مهما نطقت بداخلي شـئ مخفيـه
واشلـون اعبـر والمشاعـر ثقيلـه
اللي نحبه صعـب بالنطـق نوفيـه
مهما حكيت اشواق تبقـى قليلـه
الشوق بحـر ولالحقنـا خوافيـه
لو غصت في بحـره ليالـي طويلـه
هيهات تعبيـري يخلـص واكفيـه
واوراق شعـري تنتهـي مستحيلـه
الشوق نار وصعب للناس تطفيـه
والا تحصـل شـي ثانـي بديـلـه
كنه مرض يصعب على الطب يشفيه
واللي مكذب ليـت يحضـر دليلـه
يازين مره حيـل يازيـن صافيـه
اثنينهـم خـلً يــلازم خليـلـه
اللي بعيد وحكمة الدهـر تنفيـه
عايش بمـر الشـوق ليتـه يجيلـه
واللي قريب يقـدر الخـل يلفيـه
عايـش بصافـي ودهـم ياحليلـه
الشوق بحراً فيـه للنـاس مافيـه
صعـب تقربلـه وصعـب تجيلـه
ماهو حكاية قنـص بـرً وترفيـه
ولا حكايـة الـف ليلـه و ليلـه
الشوق جمـرً حـق مانـي بمعفيـه
خلـى قلـوب فالخلايـق عليلـه
والزين منـه حـق مانـي بنافيـه
مثـل المطـر لا سيرتبـه مخيـلـه
ماحدً يقول الشوق ياخـل كافيـه
انا اكتفيـت الشـوق هيـا نزيلـه
ولا يبطل حكي للشـوق منفيـه
تكبـر موازينـه ويكبـر حصيلـه
وانا سـواة الخلـق مانـي موفيـه
تبقـى مشاعـر شوقنـا كالفتيلـه
ليّـه وللخلـق ياعيـن زفـيـه
ماعـاد باقـي للتعابـيـر حيـلـه