منتديات كلك غلا - ليلك نثر عطره

ليلك نثر عطره على شاطي النيـل
وانا ضواني ليـل نجـد وسريتـه

يامطوّل الغيبات يامااطـول الليـل
توّي دريـت انّـه سـواد وجفيتـه

أثر النجوم اكثر من الجدي وسهيـل
نجـمٍ كتـب همّي..ونجـمٍ محيتـه

ياصاحبي عطشان..عطشان لك حيل
مظمـي وهمّـال السهـر ماقويتـه

رد السـلام لمترفـات المنـاديـل
كحل العيون ودمعك اللـي نسيتـه

الدرب ميـت والخطـاوي مقاتيـل
وان لاح طيفك مت فيـه وحييتـه

الله على الضحكه نهار المواصيـل
هاك النهار اللـي بعمـري فديتـه

قبل اتقهوى مـن كسـالا مظاليـل
قبل السلام وقبـل جانـي وجيتـه

ضم الحشا واكسر جمود التفاصيـل
ماعندي اغلى من خفـوقٍ كويتـه

لمصافحك كف وقصيد وهلاهيـل
امـا زبنـك القلـب وإلاّ خذيـتـه

لو يغري القمـرا ذبـول القناديـل
بعـت النهـار لجيتـك واشتريتـه

يوم انتثر عطرك على شاطي النيل
انا ضوانـي ليـل نجـد وسريتـه

مما رآآق لي,,,,