منتديات كلك غلا - صندوق الوارد

السلام عليكم ورحمة الله وبركاته

هذي مجموعة من رسائل الجوال، للبنات وللشباب.. ما أطول عليكم، أترككم تستمتعوا فيها..

صندوق البنات

01) خلود وش بتلبسي في زواج ريم

(02) ياليت يا قلبي تجيبين معاكي بكره ملزمة علم النفس

(03) اسمعيني بسرعة حطي على قناة ( هي ) فيها عرض الأزياء اللي قلتلك عليه .

(04) أهلين الحلى اللي عطيتيني طريقته اليوم كم مقدار السكر

(05) ما حبيت ازعجك بس ببشرك بشارة حلوه دكتورة العربي في آخر الدوام اعتذرت عن محاضرة بكره يعني نوما هنيئاً

(06) معليش يا دنيتي دقيتي علىّ وكنت نايمه والحين ارسلك من جوال اختي لان جوالي استقبال .

(07) مساء الخير وش رأيك اتفقت مع البنات نطلع للملاهي تخاوينا .

(08) الله يعطيكي العافية اذا شفتي امي يا بنت خالتي الحلوه في الزواج قولي لها تدق على أخوي لانه يدق عليها وشكلها مع الطق ما تسمع يبي يعرف متى يجيها

(09) حبيبتي ياليت ترسلين لي رقم جوال موضي أبيها ضروري

(10) لو سمحتي أقصد لطفا وليس امرا وإنتي رايحه للسوق ياليت تسألين عن قيمة القماش اللي قلتي لي عليه .

(11) اسمعي يا حلوه بدون مقدمات ما دمتي في السوبرماركت أسألي عن فواصل اذا كان العدد الجديد نزل .

(12) مسائك هادي يا أحلى ناسي والف حمد الله على السلامة في عدوينك ولا فيكي .

(13) هلا وين عزمتو بكره عليه قبل لا يتأخر الوقت بقول لأهلي .

(14)يا دنيتي افتحي ( ام . بي . سي . اف . ام ) الاغنيه اللي فيها إهداء مني لكي .

(15) الله يعافيكي بلغي البنات اللي ما شفتهم ان مها سوت حادث ودخلت المستشفى اذا بيسألون عنها .

(16) نجلاء يا عيوني وإنتي جايتنا ياليت تجيبين معاكي فستانك اللي بفصل عليه .

(17) يا عيوني انا في السوق ياليت تعطيني نوع الروج الوردي ضروري .

(18) يا حلاه من صباح وانا اسمع فيه خبر البيبي الف مبروك يتربى بعزكم .

(19) يا حبي أعرفك نسايه ترى بكره عندنا اختبار انجليزي .

(20) مساء الدلع والولع يا عمري اذا كنتي فاضيه ياليت تدقين على الثابت أبي احدد معاكي اختبار ملزمة بكره

(21) سارة . وش اسم آخر عطر من شنل اللي قلتي لي عليه اليوم

(22) كيفك أخبارك من حقي عليكي اذا شفتي عنود في الزواج سلميلي عليها كثيــــر .

(23) يا هوه يا عرب وين الناس تزوجتي وقطعتي فينا من لقى احبابه نسى اصحابه والله لنا

(24) اذا ما أكلف عليكي ياليت يا قلبي تجيبين لي معاكي كتاب الدكتوره عزيزه .

(25) صباحك حلو لانك داخله الصيدليه على هالصباح جيبي لي معاكي بندول أنا مصدعه وما حصلت مع البنات ولا بالجامعه .

(26) أمل يا عمري انا بتأخر شوي لاني بطلع للمشغل على العموم اطلبوا لي عشا معاكم ليما أجي .

(27) لا يفوتك اليوم المسلسل الحلقة الاخيره في قناة دبي .

(28) ياخبلة دقيت عليكي وجوالك مقفل على العموم لا تدورين على نظارتك لانك نسيتيها عندنا .

(29) أهلين يا احلى الحلوات اعذريني ما اقدر اجتمع مع البنات عندك اليوم امي تعبت شوي وخيرها بغيرها سلمي على الجميع

** صندوق الأولاد **

1) كوووووول مي ********>>> العامل الي يغسل السياره

2) ابو الشباب جيب معاك معسل وانت جاي ******** خوياه منقطعين في الاستراحه

3) وينك فيه وليه ماترد ؟ ********> الوالده مواعدها يوديها السوق ونسى

4) مسج من هايبر بنده ******** شايفين عنده عائلة

5)عندك افلام جديدهـ ******** خويه بثر و مطرطع و راعي افلام امريكية

6) نذكرك بموعد عيادة الاسنان الخ ********> له سنه ساحب عليهم ياخذ مواعيد ولايروح

7) والله لو ماتنام الاساعة بتقوم لصلاة الجمعه غصب عنك ********> الوالدة يوم الخميس بالليل

8) عندك ايميلات بنات ؟ ********>> خويه ( الطيور على اشكالها تقع )

9) فاتك آمس رقمت وحده ودقت على طول ********>>> خويه مصدق نفسه

10) ماتلاحظ ان فيصل بثر ؟ ********>>> يحشون في واحد في الجامعة

11) مطبخ منال العالي يدعوك لتجربة الخ********>> رسائل دعاية اكيد بالغلط معلوم بالغلط

12) الوضع الفلسطيني متأزم الخ ******** مسوي سياسي مشترك بالاخبار السياسيه

13) واكيد طبعا اكثر من 50 رسالة بلوتوث اخذهم من واحد في الاستراحة دايم عنده الجديد
وللحين مانقلهم للاستديو

بس ما تلاحظوا إن البنات يرسلوا على أي شيء!! قارنوا بين عدد رسائل الشباب والبنات واحكموا بأنفسكم!!

تحيااااااتي لكل حبايبي اللي هم إنتم http://www.almhml.com/vb/images/images/icons/icon7.gif