منتديات كلك غلا - دلوعة جده

ذبحت حلمي قبل ما فز وآقوم
وسيّلت دم الحلم فوق المخده

وفهقت جفني لين ما اتناثر النوم
وزارتني الدمعه وهي مستبده

لاتسأل المحروم هو ليه محروم
عطشان في البحرين والما بـ جــــــده

مضني عيون القلب من كثر ما لوم :
صدري على بعد المسافه واحده :

حب.. وتعلق.. وابتلي .زين!! مفهوم !!
ولي جاك منه شي والله ان ترده!!

هو انت طايل منه لا جاك في يوم
يهديك بسمه عمر من ورد خده!

به ملعنة ه الريح في ثغر يشموم
لي بعثر انفاسي ولملم بيده

اعشق ثنايا ضحكته عشق مغروم
وآموت به واتنفس باسم جــــده

متشرب اللي بين شفته مزموم
حكياً يسفرني مزاحه لـ جـــده

ماهوب ووافي لي وعدني على الدوم
لكن مواعيده تجي بالاجنده

عطره بكوم وباقي الطيب في كوم
من ضمني صدري نبت فيه ورده

والمشبك اللي مثلما طفل مفطوم
كنه يلم الليل ...وآصيح هده!!

ما اعرف من الدنيا سوى كل مقسوم
ولو هي علي الخاطر تمنيت وده

ما اقدر على بعده..و(ما با) /وما (روووم)
(مووووبي)...ومافيني ولا ولا لبعده

بلسان اهل الشارقه ..(هيييه شغموم)
وبالشام كل الشام (ماحد اده )

شفته وهو جالس لوحده وبيقوم
واحس كرسيه بحرقه يشده

غصّت بحلقي (يووووه ياحر ه اليوم)
مال امها داعي ..وعلى الله تشده!!

يمكن يحس بقلب مبلي ومهموم
قام التفت لي وقال (هئئ) بزنده!!

ظالم فؤادي ظلم ..وآقول مظلوم
وارخي هدب شوقي لي جا يمده

ويوم أسأله كن الحكي منّه ايعوم ؟!!
من وين يالفتان؟! وبغنج ! ( جـــــده ) !

__________________

http://www.youtube.com/watch?v=EUPscoviC-Y