منتديات كلك غلا - انشهد ان الحب قتال

آه من طـول الليالـي ومـن هـم البعـاد
والظروف اللي حدتني مع الحـظ الكسيـر
أشهـد ان الحـب قتـال والفرقـا جهـاد
وأشهد ان الوصل لو طال في عمره قصير
والسعاده وهـم والحـزن للعاشـق وكـاد
لو يعيش العيشه اللي يبـي يبقـى حسيـر
والضيـاع بسكـة الحـب وارد والعـنـاد
مستبـد بسكـة الحـب والواقـع مـريـر
العطـا والتضحيـه والوفـا للـحـب زاد
والخيانـه والجفـا والتخلـي لـه نـذيـر
التفاهم لا انعـدم واختـلاف الـراي سـاد
بين الاثنين المحبـه تصيـر او ماتصيـر؟
مايـلام المـرء يانـاس بعـد الاجتـهـاد
ومايلوم المجتهـد غيـر معـدوم الضميـر
والحبيب اللي جروحه علـى قلبـي شـداد
والله ان آمـوت ماجالـه بقلبـي خشـيـر
يـوم ودعتـه وقـررت عنـه الابتـعـاد
وصد واقفى قلت يالله انـا فيـك استجيـر
مانويـت البعـد لكـن لقيـت الضيـم زاد
والجفا طول وانا صرت في وضع خطيـر
عايش بغربه وحظـي سـواد فـي سـواد
وشوفتي له تعني الشيء والشـيء الكثيـر
صرت مثل الفارس اللي امتطى ظهر الجواد
وحدته بقعا وطشـه جـواده وسـط بيـر
بعد عزه صـار همـه يبـي فـك القيـاد
وبعد ماكانت مآثـره تذكـر صـار اسيـر
وصار عمره بعد ذله تحت رحمـة زنـاد
وصار بين امريـن أحلاهمـا مـر مريـر
ياحيـاة تودعـه سخريـه بيـن العـبـاد
يامماة مثـل مـوت الجبـان ابـن الفقيـر
ياهجوسي خلي الصبر لجروحـك ضمـاد
وخففي هـول المعانـاه للقلـب الضريـر
لو يكون فراق الاحباب ينسـي كـان فـاد
صارت الفرقـا وانـا مانسيتـه بالأخيـر
صورته قـدام عينـي بصحـوي والرقـاد
كان ماجابنه حلـوم جـا لجرحـي سفيـر
قلبي اللي من فراقـه لبـس ثـوب الحـداد
مايناظر بعـد فرقـاه فـي هنـد وعبيـر
حافظ لـه كـل معنـى المحبـه والـوداد
وعايش ذكـراه لـو شـد للبعـد المسيـر
الوحيد اللـي هويتـه وكـان لـي المـراد
والوحيـد اللـي عطيتـه ورشحتـه أميـر
بعد فرقاه اشعر انـي غريـب بـلا بـلاد
مابقالـي شـي يسـوى بهالكـون الكبيـر
يذكـره بالخيـر ربـي ويلهمـه الرشـاد
ويحرسه في كل خطـوه ولدروبـه ينيـر
والله انه هـو مـرادي وحبـي لـه وكـاد
رغم فرقانـا الطويلـه وواقعنـا المريـر
وقلبي اللي من فراقه لبـس ثـوب الحـداد
كيف يرضى بعد فرقاه في ريم أو عبيـر؟