منتديات كلك غلا - عرض مشاركة واحدة

01-11-2013, 12:26 AM

عند مكتب عبدالعزيز ...
سمر في الغرفة ومعها دكتورة نساء ... كلمها عبدالعزيز وهم واثقين انها ما بتتكلم وتستر على الموضوع ...
عبدالعزيز وتركي وعبدالرحمن وفوزية واقفين عند الباب وينتظرون بفارغ الصبر ... الكل على اعصابه ... ويدعي من قلبه انها تكذب ...
بعد فترة طلعت الدكتورة ووجهها ما يبشر بالخير ... نادت عبدالعزيز على جنب ...
عبدالعزيز: بشري؟؟
الدكتورة: للاسف يا دكتور ......
نزل عبدالعزيز راسه وضغط عليه يدينه بقوة ....
الدكتورة: الله يهدي بناتنا
عبدالعزيز: المهم ... مثل ما اتفقنا ما ابي احد يدري بالموضوع
الدكتورة: لا توصي حريص ... هذا واجبي اني ما اتكلم في شؤون عملي ... شلون لو الموضوع حساس بالشكل هذا

رجع عبدالعزيز لهم ووجهه ما يبشر بالخير ...
اول ما شافوه عرفوا الرد من غير ما يتكلم ...
فوزية انفجرت بكى ... عبدالرحمن غطى وجهه بيدينه ... تركي وقف وهو فاتح عينه ... وفجأة تحرك بعصبية ودخل مكتب عبدالعزيز وقفل الباب وراه ...
عبدالرحمن لحقه ... بس عبدالعزيز مسكه: خله يأدبها ... انا كنت ساكت لاني مو مصدق الموضوع ... وعندي امل انها تكذب ... بس في الحالة هذه بعد اذنك يافوزية ... تستاهل الذبح

مكتب عبدالعزيز ...
دخل تركي وهي توها تقوم من سرير الكشف وتعدل ملابسها ...
سمر وبقوة: مالها داعي حركتكم ... انا صارحتكم وقلت لكم من البداية .... انتوا كذا كأنكم تكذبوني
تركي باستغراب: لسه ما انهديتي؟؟؟ ما اتوقع ان في انسانة بوقاحتك هذه ... زننننننننننننننننننننا ... زنا يا سمر ... ومو بس فسق ... مجاهرة بالمعصية بعد؟؟؟؟
سمر: مو زنا ... انا بتزوجه!!
تركي: وتردين؟؟؟ بس الظاهر انك ما تربيتي ...
نزل عقاله من راسه ... وسحبها بقوة ورماها على السرير ... وانهال عليها بالضرب في أي مكان تطيح عليه يدها ... وهي تصرخ وتتأوه من الالم

بعد فترة ... ضرب عبدالعزيز الباب ... بس تركي من القهر وشدة الضرب وصراخ سمر ما سمع الباب ... ضربه بقوة اكبر ... سمعه وفتح الباب
عبدالعزيز: يكفي يا تركي
تركي: موتها على يدي
عبدالعزيز بحزم: قلت يكفي يا تركي ... خلها تطلع بسرعة
دخل تركي مرة ثانية وشافها مرمية على السرير وتبكي من الالم: تغطي مثل العالم واطلعي من هنا بسرعة
سمر وهي تمسك جسمها اللي تحسه تكسر من الضرب: ما ابي

تركي وهو يرفع العقال: شكلك ما شبعتي ضرب
قامت وقفت بسرعة ... تحس انها مو قادرة تصلب طولها من شدة الضرب ... بس مع هذا ما بينت انها منكسرة ... وبصوت عالي: والله لاوريك ... ان ما خليتك تندم على اللي سويته ما اكون سمر ...

طلعت من المكتب وكان عبدالعزيز واقف عند الباب ... اول ما شافها عطاها كففففففففففففففف ... من قوته انرمت على الارض ...
التفت على فوزية: فوزية ... اخذي هالمصيبة ووديها البيت ... وما تطلع منه لين نشوف لنا حل
فوزية وهي تبكي: اللي تامر فيه
راحت لها وسحبتها من الارض بعنف: قومي معي ... الله لا يوفقك ... الله لا يوفقك
سمر وهي متسندة على امها: مو كفاية اخوانك ... جاية تكملينها علي؟؟؟
مروا من جنب عبدالرحمن ... وهي ماشية رفسها بقوة ... بس امها كانت ساندتها وما طاحت وكملت طريقها مع امها وهي تغلي من القهر...