ياخذ اغراضكم و انتوا تتفضلون وقت ما تبون .. ولا تشيلين هم في الجناح الثاني اللي على اليمين يوسعكم اخلي الخدامات ينظفونه لكم
ام علي: الله يعطيك العافيه يمه ويبارك بعمرك ويخليك لنا .. تسلمين والله
ام خالد: الله يبارك لنا كلنا ... انتي لا تشيلين هم روحي نامي و بكره يصير خير

سكرت منها وهي مرتاحه نوعا ما ان امها ما علقت على زوجها ابو علي او قطت كلمه او شئ .. و رحبت فيهم بسعه صدر بس اكيد الباقي مابيسكت و اولهم ساره ..

*********************************

صباح السبت قامت لميس من نومها يوم التفت للجهه الثانيه ما لقت نواف جمبها على السرير و شكله قام قبلها ..
بعد ما غسلت طلعت لاكن ما لقت له اثر في البيت فدخلت المطبخ تسوي لها كوب شاهي و ساندويتش , الا سمعت صوت تسكيره الباب كان توه جاي من برا .. استغربت من طلوعه في هالوقت من صباح الله و وقت دوامه مو الحين
دخل و سمع صوت بالمطبخ عرف انها هي .. طل براسه و صبح عليها
لميس: صباح النور
لف بيمشي الا وقفته بسؤالها
_اسوي لك فطور
نواف: لا فطرت
بعد ما سوت لها الفطور طلعت و قعدت معه بالصاله
قال نواف: ابشرك وافق المدير على نقلي
لميس: الحمدلله
نواف: بس بيكون في سفرات لاكن اقل من أول .. اريح لي ولك
سكتت لميس ما عقبت عليه فالتفت عليها و قال
_ ولا شرايك
لميس: الا اريح

تغييرت لميس شوي من بعد رجعتها من بيت امها و صارت اكثر جديه معه و برود مع ان قلبها يعورها على حالتهم وما ودها اللي يصير بس مجبوره .
********************************************

من ذا اليوم بدت اجازه ساره و مدتها اسبوع تريح فيه ..
تم نقل ام علي و عيالها لبيت الجده و بعض الاغراض نقلوها .. فصار البيت مليان غير عن اول و الجده فرحانه بوجود احفادها حولها , عيال ولدها و بنتها ..
وقت الغدا السفره مليانه و طويله .. وام خالد بدورها ما قصرت لهم شئ
الضيق باين على وجهه ساره وهي بتقعد على السفره
_ وش هالاكل كثير مره .. نهايته بينكب ونخسره
ام خالد: بالعافيه علينا ... يالله سموا بالله

حست ام علي ان اختها ساره متضايقه من وجودهم و كأنهم مثقلين عليها و مسوين زحمه .. على انها قاعده ما تشتغل في البيت يعني مرتاحه بس كذا قساوه قلب ما تبي احد يضيق عليها بالبيت.
***********************************

دخلت هديل على هند لقتها تكلم بالجوال و وجها احمر .. علطول عرفت من تكلم من الفضول الزايد سكرت الباب و قعدت جمبها تنتظرها تخلص و تاخذ منها الاخبار
ارتبكت هند من دخول اختها و استحت شوي , فقامت من مكانها و اتجهت للشباك تناظر على برا حتى تخفى وجهها عن هديل و قصرت صوتها وهي تتكلم
تركي: زين حياتي تامرين على شئ ماشيات
هند: ابي سلامتك و انتبه لنفسك زين
تركي: تخافين علي
هند: انت روحي اكيد بخاف عليك
تركي: فديييتك .. الله يخليك لي يارب
هند: ويخليك لي
تركي: زين ما اعطلك و طمنيني عليك اوكي
هند: اوكي ..
تركي: مع السلامه
هند: هلا والله مع السلامه .

نزلت الجوال من اذنها و سكرته ما امداها تلف الا جاها صوت هديل
_ ياهوووووو ما اقدر انا ما اقدر .. قيس و ليلى يا عيني بس
هند: يا سخفك , بعدين وش عندك مرتزه هنا و تتسمعين ما تدرين ان التنصت عيب
هديل: انا ما اتنصت دخلت وانتي تكلمينه يعني مو من وراك قاعده اسمع ... المهم شلونه
هند: بخير
هديل: دووم انشاءالله
هند: وانتي وش دخلك فيه ..هيه اعقلي
هديل: يعني تغارين هاااه .. تغارين << قالتها وهي تغمز لها و تناظرها بنص عين
هند: أي اغار عليه حتى من النسمه .. فديت قلبه يهبل
هديل: يا ذا الحب اللي عذب قلوب العذارى ..عقبالنا يارب نحب و يصير بحياتنا شخص نغار عليه
هند: الله يرزقك .. المهم جايه وش تبين هاتي من الاخر
هديل: ما ابي شئ كنت بشوفك اذا تحتاجين شئ و اسليك ادري انك خايفه و متوتره لان ما بقى شئ على زواجك
تنهدت هند: اااهـ .. وانتي الصادقه ساعات افرح و ابي اليوم يمر بسرعه وساعات اخاف من يوم الزواج .. يارب يعدي على خير
هديل: انشاءالله .. بس انتي لا تشيلين هم مره ريحي بالك .. وكل شئ بيكون تمام دام اختك هدوله موجوده
هند: هههههههههههههه الله يخليك لي

***********************************
بعد هاليوم .. استمر حال بيت ام سلطان من تجهيزات لزواج هند ..
و في بيت الجده ام خالد قاعده بين عيالها و احفادها بفرح و راحه بال , لاكن هناك بعض التوتر و القلق من ام علي بخصوص الايام الجايه و ما تدري ان كان بيلقى زوجها بيت مناسب ينقلون له .. ايضا ساره متضايقه من وجودهم و ازعاجهم لانه زاد بجمعه عيال اخوها خالد و اختها نوره , زياده على كذا متضايقه كل ما ذكرت حمد و تصرفها معه و تندب حظها و تلوم نفسها على افعالها في الماضي.
لا جديد في حياه نواف و لميس , مستمر حالهم على الهدوء و البرود و نوبات الغضب و العصبيه تمر على نواف لفترات متباعده و قصيره لاسباب تافهه وكل ما فكرت لميس فكره انها تنفصل عنه يرجع لها كلام امها و تتذكر نصيحتها لها بان تصبر اكثر .
سيف العاشق المسكين للحين متعلق بمشاعل و يفكر فيها بس يعيش بحيره ما يدري هل هي تفكر فيه او ان بحياتها شخص ثاني تفكر فيه و هو ما عملت له حساب .. كم مره يحاول يجس النبض من اخته شمس لاكنها ترده و ما تعطيه وجهه و جواب كافي لاسئلته .

*****************************************

انتهت الاجازه نصف السنه و الكل رجع لدوامه و شغله للمره الثالثه بعد اجازه العيد .. بدوا المدارس و الجامعات مواد و دروس الفصل الثاني بكل حماس.
سافرت هند و تركي شهر العسل لـجزر المالديف يقضون فيه بدايه حياتهم الجديده .. كانت السعاده تغمرهم و الراحه النفسيه و الرضى .. ما توقعت هند انها تتزوج واحد يكون بهالقلب الابيض و الطيبه ولا فكرت بان تركي بهالمشاعر النقيه و الاحاسيس ..
سكرت هند التلفون بعد ما كلمت اهلها بالسعوديه و كان تركي توه طالع من الحمام بعد ما تسبح ..حاط المنشفه حول رقبته و شعره مبلل
شاف البسمه على وجهه هند فسألها عن السبب
_ وشفيك لا يكون تضحكين على شكلي .. اوريك يا هنوده
هند: هههههههههه لا من قال بس توني كلمت اهلي و يسلمون عليك
تركي: اها .. اخبارهم وش مسوين
هند: الحمدلله كلهم بخير ..لهم وحشه والله
تركي: وانتي الصادقه كل السعوديه لها وحشه
قرب منها و حط عينه بعينها وقال
_بس دامك انتي معي كل شئ يهون .. انتي دنيتي
استحت هند حمر وجهها و ناظرت تحت للارض
كمل تركي : يا حلووو اللي يستحون فديت هالخد الاحمر
و ضغط على خدها بنعومه و هو يضحك بخفه .. ضحكت معه و هي تنزل يده و تبوسها
هند: يا قلبي انت

*************************************

بعيد عن رومانسيه هند وتركي و هدوهم .. ازعاج ساره بصوتها العالي و صراخها
ساره: يعني لمتى هالعيشه الواحد ما يقدر يرتاح في بيته و ياخذ راحته بكل جهه القى ناس..اووف ياربي
ام خالد: وش قله الادب هذه ..صاحيه انتي و لا مجنونه هذول اهلك و ما اظن في صاحي يرفض اهله و يكرههم لو قاعدين فوق راسك ذيك الساعه تكلمي
تكلمت ان علي تهدي الموضوع: خلاص يا جماعه ترا ما تسوى .. ساره لا تتضايقين اكثر كلها يوم او يومين وحنا طالعين ..
ام خالد لـ بنتها نوره : ما عليك منها انشاءالله لو تقعدون سنه .. مالها دخل تنطم و تسكت
تنرفزت ساره من كلام امها و تفشيلها قدام الكل فلقطت وجهها و طلعت لغرفتها ..
بعد ما اختفت عنهم التفت ام خالد على نوره و قالت
_ اقعدي يمه ما عليك منها مجنونه ولا على المجنون حرج , البيت بيت الكل و الله يحي الجميع اسمعي و طنشي لا تشيلين بقلبك دامي موجوده محد يفتح فمه ويتكلم
ام علي: الله يخليك لنا يا الغاليه .

الحمدلله ما كانت ملاك موجوده بهاللحظه و سمعت كلام خالتها كان بتتكلم وتطول لسانها على خالتها و يمكن تصير مشكله كبيره لان ملاك ما تسكت عن شئ و أي شخص يسبها او يدوس على طرفها تقلب الدنيا عليه و تقعدها .

**********************************

بكل انوااع الطفش و الملل اللي حل على هديل , مرت على غرفه هند فتذكرت ايام وجودها و سوالفهم مع بعض و الضحك و الهواش احيانا .. رجعت بها الذكرى و تمنت بالفعل ترجع لهم ويرجعون مثل اول .. وقفت عن التفكير يوم سمعت اصوات اخونها تحت بالصاله مع امهم فنزلت تقعد معهم شوي
سعود: انا ملللليت من هالدراسه عيت تخلص اووف ياربي
ام سلطان: يالله ما بقى لكم الا كم شهر و تخلص السنه اهم شئ شد حيلك لا تتراخى في الاخير
سعود: يارب تمر الايام بسرعه .. و الله يستر
لف سلطان على هديل لقاها على غير عادتها هاديه
سلطان: غريبه ام الشباب هاديه اليوم وش الطاري
ردت هديل ببرود و وجها على التلفزيون: ما فيني شئ
سعود: لا تكذبين باين من عيونك
سلطان: هاتي لاشوف اخبارك مين مزعلك واخلى سعود ينتف شعره
الكل:ههههههههههههههههههههï؟½ ï؟½
الا هي ما ضحكت واكتفت بنظره بارده رمتها عليهم و تنهدت
سلطان: لا لا شكل الامر كبير ..وشفيك يا بت
هديل: قلت ما فيني شئ
ام سلطان: خلو اختكم لحالها انت وياهـ .. قالت لكم ما فيها شئ
حست بالعبره تخنقها من الضيقه و الطفش و اللي حولها مو حاسيين فيها ..قامت بسرعه علشان ما تنفضح قدامهم , وهي طالعه قال سعود
_ على وين .. توك نازله ما تهنت غرفتك بفراقك
لفت جهته و قالت بصوت عالي اشبه بالصراخ
_ اووف منكم محد يحس مدري شلون عايشين في هالبيت بدونها و تضحكون بعد
نزلت دمعه على خدها بسرعه مسحتها وكملت طريقها قبل لا ينزلون باقي الدموع و هم وراها مستغربين من حالتها و اعصابها المشدوده هالايام .. استوعبت ام سلطان ان هديل فقدت هند مره و ماتعودت على بعادها و عيشتها بدونها
قال سلطان: وهي صادقه فقدنا هند
ام سلطان: الله يرجعها بالسلامه يارب
سعود: يالله عاد لا تقلبونها مناحه .. شرايكم نطلع لمكان نغيير جو
ام سلطان: لا اقعد شف دروسك خلصت الاجازه و مافي لعب بعد اليوم
سعود: ساعه بس نطلع وبعدها ارجع لكتبي الله يهديك يمه ما صارت هذه تحرميني من الطلعه علشان الدراسه
ام سلطان: قال احرمك من الطلعه .. روحتك للمسجد و المدرسه وش تسمى دخله
سلطان: خلاص ولا يهمكم نهايه الاسبوع نروح للبحرين , بكلم احمد لو ما عنده شئ يجينا و نروح كلنا
سعود: اااي كلمه اليوم علشان يعمل حسابه , وانتي يمه كلمي خالتي عبير و قولي لها .
ام سلطان: بسم الله علينا وشفيك طاير .. لا تتحمس مره يمكن الناس مشغولين , انا بقولهم واشوف
سعود: لا انشاءالله بيوافقون .. و اوعدك ان وافقوا و سمعت الخبر الحلو منك احفظ ادله التوحيد كامله للدروس اللي خذيناها
ام سلطان: يعني للحين ما حفظتها و بتتجمع عليك
قام سعود بيطلع علشان لا تمسكه امه و سلطان بالمحاضرات و النصايح على الدراسه , قال وهو طالع
_ الا بس قصدي اراجعهم خخخخخخخخ .. سي يو
سلطان: اهنيك تعرف تصرف
ضحكت ام سلطان على حركات ولدها المجنون و خفه دمه .. شوي تذكرت هديل و حالتها المتغييره بعد سفر هند و ما توقعت ان هديل الجنيه بيأثر فيها غياب اختها و تضيق لبعادها .

******************************************

ثاني يوم بالجامعه .كانوا اسطل ناس بالمكان و عقلهم مفصول عن الخدمه وذلك بسبب سهرهم و كل وحده جات مواصله وما نامت و الساعه 11 يكملون 12 ساعه صاحيين
الضحك يعم المكان و بشكل هستيري و اشكالهم محششه كل وحده راسها يتحرك يمين ويسار من الضحك
الدموع مليانه بعيونه مشاعل و تحاول تمسك نفسها عن الضحك وتتكلم
_ شمس يا الدبه خلااااص والله بموت من الضحك
شمس: اهـ بطني اهـ ...هههههههههههههه كل ما اتذكر شكلها اضحك عيت تروح عن بالي ههههه
مشاعل: خاصا يوم طاحــ ...
انقطع كلامها بضحكتها و رجعوا يضحكون على اشياء سخيفه مرت عليهم اليوم .
****************************************

في مكتب سيف ..متضايق حده و طفشان , باله مشغول فيها و بشئ ثاني خاص بحياته يفكر له و متعبه التفكير .. يحس انه ضايع و مو قادر يرتب اموره و شكل حياته .. يتردد له كلام صديقه مهند
_ توكل على الله ولا تتردد و تنتظر اكثر يمكن تندم
تافف و نزل راسه على المكتب بتعب .. ثم فكر بشئ و حب ينفذه بسرعه بدون ما يدرس الفكره في راسه زين .. خذا جواله وكلم شمس

شمس: هههههههه ... لحظه هذا سيوووف داق علي
ردت : هلا خيو
سيف: هلا فيك .. لا يكون بمحاضره
شمس: لا برا .. شلونك
سيف: تمام .. اسمعي متى بتطلعين اليوم
شمس: امم والله مدري
سالت مشاعل: مشمش متى نطلع اليوم .؟
مشاعل: في ذيك الساعه .. رقم 1
يوم سمع صوتها فز قلبه و تلخبطت مشاعره , ما توقع يسمع صوتها على طبيعتها و استهبالها المعهود مع اخته .. قطع عليه افكاره صوت شمس وهي تقوله
_ الساعه 1 ..ليه في شئ
سيف: خلاص اجل بستأذن من الدوام وامرك لاني عازمك على الغدا و ابيك بموضوع
شمس:لااااااا الله يخليك ما اقدر اليوم ..من امس مواصله وراسي مصدع و مسطله مع التوحفه مشمش ..سيووف خليه مره ثانيه
تنهد سيف: طيب خلاص ..باي
استغربت من حركته صرامه اسلوبه و ضيقه صوته ..بس ما اهتمت كثير و قالت بنفسها اذا رجعت البيت و ريحت شافت وش فيه