منتديات كلك غلا - حبك كثر ما عذبت غيري من جميع النـاس

حبك كثر ما عذبت غيري من جميع النـاس

حبك كثر ما عذبت غيري من جميع النـاس
واحبك فوق حب امك وابوك وباقي اخوانـك

غلاك اكبر من احلام الشباب وفيه قوة باس

طويت اطوّل مسافات السعاده فوق نشوانـك

لك المستعمرات من المشاعر ماتبي حـراس
تسيدّها غلاك واصبحت جزءٍ مـن اوطانـك

تحل ضيوف ذكراك الجميله بالعيون انعـاس
ويسامرها خفوقي واعتبر هذا من احسانـك

ليا من غبت عني زارني مندوبك الهوجـاس
وارحب بالهجوس اللي تحدثّني عن السانـك

اذا تدري بحبك من خلاله تجـري الانفـاس
على هذا حبيبـي مستحيـل يتـم نسيانـك

علامك تاسر احساسي وتحرمني من الاوناس
وانا ماسور كلي تحت جبروتـك وسلطانـك

نهار العيد يرضالك تخليني بدون احسـاس
بدل ما ازور جيراني نسيت وزرت جيرانـك

كأنك ماخلقت الا على شاني مـن الاجنـاس
وانا والله ما كني خلقـت الا علـى شانـك

اذا عند الجميع اعظم سلام يكون حبـة راس
انا محتاج احبك كل ساعـه بيـن حجانـك