منتديات كلك غلا - وياكثر التمني ... للشاعر إبراهيم محمد السهلي

منتديات كلك غلا (https://www.klk-gla.com/vb/index.php)

- ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)

- - وياكثر التمني ... للشاعر إبراهيم محمد السهلي (https://www.klk-gla.com/vb/showthread.php?t=27967)

وياكثر التمني ... للشاعر إبراهيم محمد السهلي

بسم الله الرحمن الرحيم
السلام عليكم ورحمة الله وبركاته
..
..
تمنيتك وياكثر التمني ..
.. واشوف الوقت ماقرّبْك مني
وانا ياصاح لامن غبت عني ..
.. يحاربني الكرى من حرّ مابي
واشوف الناس من دونك تشابه ..
.. واعيش بْهمّ واحزان وكآبه
واقول اللي معذبني غيابه ..
.. رقيق العود شخص ٍ مادرابي
حبيبي لا تعذبني وانا اللي ..
.. سهرت الليل من شيّ ٍ حصل لي
دموعي لا تذكرتك تهلي ..
.. ألا ياويل قلبي ياعذابي
متى ترحم دموعي ياغناتي ..
.. أخاف تضيع باسبابك حياتي
أبكتب يابعَد روحي وصاتي ..
.. بدونك ضاعت احلام الشبابي
بدونك عيشتي عيشه رديه ..
.. وغيري عايش ٍ عيشه هنيه
أقاسي الهمّ وايامي شقيه ..
.. وهجرت الناس من شيّ ٍ لجابي
صحيح انّ الهوى ياناس قاسي ..
. . وانا مما دهاني منه اقاسي
هجرت اهلي وخلاني وناسي ..
.. ولا عندي دوا يبري صوابي
..
..