منتديات كلك غلا - يمِه وينكْ .... ؟

آنا بنتك .. " ضي عينك " !
شوفي وش قرب المسافة بين أهدابي وبينك !؟
بس ّ يمه أنتي وينك !؟
يمه قومي !؟
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدّلي .. هدومي !!؟
يمه بدري .. والله بدري ! اتهجاها اهمومي

يمه مات !
كل شي ٍ كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه ..
مر ..
ودعني ..
وفات !

طفلتك ماعاشت " إحساس" الطفولة
............. فاقده في هالزمان ... إحساسها

شافت إن الصبح ..... ماتقدر تطوله
............. وازفرت .. ونّه , ورى أنفاسها

واحضنت هالليل والورد ..... وذبوله
............ لين مانامت ...... على كراسها

ماستحى منها الحزن .... هاك الخجولة
............ ولاطرى يرحل ويبعد ... ياسها

فيه شي ٍ لو قدرت إني ....... أقوله
............ كان شفت الناس ... حبّت ناسها

يمه ضميني بـنام
خايفة أبقى لحالي عايشه وسط الظلام ,
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام
يمه وينك !؟
ماتت اللهفة بيدّي .. تنتظر لهفة يدينك !
يمه خوذيني معك ..
بس اشوفك .. واسمعك !
ودي لو أقتل بصدري هالسؤال :

يمه وينك !!؟ http://www.6565h.com/vb/images/smilies/c46.gif http://www.6565h.com/vb/images/icons/odkl.gif

.

.