منتديات كلك غلا - ابيك ومابي غيرك على صدري تعال ونام

أبيك و ما أبي غيرك على صدري تعال ونـام
أبيك ويشهد البـاري ملكت أرض الغلا فيني

أغيب أيام وارجع لك بشوقٍ يحتريك أعوام
بعيد لكن بروحي سكنت وضمتك عينـي

ثلاث أيام من عمري كتب موته بعد ما قام
ودمع العين يا ويلي يدق الباب ويلفيني

أنا من رحت حلت بي هموم ٍعشتها واسقام
ملت روحي يا روح الروح..حضنتالموت بيديني

ملامح لهفتك تضوي سماي وقلبي لاأبد ما رام
يا كود تمره بليله وتشعل بـاقي سنينـي

تزاحم في الحشا نبضي وتسكن في المنام أحلام
تمنت تلتقيك اليوم ومدري كان يمدينـي

أنا لا قلت فمان الله أحس بخافقي سهـام
تزيد طعونها وتغرس ألم واحزان تكوينـي

تقول اليوم تعال لي دخيلك عجل باقـدام
خطت فوق الثرى تنوي بعـادي بس يكفيني

دخيل الضمة واللمة (فديتك)(عمري) وانت الهام
يحرك خافي أشواقي وبعد الموت يحييني

طلبتك لا تغفي عينك على ليلٍ حلف ما ينام
تراني يمك وحولك أسقي بـك شراييني

تصدق كل كلماتك حلا منثور وريح خـزام
تعطر خافقي ومعهـا أضيعها عناويني

أحبك والغلا يشهد وحرف يشتعل واقلام
تخط بحبرها أعذب قصيدة في دواويني