منتديات كلك غلا - هدوئك يجنّنّي يأثّر على أحساسي

منتديات كلك غلا (https://www.klk-gla.com/vb/index.php)

- ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)

- - هدوئك يجنّنّي يأثّر على أحساسي (https://www.klk-gla.com/vb/showthread.php?t=28280)

هدوئك يجنّنّي يأثّر على أحساسي

ذكرتك وانا في بر. خالي من الاوناس

. . . . . . وليلٍ عوى ذيبه من الجــوع يــاقــاسي

ذكرتك في جواً ماوصل أرضه العسّاس

. . . . . . لطيفٍ نهاره والبــلا عنـد الادمــــاسي

ذكرتك وانا في ديرة البعد يابن الناس

. . . . . . ذكــرتك بليلٍ وحشته تكتم أنفـــــاسي

ألا ياظلام الليل لوقلت لي لاباس

. . . . . .هدوئــك يجنّـنّي يأثّـــر علـى أحساسي

أبي عالمك بالصوت يطرد لي الهوجاس

. . . . . .ابي لجّتك عندي وحـولـي بمجـــلاسي

أبي منك تشغلني وابي لجّة المرواس

. . . . . .وأبي هالغيوم المظلمه تطرد أنعاسي

وابي برقها ورعودها يطرد الوسواس

. . . . . . وسحُباً تتالا سيلها يجرف الــراسي

تمنيت ليلك به عواصف ولا نسناس

. . . . . .عسى يبتعد عني خيال أجمل الناسي

ضياء القمرخدّه ولاشفت له أجناس

. . . . .عيون المها والموت في شعره الكاسي

وش أقول برموشٍ تجي كنّها الاقواس

. . . . . .ولاهقوتي من صابته طاح متواسي

ولاينفع المجروح حبراً على قرطاس

. . . . .وشعره مثل جمراً نزل فوق قرطاسي