منتديات كلك غلا - عرض مشاركة واحدة

01-10-2013, 11:15 PM

حس بيد تضغط على يده ... التفت عبدالعزيز بسرعة ... ما كانت ضغطة ... كأن احد يتحسس يده ...
عبدالعزيز: منيرة ... تحرك
البنات كلهم وقفوا وراحوا جهته ...
عبدالعزيز: يبه فواز ... تسمعني؟؟؟
فواز: ........................................
عبدالعزيز: فواز ... ضغطت على يدي صح؟؟؟
فواز: .........................................
منيرة: يتهيأ لك يا عبدالعزيز
عبدالعزيز: لا ما يتهيأ لي ... حتى ما ضغط ... حرك صبعه على كفي بس
رؤى ما تحركت من مكانها ... يد ماسكة بفواز واليد الثانية مغطية فيها وجهها وتبكي ...
عبدالعزيز: والله متأكد انه تحرك
ليان: بابا ما نشوف شي
لينا: فواز تسمعنا؟؟؟
فواز: ...........................................
عبدالعزيز: انا متأكد ... روحوا نادوا الدكتور
طلعت ليان تبشر الشباب وتقول لهم ينادون الدكتور ...

عمممممممممممممممممممممممممممممممممممي
التفتوا كلهم لرؤى ...
رؤى: يحرك صبعه ... يحرك صبعه ... شوفه
ركضوا كلهم وراحوا لجهة رؤى ... وفعلا يحرك صبعه بصعوبة على كف رؤى الماسك يده
منيرة: الحمد لله يا رب ... الحمد لله يا رب
عبدالعزيز: فواز يبه ... فواز
الكل تجمع والكل موجود ... ما عدا نواف ... راح يشتري له كوفي ...
بدأ يحرك راسه شوي شوي ... بس عينه مغمضة ...
الكل عينه عليه ... دموعهم تجمعت في عينهم ... منتظرينه يفتح ويشوفهم ...
فتح عينه ببطء ... وهو يحرك راسه يمين ويسار ...
الكل: فوااااااااااااااااااااااااااااااااز
بدأ يحرك راسه بعصبية ... وكأنه في شي مو عاجبه ...
عبدالعزيز: فواز في شي يألمك؟؟؟
فواز على وضعه وهم مو عارفين ايش فيه ...
عبدالرحمن قرب منه: بسم الله الرحمن الرحيم ... بسم الله الرحمن الرحيم ... فواز يبه ... اذا في شي يالمك اضغط على يدي
فواز على نفس الوضعية ويحرك راسه بعصبية ...
وصل الدكتور: خير يا جماعة ... ليش متجمعين حوله كذا؟؟؟
تركي: ما ادري ... شكله متضايق من شي

اممممممممممممممممممممممممممممممممممممممممممممممممم مممممممممممممممم
اممممممممممممممممممممممممممممممممممممممممممممممممم ممممممممممممممممم
التفتوا كلهم ... الصوت طلع من فواز ...
تركي: شكله يبي يقول شي
عبدالعزيز: يبه فواز ... ايش فيك؟؟؟
فواز: اممممممممممممممممممممممممممممممممممممم
عبدالرحمن: شيل الاكسجين خلي الولد يتكلم
عبدالعزيز: ورئته؟؟؟
الدكتور: دقيقة ... (شاف كمية الاكسجين) ... ارفع الاكسجين ... واذا حسيت انه متضايق رجعه بسرعة ... رئته والاكسجين تمام
رفع عبدالعزيز الاكسجين ...
فواز: نننننننننننننننننننننــــواااااااااااااااااااااااف
عبدالعزيز: موجود ... موجود ... ولف بعصبية عليهم: بسررررررررررررررررررررررررررعة نادوا نواف
فواز على وضعه يحرك راسه بعصبية ...
منيرة والبنات مو قادرين يستحملون ... كلهم واقفين ويصيحون بقوة ...
عبدالرحمن: فواز حبيبي ... نواف بخير
فواز: وييييييييييييييييييييييييييـــــ ننننننننننننننننننننن ه
عبدالرحمن: خالد وتركي ينادونه ... ارتاح وريح نفسك ... صدقني هو بخير
ما كمل جملته الا والباب ينفتح بقوة ... ركض بسرعة وبعد المتجمعين كلهم ... وقف قدام اخوه وعينه على اخوه ...
تعلقت عينهم ببعض لثواني ...
رمممممممممممممممممممممممى نفسه جنب اخوه وهو يصيح ... وفواز يصيح وهو يمسح على ظهره

الكل تأثر من الموقف ... وجلسوا يبكون بقوووووووووووووووووووووووووووووووة
بعد فترة ...
حرك فواز راسه مرة ثانية ...
نواف بخوف: فواز فيك شي؟؟؟
فواز: مممممممـــــااااااااااااي
تحركت رؤى بسرعة وصبت له كاسة موية ... حطت يدها تحت راسه ... وقربت الكاسة من فمه ... مسك يدها يشرب ... بعد ما بل ريقه رفع عينه والتقى بعينها المليانة دموع ...
ضغط على يدها بقوة ... قرب يدها من فمه وباسها وهو مغمض عينه
رؤى هنا انفجرت بكا ... ونزلت راسها وباسته على جبينه ...
منيرة وصوتها ما يطلع من البكي: سلامتك حبيبي
لف عينه وشافها واقفة جنب رؤى ... ترك يد رؤى ومد يده ... مسكت يده ونزلت نفسها وباسته على راسه ... سحب يدها لفمه وباسها
منيرة ووجهها مو مبين من الدموع: سلامتك يا قلب امك
فواز: يمه ليش الدموع؟؟؟
منيرة: ما في احد يستاهل دمعي كثرك
فواز: يمه اذا تبين راحتي امسحي دموعك
منيرة وهي تمسح دموعها بظهر يدها: خلاص ..كل شي ولا انك تتضايق
لف عينه وشاف ليان واقفة جنبها وحالها مو احسن منهم ... ابتسم لها: واخيرا شفت دموعك يا ليان!!!
ليان وهي تبكي: اذا تبي تشوف دموعي بوريك اياها كل يوم ... بس لا تخوفني عليك
فتح ذراعه وهو يبتسم ... رمت نفسها وهي تبكي وهو يمسح على ظهرها ...
ليان رفعت راسها وباسته على جبينه ...
لف عينه وشاف لينا واقفة وجنبها خالد ... ابتسم لهم ...
لينا وهي تقرب منه ودموعها على خدها: ربي لا يحرمنا من ابتسامتك يا رب
ونفس الشي فتح ذراعه وحضنته لينا وهي تبكي ...
قرب خالد وبعدها: يالله لينا ... دوري ... تعبت وانا انتظركم
باسته لينا على راسه وبعدت وقرب منه خالد ...
خالد: سلامتك ياخوي
فواز: الله يسلمك ..
خالد: تكفى لا تعيدها
فواز: ان شاء الله عمي
تركي من وراه: احين انا اللي عمك ما تقول لي عمي ... وخويلد الدب تقول له عمي؟؟؟
بعد خالد وفتح الطريق لتركي ... اللي قرب منه ومسك يد فواز وضغط عليها بقوووووووووووووووووووووووووووووووووووووووووووووووو ووووووووووووة
تركي: رجعت لنا الحياة برجعتك يالغالي
فواز: تسلم ياعمي
تركي: يالله وسعوا لشيخة البنات والحريم كلهم
وقف على جنب وطلعت شهد من وراه ...
ابتسم فواز ومد يده لها ... قربت منه وباسته على جبينه وكتفه ...
فواز وبصوت مبحوح: بشريني ... تريك مأذيك؟؟؟ علميني فيه بس
تركي من وراها: حتى وانت تعبان وصوتك موطالع طوالة لسانك ما تبطلها ... لا وتريك بعد ... انا بتركي مو راضي هالمرة تريك؟؟؟
ضحك الكل ... وفواز ضحك معهم ... فجأة مسك جرحه وهو يكككككككككككككح بقوة
قرب منه عبدالعزيز ومسكه من كتفه: لا تضحك بقوة ... جرحك لسه ما برى
فواز تعلقت عينه بعين ابوه .. سحب يد ابوه وباسها: رضاك يبه
عبدالعزيز ودمعته نزلت: يرضى عليك ربي دنيا واخرة
دخل الدكتور عليهم: كفاية كذا ... خلونا نشوف شغلنا وبعدها ننقله للجناح واجلسوا هناك على كيفكم
عبدالرحمن وهو يطل على فواز: انا لسه ما وصل دوري؟؟؟ من الصبح وانا هنا واخر واحد اسلم عليك؟؟؟
فواز بابتسامته: واصل يا عمي واصل
عبدالرحمن وهو يبوسه: الحمد لله على سلامتك يا ولدي
فواز: يسلمك ربي ويخليك لنا
الدكتور: كفاية كلام يا جماعة ... شوفوا لون وجهه تغير
عبدالعزيز: تركي ... خذ البنات ومنيرة وخلهم ينتظرون بمكتبك على ما ننقل فواز الجناح
نواف: وانا بروح اشوف له جناح مرتب
عبدالعزيز: خذني معك
الكل طلع ... رؤى وهي تمر من جنبه ... مسكها فواز من يدها
لفت عليه وهي ما وقفت دموع ... الكل ضحك وابتسم مع فواز الا هي دموعها ماوقفت ...
فواز وعينه عليها: لا تتركيني
رؤى وهي تقرب من اذنه: اترك الدنيا كلها ولا اتركك ... بس الدكتور طردنا ... بنتظره عند الباب يطلع من هنا وادخل لك من هنا
ابتسم لها فواز ابتسامته المعروف فيها والكل يحبها ...

فحص عليه الدكتور ... واعطاه التعليمات وانه لازم ما يتحرك نهائيا ... ولا يتكلم كثير في البداية ... طلع الدكتور من هنا ودخلوا منيرة ورؤى من هنا
منيرة: ها يمه ... بشر؟؟؟ ايش قال الدكتور؟؟
فواز: جلس يتفلسف على راسي لين قال بس
منيرة: ههههههههههههههه هذا وانت دكتور؟؟؟
فواز: تصدقين وهو يتكلم افكر ... انا لما اعطي التعليمات للمرضى يقولون بداخلهم نفس الحكي اللي اقوله احين؟؟؟
منيرة: ههههههههههههههه الدنيا سلف ودين
التفتت منيرة على رؤى: رؤى يمه لا توقفين ... اجلسي
رؤى: ان شاء الله خالتي ... قعدت على يسار فواز ... مكانها من امس
التفت فواز عليها: لا تجلسين هنا ... تعالي للجهة هذه ( واشر بيده على الجهة الثانية )
سمعت رؤى كلامه وراحت للجهة الثانية ... جت بتجلس
: انتظري
فواز: يمه ... ساعديني شوي
( يبي يسحب نفسه عاليسار ويفضي جهة اليمين من السرير)
قربت منه رؤى تساعده ...
فواز بحزم: انتي لا ... امي اللي تساعدني
حزت الجملة في خاطرها ... بس سكتت وما علقت عالموضوع
ساعدته منيرة ونام على جهة اليسار من السرير
لف على رؤى واشر بعينه: تعالي اجسي هنا جنبي
ابتسمت رؤى ... وجلست على السرير في الجهة اللي فضاها لها ...
بس جلست رفع فواز راسه شوي ... وحطاه على رجل رؤى
رؤى دمعت عينها على طول ... وجلست تلعب في شعره ...
منيرة حست انهم يحتاجون يجلسون مع بعض لوحدهم ... قامت وقفت
فواز: وين يمه؟؟؟
منيرة: بروح اشوف البنات
فواز: يمه لا تتركيني
منيرة: مو تاركتك حبيبي ... بشوف البنات وارجع لك ... انتبهي له يارؤى
رؤى: ان شاء الله خالتي

فواز وهو على وضعه: زعلانة؟؟؟
رؤى: ازعل من الدنيا كلها ولا ازعل منك
فواز: وحشتيني
رؤى: انت اكثر
سكت فواز شوي: شلونه؟؟
رؤى باستغراب: مين؟؟؟؟
فواز: ولدي!!!
رؤى ابتسمت وهي تلعب بشعره: واثق انه ولد؟؟؟
فواز: اللي من الله يا محلاه ... اهم شي انك انتي امه
رؤى: ان شاء الله انه بخير
فواز: تكفين رؤى انتبهي له ... ولا تبذلين أي مجهود
رؤى: ما يحتاج توصيني يا فواز
فواز: شلون ما يحتاج اوصيك!!! وانا قبل شوي شفتك بعيني جاية تحركيني؟؟؟
رؤى: لااااااااااااا انت حالة خاصة
فواز: لا حالة خاصة ولاشي ... ما ابيك تتعبين معي ... يا كثر الممرضات ... موجودين وتحت الخدمة
رؤى بعصبية: قول كذا من البداية .. ما هميتك ولا همتك صحتي .. بس مبسوط ومكيف على الممرضات صح؟؟؟
فواز: ههههههههههههههههههههههههههههههههه
اييييييييييييييييييييييييييييييييييييييييييييييييي يييييييييييييي
رؤى بخوف: فواز ... سلامتك ياقلبي
فواز ووجهه معفوس: الجرح يألمني
رؤى: طيب انتبه لنفسك
فواز: حتى الضحك انحرم منه؟؟
رؤى وهي تمرر اصبعها بين عينينه وعلى خشمه: اهم شي اني ما انحرمت منك ... استحمل كل شي ... بس ترجع لي وانت بصحتك وعافيتك ... ربي يحفظك لي ولا يحرمني منك
سحب فواز اصبعها وباسه: ولا انحرم منك ولا من حنيتك يارب

دخل نواف ومعه عبدالعزيز ...
عبدالعزيز: ها فواز؟؟؟ بشر شلون الصحة
فواز بتعب: احسن الحمد لله
نواف: اهم شي تنتبه للجرح هاليومين ... لا تتكلم كثير ولا تتحرك ولا تضحك
فواز بنرفزة: عطوني منوم اذا كذا ... تبوني اجلس وانا مجابلكم وساكت؟؟؟
عبدالعزيز: فواز يبه ... هذه صحتك ... واذا انت ما حرصت عليها من بيحرص؟؟؟
رؤى: ما عليك منه يا عمي ... مو بكيفه ما يسمع الحكي
رفع عينه فواز وطالع فيها بنظرة: ..............................
مسكت رؤى ضحكتها وحطت يدها على عينه تغمضها: لا تطالع فيني كذا ... تخوفني!!!
فواز وهو يبعد يدها: دامك تخافين احترمي نفسك
رؤى وهي تضحك: يا ربي عليك ... انت طول عمرك ما تحب كثرة الحكي ... ايش صار هاليومين؟؟؟
فواز وهو يطالعها بنظرة: والله فيه ناس يحمدون ربهم اني ما اقدر اتحرك ... ولا صارت علوم
الكل: هههههههههههههههههههههههههههههههههههههههههههههههه