صكات بقعا لا حنت راسي ولا ارخت منكبي
 

صدفة بلا ميعاد سابق من مطـــار أبو ظبي 000 حطت مراكيب الغــرام اللي تشد رحالها

وقفتلي في موقفٍ محرج وأنا الحر الأبي 00 اللي يفكر في مخارجها قبل مدخــــــالها

اشيل ما شال الجمل وابرك على روس ركبي 00 واقوم بحمول الزمان خفـــافها وثقالها

صكات بقعا لا حنت راسي ولا ارخت منكبي 00 لو قصرت هيبة أسود الغاب دون اشبالها

من عادني بأول سنين العمر ما اعرف احبي 00 ارقى واروم المرجله واتعبلها واسعالها

واصبر ولو تحرمني الايام كل اللي ابـــــي 00 واعيش يومـي والامانـي شاربٍ فنجــالها

والعذر ياللي مالعنة ابلـــيس وابليس يهبي 00 ماني من اللي اي فرصةٍ يحسن استغلالها

مازلت اخطط للمعالي والكرة في مــلعبي 00 ولازلت ماشي والمسافة ماحـسبت اميالها

ولا يمكن الاعلام والشهر تغــــــير مذهبي 00 وان غيرتنـــي لابو الشــهره ولابو حـالها

شاعر وامثل ديرتي من مشرقي لمغــربي 00 والـنار من شبّابها والخــــيل مــن خيّـالها

الهزل مالي فيه والجزله بدقـني وشنبي 00 وارفع مقامــي عن علوم المهزله وارسالها

والشاعر اليا طاحت اخلاقه يعد اكبر غبي 00 ويا كثر شعـــار تســاوى قفايها وقبالها

لان الشعر في عصرنا ولا قبل عصر النبي 00 رســـالة تحمل صفـــات اســلافها لجيالها

موقفٍ حصل وانا استفدت وعارفٍ وش مكسبي 00 والمـستمــــع ماله بدق الســـالفه وجلالها

سلام من شاط البحر الى الخليج اليعــربي 00 للديـــره اللي مالحـق ظيم الزمـــان عيالها

ديرة هل العوجا وتمي يالمعاني واشربي 00 يالشجـــره اللي كلبونا تحـــت ظل ظـــلالها

الديــره اللي حبها يسبي معاليقي سبي 00 هذي بـــــلادي وافتخر بسهولها واجبالها

ان كنت في وسط الرياض او كنت في دار الظبي 00 اليا افتخرت ابها رميت عمامتي وعقالها</b></i>

رد: صكات بقعا لا حنت راسي ولا ارخت منكبي
 

من عادني بأول سنين العمر ما اعرف احبي 00 ارقى واروم المرجله واتعبلها واسعالها

واصبر ولو تحرمني الايام كل اللي ابـــــي 00 واعيش يومـي والامانـي شاربٍ فنجــالها

رد: صكات بقعا لا حنت راسي ولا ارخت منكبي
 

الشاعر ؟ مريبد العازمي

رد: صكات بقعا لا حنت راسي ولا ارخت منكبي
 

صح لسان قايلها ...وتسلم انامل ناقلها
بداية موفقه لك نبض الشمال

ابيات روعه ..وتحمل قوة معاني جباره


دمت مبحرآ برحــــآب الود والع ــــــطآء

محبتكم
ورودهـ

رد: صكات بقعا لا حنت راسي ولا ارخت منكبي
 

صح بدنك يالغلا

رد: صكات بقعا لا حنت راسي ولا ارخت منكبي
 

محمد مريبد العازمي