منتديات كلك غلا - عرض مشاركة واحدة - موضـــووع للمميـزين فقـط ( صـورهـ , وقصيـدهـ ) ...!

02-08-2011, 12:07 PM

بفارقك لوكان ما أخترت فرقاك
بفارقك وآنا فرجوى وصالك
البعد لو به خير ما كان خلاك
تقطع من عيون المحب إتصالك
ماأكثرك ف الصده وف الوصل ماأشواك
الكبر لله لا يغرك جمالك
خليتني للبعد والبعد قسّاك
خلاك تنسى واحد قد وفالك
سليت سيف الهجر كني من أعداك
وذبحت شوق الروح ش أللي جرى لك
العام ما تصعب إلى قلت بلقاك
واليوم من دون المواصيل هالك
منت بردي حسبي على الوقت ردّاك
غير صفاك وطيبتك واعتدالك
حاولت نسيانك وعييت لا أنساك
لا جيت أبنسى ذيب صدري عوى لك
لو أنك بترجع كثر ما آتمناك
ما كان ذا حالي ولا ذا بحالك
كثر الجفا وآنا أستغفر الله اشراك
حبك كفر بي لعنبو من صفا لك
خذاك مني البعد ما عاد بقاك
لكن على قول المثل مش حالك
تدري وش أللي يقتل الشوق ياذاك
لاني بولد عمك ولا ولد خالك
الشوق برد ودافي الوصل لقياك
وثلج الجفا خرب طريق اللقا لك
علمتني حبك وعلمني انساك
لو كان من دنياي مابه بدالك
تبغي تضيق خاطري جعله فداك
ماهوب أنا أللي يعاتبك في حلالك
طلبتني قلبي وأنا قلت لك جاك
والحين سو بخافقي ما بدا لك