من أكتر الحاجات اللي بتضايق الأباء هو التأثير السلبي لبعض الأصدقاء علي اولادهم وإلقاء اللوم علي إختيارهم السئ .. تفتكروا الحل في مشكلة زي دي هو تسليط الضوء اكتر علي الشخص اللي انت مش حابه .. طب لو انت نفسك وانت كبير حد جالك وقالك صاحبك ده مش كويس او انا مش عاجبني ان الشخص ده صاحبك .. ممكن ساعتها تحس بايه ؟؟ .. رد الفعل التلقائي هيكون الدفاع والتشبث اكتر واكتر بالشخص ده بل وممكن كمان رفض المزيد من التوجيه من الشخص اللي قالك كده .. طيب وولادنا ؟؟ تفتكروا ممكن يكون ايه رد فعلهم لما نقولهم مباشرة حاجة زي كده ؟؟ احنا في الاول والآخر همنا ولادنا والحفاظ علي علاقتنا بيهم عشان نفضل متواصلين معاهم وحبل الثقة ميتقطعش .... طب الحل ايه ؟؟
* تجنب النقد المباشر للاشخاص ..
* ركز علي الافعال اللي انت رافضها بدون التركيز علي الأشخاص.
* وضع نظام وقواعد تحد من الإحتكاك بهؤلاء الأصدقاء.
* الاتفاق علي عواقب لو كسروا الاتفاق اللي انتو عملتوه مع بعض .. ده هيخليهم مسؤلين اكتر عن اختيارتهم.
* اتفقوا علي انواع الخروجات اللي مسحمولهم بيها.
*الاهم بقي اننا نكلمهم عن اهمية الصديق والفرق بين الصديق الصالح والصديق السئ ... عشان همة لسة صغيرين ومحتاجين اننا نوجههم بهدوء واحتواء.
وفي النهاية لازم نبقي مقدرين ان اولادنا لسة اطفال .. بيتعلموا وبيجربوا وممكن احيانا ان اختيارتهم تكون خاطئة .. المهم اننا نفضل متواصلين معاهم ومحافظين علي القواعد اللي بنحطهالهم.
ودمتم سالمين https://www.facebook.com/images/emoj...1/16/1f642.png:)