|
استأذنك
السلام عليكم
قصيده استأذنك للشاعر المبدع حمدان المري اترككم مع القصيده الرائعه.... استاذنـك بسافـر أيـام واجـيـك وان طالت ايـام السفـر لا تحاتـي حتى ولـو طولـت مانـي مخليـك ياللي بدونك ويـش تسـوا حياتـي تامر على حاجـه بودعـك واليـك عسى عـوض الأيـام فالمقبلاتـي حتى يـدي ماودهـا تفـارق يديـك ساكت وانا اشوف البلا في سكاتـي ماشفتني لا رحت منك التفـت فيـك بـلاي والله روحـتـي والتفـاتـي لكن قبـل مـا اروح ودي أوصيـك وانت الوحيد اللـي يقـدر وصاتـي لحدن سألك وقال لك ويـن مغليـك قل لـه لـوازم لا قضاهـا بياتـي وأن طروا النسيـان مانـي بناسيـك يـاراس مالـي فالحيـاة وغنـاتـي وان طروا السلوان مانـي بساليـك طيفك معي حتى وانا فـي صلاتـي قلبي وهو قلبـي إذا مـر طاريـك لولا ظلوعي كـان عـزوا مماتـي لو جض صدري كان يمديـه ياتيـك ويبـات عنـدك ويهنـا بالمبـاتـي أنا..وقلبي..والغلا..ساكـن" فـيـك وانته..وقلبك..والغلا..وسـط ذاتـي غلاك مثل الحكـم عنـد المماليـك أكبر طموحي...لا...كـل أمنياتـي شف في غيابي أي حاجـه تسليـك لني بعـدك أسلـى مـع ذكرياتـي أحـاول اذكـر أي شـي" يطريـك واقول هو سـوا وانـا ذي سواتـي كني مـوادع كـل شـي" حواليـك وكني حسبت حساب حزت وفاتـي أحب لني ما اقـدر انسـاك وأبيـك ولا اقـدر أخليـك ياللـي تحاتـي معنى أحب...ومااقدرأنسى...وأخليك يعني بدونك ويـش تسـوا حياتـي وتقبلوووو تحياتي منقووووول |
صح لسانك ولسان الشاعر حمدان
اخوي : طيوب نص شعري مميز وذوووق عالي تحياتي لك :::: |
كلمات في قمة الابداع
واحاسيس جميله ورائعه سلمت اناملك يالغلا ع الطرح الرااااااقي والمميز دمت على هذا التألق المميز احتراااامي وودي لك |
ابيات قمة في الروووعه
يعطيك الف عاافيه داام تالقك وابداااعك تحياتي.. |
مشكوووووووووور طيوب على هذي
القصيده الرائعه كلكــ ذووووووق |
ياهلاااا وغلااا فيكم جمييع
يعطيكم ربي العافيه على المروور العطر اسعدني تواجدكم |
كني مـوادع كـل شـي" حواليـك
وكني حسبت حساب حزت وفاتـي أحب لني ما اقـدر انسـاك وأبيـك ولا اقـدر أخليـك ياللـي تحاتـي الله عليك .. أبيات راقت لي كثير .. أبدعت في هذي الابيات أخوي أحترامي لك |
هلاااا اخوووي شيخ تسلم على كل الكلام الي قلته
واسعددني مرورك يالغاااالي |
| All times are GMT +3. The time now is 10:30 PM. |
Powered by vBulletin® Version 3.8.9
Copyright ©2000 - 2026, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا