منتديات كلك غلا - يمه مو طبيعيه هاالبنت

يُمه ... هَيّن ...!!
الهوى بعيون ولدك صار بيّن ...
ما يبي له من يعَلم ...!!
وحبيبتي بالعشق أُستاذه وتعَلِم
كيف اخبي ...؟!
إنتي من جِدك يا يُمه ...؟!

وانا ولد
وقلبي بارد .. وصغير ... ولَيّن
ايه احبه ...!!
يعني هذا اللي تبينه ...؟!
كيف اخبي وهذا دربي ...؟!
والهوى مكتوب من ربك وربي

يوم شفتها
متكشخه ... ومتعطره ... ومتزينه
طاح كاسي
فدوتها راسي ... وناسي
مو بكيفي ...!!
يُمه جننتني ب حنانها
ما تخون
الهوى عندها امانه
وريحة انفاسها دخون

مو طبيعيه هالبنت من جد يُمه
فيها ذوق ... وفيها شوق ... وفيها للعشاق عوق
يُمه يسلم لك حبيبك
والله نَسَتني حليبك
أي ورب الكون يُمه

يُمه لو تدرين عنها ...
قلتي لي فالك حبيبتك
ايه احبها
ايه يمه
ايه اموت برعشة شفاهها واذا تسمح حبيبتي

سامحيني لو حلفت إني لَحبيبتي
مو بكيفي
وضحكتها خمري ... وكيفي
مو طبيعيه
هالبنت عمري وربيعي
وفوق هذا صرت شاعر ...

والله فعلاً مو طبيعيه
إن عشقت كلها جنون
وإن حكت كله فنون ...
على راسي ما تهون
إيه يُمه
إيه احبها
واعصر ضلوعها واضمها
وانتشي من ريحة انفاسها ...

إلا احبها
إلا احبها
إلا احبها
واللي ما يسمعني يسمع ... إلا احبها
واعشق ترابها

قالت لي مَرة اناظر ...
قلت حاضر
يا الله ناظر
يوم ناظرتني بكيت
ما تحملت الهوى بعيونها السوداء
وشكيت

http://i1.makcdn.com/m002/alfrasha/u...1999611908.gifhttp://i1.makcdn.com/m002/alfrasha/u...1999611908.gifhttp://i1.makcdn.com/m002/alfrasha/u...1999611908.gifhttp://i1.makcdn.com/m002/alfrasha/u...1999611908.gifhttp://i1.makcdn.com/m002/alfrasha/u...1999611908.gifhttp://i1.makcdn.com/m002/alfrasha/u...1999611908.gifhttp://i1.makcdn.com/m002/alfrasha/u...1999611908.gifhttp://i1.makcdn.com/m002/alfrasha/u...1999611908.gif
قلت : ابوسك ...؟!
قالت : تعقل ... وإلا احوسك ...؟!
قلت : انا اقصد على السنة
قالت : ليت
قلت : والله لآخذك قدام اخوك ...
بعد ما تربط يديني في يدينك بأمر ابوك
قالت : بتبطي وتتأخر ...؟!
قلت : لا لا
قالت : لو ابطيت جيتك

قلت يسلم لي وفاك ...
قلبي قلبك ... وبيتي بيتك ...
لعن ابو من خان عشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنك وخذ دفاك
قالت لي : { يسلم لي وفاك }

وإن خطبتها لا تردونها يا يُمه ...
آنا ابيها
قولي ( تم )
لا تخلين العُمر يمشي الم
ها يا يُمه ...؟!
قولي ( تم )