منتديات كلك غلا - شاورما بألوان الطيف

شاورما بألوان الطيف

المقادير
2 فنجان قهوة سكر
2فنجان قهوة حليب بودرة
ملعقة كبيره خميرة فوريه
ملعقة صغيره Bp
نص كاس زيت
كأسين ماء

طبعا المقادير ذي كلها بالخلاط

الطريقه

بعد كدا تجيبين الالوان لطعام طبعا هي معروفه للكل وعلى حسب الالوان اللي عندك تقسمين الخليط بالتساوي عليها كل واحد بعلبه بالنسبه لي قسمتها بخمس علب بلاستيك 4 الوان وواحد خليته بدون لون عشان يعطيني ابيض واضيفي عليها الدقيق لحد ماتصير عجينه لينه واتركيها تتخمر ساعه

http://n4hr.com/up/uploads/5749a1f199.jpg

بعد كدا تضغطيها بالآلة حقت المطازيز او تفرديها

http://n4hr.com/up/uploads/9dafb2771d.jpg

وتحمريها عالصاج من الجهتين

هنا مااستخدمت الصاج استخدمت آلة المصابيب ( المراصيع)

http://n4hr.com/up/uploads/7ccbb7dbd7.jpg

اذا تحمرت من الجهتين حطيها بحافظه وسكري عليها عشان تكون لينه وماتتكسر معك

بعد كدا نجي للحشوة

شوحت شرايح بصل وشويه ثوم بالزيت وقطعت فيليه دجاج مكعبات واضفتها له بالاضافه لشوية جزر مبشور وفلفل رومي برضو قطعته مكعبات
وتضيفي عليه..

ملح - فلفل اسود - كاري - ملعقة طحينة سايله-ملعقتين زبادي

وسر النكهة ملعقة (peanut butter) زبدة الفول السوداني

تخليها شوي عالنار لحد ماتستوي وتطفي عنها بعد كدا بامكانك تدخني الدجاج طبعا الكل يعرف الطريقه تحطي شويه زيت بصحن وتحمي الفحمه وتحطيها بصحن الزيت وتخليها وسط الدجاج وتغطيه لحد مايكسب النكهة
طبعا الحشوة على حسب رغبتك اي حشوة تنفع

بعد كذا تقطعي شرايح خس وتخلطي مايونيز وكاتشب لزوم الحشو
وتبدين شغلك

http://n4hr.com/up/uploads/60d34ad016.jpg

طبعا تلفينها رول او تخلينها مفتوحه من فوق انتي وطريقتك هنا لفيتها وغلفتها بالغلاف النايلون المعروف حق الاكل

http://n4hr.com/up/uploads/4d3b5c502f.jpg

وهذا الشكل النهائي لها

http://n4hr.com/up/uploads/aab3146048.jpg

http://n4hr.com/up/uploads/8a3103b293.jpg

والف هنا وشفا

م
ن
ق
و
ل