منتديات كلك غلا - مآ أدرِي أهملتني .. ؟ وإلآ القدرِ : مآ أمهلك !

منتديات كلك غلا (https://www.klk-gla.com/vb/index.php)

- ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)

- - مآ أدرِي أهملتني .. ؟ وإلآ القدرِ : مآ أمهلك ! (https://www.klk-gla.com/vb/showthread.php?t=5978)

مآ أدرِي أهملتني .. ؟ وإلآ القدرِ : مآ أمهلك !

اسمك اللي بقى غصّه بـ : حلق الكلام
آسف ان عفتني .. واسف ، لو اشتقت لِك

للحنين الصور .. لـ احزان قلبي / سلام
اللي ضااقت بها : الدنيا .. وتتحمّلك !

كل ما هبّت الذكرى وطار الحمام
آتنهّد .. وأفكّ زراري .. وآحنّ لك

إنت ، لو مالك فـ قلبي الكبير احترام
كان ما طاحت الدمعه وانا اتخيّلك

وإنت ، سخّرت لك عمري : رضا واهتمام
[ كنت خايف عليك أكثر من الحاجة إِلك ] !

وإنت ، رتّبت عذر فراقنا قبل عام ..
وقتها : ماتت أحلامي .. ولا قلت لك

رغم هذا الحزن فيني " عليّ الحرام "
أذكرك .. وأدعي : ياجعلي ما أذوق زْعلك

فات ما فات من جرح ، وعتاب .. وملام
ومآ أدري أهملتني .. ؟ ولا القدر ما امهلك !

ودّي اروح واتوسّد يد امّي .. واناام
يا الحبيبه .. وانا ميّت قهر بـ اسألك :

وش بقى للمشاعر ؟! وش بقى للكلام .. !
وإنت كرّهتني قربك وأنا بـ أوّلك

كان غيري معه " شوق " ، و " حنين " .. وغرام
لو عطى ربـع مما اعطيت : يستااهلك

وافترقنا .. وفي صدري [ حمامة سلام ]
الله يبيح ما جا منْك ، ويحلّلك

من قووول

للحنين الصور .. لـ احزان قلبي / سلام
اللي ضااقت بها : الدنيا .. وتتحمّلك !

نص يلامس شغاف قلوب محبه تميزت بالحب والعطاء ... **

احرف مليئه بالابداع والذائقه الرائعه

تقبل مروري

إنت ، لو مالك فـ قلبي الكبير احترام

كان ما طاحت الدمعه وانا اتخيّلك

الحب له قلوب لاتنسى..وله نفوس لاتهدأ

راق لي ماتكتبت كما عودتنا اميرنا متميز باختياراتك

تقبل تحياتي

رغم هذا الحزن فيني " عليّ الحرام "
أذكرك .. وأدعي : ياجعلي ما أذوق زْعلك

جدا كلام راقي وذووق

سلمت اخوي
على الطرح
دمت ودام فيض قلمك
اخوك

اسير الصمت

فات ما فات من جرح ، وعتاب .. وملام
ومآ أدري أهملتني .. ؟ ولا القدر ما امهلك !

مــــــــــــــــــــــــــــــبدع ... وكفى ..

.. لان الحرف لايبلغ فنه الا بحس احترف اللـغــه ...