عليه سيطرتي مـن الجـال للجـال
وعروق شريانـه بوصلـك تقـوّى
كنك عليه مسويـه حظـر تجـوال
من خوف لحدن من هـواه يتهـوّى
جيوش حبك فيـه رجلـي وخيـاّل
مسـويـه فالقـلـب ماينـتـسـوّا
تراه امانـه معـك لايـوم الاجـال
لاتتركينـه ليـن مـنـك يـتـروّى
ياعازفه روحي علـى لحـن يامـال
لين إن روحي معك راحت تطـوّى
مدام زينك صار مضـرب للامثـال
حـرام مثلـك بالفـراق يتـكـوّى
وانا على عهـدك ووصلـك ولازال
ماني من اللـي فالطريـق يتلـوّى
والله مسمـع كـل حاسـد وعـذال
اللـي مغويهـم بلـيـس المـغـوّا
هروجهم من كبرهـا تبنـي جبـال
ولايهرجـون الا بنـمـه وســوّى
واني مطاوع فيك من تلبـس الشـال
اللـي تبـي منـي صداقـه وخـوّا
ياكثر من تطلب مواعيـد ووصـال
ولا شوف غيرك بنت من جنس حوّاء
هذا وعد واخذيه مـن راس رجـال
راسٍ علـى روس النوايـف تبـوّا