العياط طريقة صحية وضرورية للأطفال للتعبير عن مشاعرهم. لما بنقولهم "بطل عياط" احنا كدة بنبعتلهم رسايل ان مشاعرهم مش مقبولة او مش مهمة او سخيفة او مزعجة.
ممكن نستبدل بطل عياط ونقول
انا محتاجة حضن
مفيش مشكلة انك تحس بالحزن
اكيد ده كان صعب عليك اوي
انا معاك وجمبك
انا سامعاك قوللي مالك
فعلا دي كانت حاجة مخيفة او محزنة او او
انا ممكن اساعدك
انا متفهمة انك محتاج تبقى لوحدك. انا عايزة ابقى جمبك. هفضل قريبة منك لغاية متبقى مستعد تحضني