منتديات كلك غلا - قصــــــــــــــــةاالــــــــــــفراق

على الله يازمن بشكي جروحي والليالي طوال
عسى راعي العنا ينسى عناه وينشرح صدره
على الله يازمن بشكي همومي والهموم جبال
تعدت عاصمة حزني حدود العالم بأسره
خساره يالسنين اللي كتبتي قصة الترحال
فرحت امس وحزنت اليوم بس الخوف من بكره
لساني كم شكى صمته ولامنه حكى ماقال
طغى طبع السكوت بسيرة المحروم من صغره
سقى الله يوم أنا كنت اضحك وبالي مريح البال
ضحوك ماعرفت الحزن وش معناه وش قدره
كبرت وكبرت احلامي وصارت قصة الترحال
اماني في مهب الريح حلم مااكتمل سحره
عزيزه يالحروف اللي سكنتي والكلام يقال
حكيت ماشكيت الهم وهم القلب ياكبره
عزيزه ياليدين اللي ثنيتك باصعب الأحوال
اكفك ساعة الحاجه وامدك ساعة القدره
إلا منهو فقدت صوته وبعض الصوت به لازال
دعيت الله يفرجها علي وبحت أنا النظره
اشيل الحمل عن غيري وحملي صار ماينشال
كما الشيخ الهزيل اللي مشى منعكف ظهره
وعن حر الزمن صارت حروفي للجروح ظلال
نذرت عن هموم الياس حلم قد بنى قصره
على الله والولي الله وبامر الله يزين الحال
ويضحك للزمن قلب مع همومه قضى عمره