مستعد , اخسر , اشوفك , تضحكين , حياتى

مستعد اخسر حياتى بس اشوفك تضحكين

مدخل




{اجمعي همك وقلبي حالف انه له يشيل
وارمي همومك بوسطه لا تهمك علتك


دام جنبك شخص مثلي استند لا لا تميل
لعنبوا همن يجي لك أو يعكر ضحكتك


والله انك حيل غالي .. إيه غالي حيل حيل
والله اني كل همي كيف أنا أقدر اسعدك}







مستعد أخسر حياتي بس أشوفك تضحكين
مستعد أتعب وأكافح لجل أشوفك مبتسم


لعنبوها هالحياة إن كان في عينك تشين
ولعنبوها بسمتن عيت فوجهك تنرسم




انسي هالعالم وكونه وانسي كل جرحن حزين
واذكري رب كريم قد خلقنا من عدم


لا يهمك هرج عاذل أو ملامة من لعين
ولا يهمك أي حسود أو من كلامه تنصدم


الظروف إن كان شانت والله لجعلها تزين
والفرح والله لسوقه حتى لو جالي ألم


كيف أبهنى في حياتي وآنا أحسك تدمعين
كيف يهنى من يشوف ان صدر خله منكتم





مخرج




{لو طلبتي شي أجيبه حتى لو هو مستحيل
حتى لو هو مستحيل اللي تبينه جبتلك


واعرفي صدق المحبه نادر وشي(ن) قليل
واحذري من قال احبك لا تقولي اعشقك


الا لما تعرفينه ما يبي غيرك بديل
وانك انتي وسط قلبه ساكنه محد(ن) معك}

الموضوع الأصلي: مستعد اخسر حياتى بس اشوفك تضحكين || الكاتب: اسير الصمت || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات