الزلابية بطريقتى
مش عايزه أي وحده من اخواتى في الجروب تقول انها متعرفش تعمل زلابيه أو بتطلع معاها اشكال غريبه جربي طريقتى وهتدعيلي
المقادير
كوب ماء دافي مش ساخن يعنى تستحمليه علي صابعك معلقة صغيره سكر
معلقة صغيره خميره فوريه رشة ملح صغيره
معلقة كبيره نشا كوبين دقيق معلقة زيت
زيت ساخن للقلي كيس حلوانى ومقص للتشكيل
الطريقة
في إناء نضع نص كوب ماء دافي وندوب فيه السكر والملح والخميرة والنشا ثم نضيف الدقيق ونعجن كويس ونكمل باقي نص كوب الماء الباقي ونكمل عجن ثم نضيف معلقة الزيت عشان تنعم العجينه ونعجن كوييس اوىىىىىى
ثم تغطى وتترك لتخمر ونهزها بايدنا بعد ما تخمر اول مره وتترك مره أخرى تخمر
ثم نسخن الزيت جامد ونضع العجينه في كيس الحلواني ونضغط عالكيس بالراحة وننزل في الزيت ونقص حسب الحجم المطلوب وتترك علي نار متوسطه حتى تأخذ اللون الدهبى ونطلعها علي مناديل ورق عشان الزيت الزياده ونرش عليهم سكر بودره وجزء منهم حطيته في شربات بارد وزينته بخطوط النوتيلا
مقادير الشربات
كوب سكر مع كوب ماء عالنار يغلو ثم نضيف عصير نصف ليمونه وعلي طرف المعلقه ملح ليمون ويترك ليغلى حوالي 5 دقايق أو اكتر قليلا ويترك ليبرد تماما
لو وحده منكم مش عندها كيس حلوانى تعمل أي ممكن في أي كيس قوى وتفتحه فتحه صغيره وتشتغل بيه عادى
أو ممكن تاخد قطعه من العجينه ياليد اليسري وتضغط عليها هتطلع العجينه بين الصابع السبابه والابهام وتغمس معلقة صغيره في الزيت وتقطع بيها العجينه وتنزلها في زيت ساخن
أظن كده عدانى العيب مفيش أعذار عندكم تانى
ياللا اشوف تطبيقاتكم وتعليقاتكم الحلوه
يا ترى استاهل لايك ولا



https://scontent-cai1-1.xx.fbcdn.net...1e&oe=5A828ED4