منتديات كلك غلا - محشي الملفوف

https://e.top4top.io/p_329361wwq0.jpg

.....
🌮🌮محشي الملفوف🧡
.
ملفوف نقطع الرأس عشان يسهل علينا تفكيك اوراقه ونحطه بالفريزر لين يجمد وقبل وقت التحضير نطلعه عشان يذوب ويكون لين سهل التحكم به ( طريقه تجميد الملفوف اسهل واحلا من السلق )

مقادير الحشوة :

زيت زيتون / ١ بصل مفروم / ٢ كوب ونص ارز مصري / مربع ماجي / ملح الليمون حسب الرغبه / رشة كمون + فلفل اسود / ملح / صلصلة طماطم / دبس رمان / حزمة بقدونس مفرومه

نشوح البصل في زيت الزيتون لين يذبل شوي نضيف الرز وبعدها باقي المقادير ( ماجي - ملح الليمون - كمون وفلفل اسود - ملح - صلصة طماطم - دبس الرمان ) نحركهم مع بعض شوي ،

اخر شي نضيف البقدونس المفروم نخليه شوي وبعدها نضيف كمية الماء اللي تغطي الرز ..

نشيل عروق الملفوف القاسيه ونحشي الورق ونلفه كويس عشان مايتفكك مع الطبخ بعدها نحطه في صينيه مقطع بها شرايح بصل وبطاطس ونرص الملفوف عليها .

صوص الطبخ : ماء / مربع ماجي / دبس رمان / صلصلة طماطم / بهارات وملح نخلطهم سوا ونصبهم على الصينيه ونغطيها بالقصدير وعلى الفرن تقريباً ٣٠ دقيقة او اكثر ..

*وبآلعآفيه*
🧁🧁🍕🍕🍗🍗