منتديات كلك غلا - المطر غلطة هوى عالي ::::

منتديات كلك غلا (https://www.klk-gla.com/vb/index.php)

- ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)

- - المطر غلطة هوى عالي :::: (https://www.klk-gla.com/vb/showthread.php?t=14865)

المطر غلطة هوى عالي ::::

[TABLE1="width:95%;background-color:black;"]

دخيلك دخيلك لاتصلح غلطتك هذا الخطا غالي

رفضت انك تجيبه من عرفتك لين هو جابك

ومدام ان الزعل مثل الرضا يبقيك في بالي

انا مزعل ولاارضى منك انا ازعل عنك وارضابك

هلابك يالخطا ضيف عزيز يكرم دلالي

اذا صبيت له فنجال عفو ونوخ اركابك

من الليله باسمي غلطتك عنقودي الحالي

الامني قطفته بالسماح انتثرت اطيابك

حبست العقل واطلقت العنان لمهرة اهبالي

وقريت ان الخطا عين الصواب بصفحة كتابتك

وش القمرا سوى غلطة ظلام ولاني مغالي

وش الظلما سوى غلطة سما بتقلد هدابك

يساورني يقين ان المطر غلطة هوا عالي

حسب نفسه يصالح غيمتين وبلل ثيابك

فديتك لاتعذر والذي سواك واهدالي

عيونك مالقيت الطف بهالدنيا من اعتابك

جزاك الله خير وبيض الله وجه عذالي

متى ماجيت ابنسى سيرتك قالوا لي احبابك

وانا لقالوا احبابك عجزت اسمع وش التالي

خذيت الكلمة اللي تشتهيك وضعت باسبابك

نص لـ فهد عافت