منتديات كلك غلا - مـكـرونــــــة بـالـوايــت صـــــوص

[]*[]*[]*[] مـكـرونــــــة بـالـوايــت صـــــوص والـجـبـــــن رهـيـبــــة []*[]*[]*[]

https://gulfupload.com/i/00036/vhkcsa44om95.jpg

الطريقة
بتسلقى كيس مكرونة وتشيلية ع جنب

وف نفس الحلة علشان مانوسخش مواعين كتير بتغلى كيلو لبن وتكونى شايلة منو كوباية علشان تدوبى فيها الدقيق والنشا الكيلو لبن اخد تقريبا معلقتين دقيق ومعلقتين نشا وبعدين تحطى الجبنة المشللهومكعبين جبنة كيرى وتقلبى كويس علشان الجبنة تسيح وتحطى شوية ملح صغيرة وتركنيها ع جنب مع المكرونة المسلوقة

وبتجيبى صدر فرخة تقطعية مكعبات وتحطى شوية زيت ف طاسة وترشى عليهم معلقة بصل مجفف ومعلقة ثوم مجفف وشوية فلفل اسود وكمون وكزبرة ومكعب مرقة دجاج وتوابل الفراخ وتحطى ربع كوباية ماية وتقابى وتغطى لحد م تستوى وسيبى فيها صوص بسيط كدة مع الصدور بيخلى الطعم خطييير

تقلبى المكرونة المسلوقة مع الوايت صوص اللى عملتية او البشاميل بالجبن يعنى وتحطى شوية ف الطاجن وبعدين تحطى شوية صوص من الفراخ وشوية فراخ وتحطى بقة الجبنة المشلله والجبنة القشقوان

وتحطى طبقة مكرونة وع الوش جبنة مشلله وقشقوان برضو

يعنى كترى ف الجبنة كترى ماتبخليش ع نفسك

وتحطيها ف الفرن لحد م الجبنة تسيح ع الوش وتفتحى الشواية تاخد لون بس بسيط علشان ماتتحرقش

والف هنا