لا تصنع لقب لابنك
مرة زمان كنت راكبة ميكروباص و قعد جنبي 2 أمهات و أولادهم قعدوا جنب بعض على الكنبة الصغيرة اللي قدامنا... فأم منهم بتتكلم على واحد منهم باسم حيوان مش فاكراه غالبا " الحمار" ... المهم مش دا المهم... المشكلة إن واحد من الأطفال بيسأل هو مين الحمار دا... فولد تاني رد عليه و قاله أنا طبعا 0_o Don't label your child لا تصنع لقب لابنك حقيقي من أكتر الأخطاء اللي بنقع فيها هي وضع لقب للطفل... سواء لقب سلبي أو إيجابي كمان... ايه دا حتى لو إيجابي... اه حتى لو إيجابي... طب ازاي. يمكن احنا قادرين نتخيل ازاي لقب سلبي ممكن يأذي الطفل... زي أنت غبي-فاشل-قاسي... - الطفل ممكن تقديره الذاتي يقل ﻷنه مع الوقت بيقتنع بكلامك و بيكون عنده يقين إنه فعلا غبي أو فاشل أو غيره. - أحيانا بيكون الطفل شخصيته بالقوة اللي بتخليه عنده ثقة في قدراته و مبيصدقش كلامك و ممكن ساعتها يحاول الإنتقام لنفسه دلوقتي أو بعدين ﻷنك جرحته و أذيته. - أحيانا بيبطل الحلو اللي كان بيعمله و بيبطل يحاول يثبت لك العكس ﻷنه ببساطة مهما يذاكر مثلا فهو في نظرك فاشل فببساطة بيقول لنفسه طب ما فشل بفشل هاتعب نفسي ليه. و حاجات كتير الله أعلم بيها بتتوقف على شخصية الطفل و المواقف و اللي عاشها و التجارب اللي مر بيها و اللي كون بيها منطقه الخاص عن نفسه و عن اللي حواليه. طب ازاي طيب لما أدي لابني لقب حلو زي أنت أشطر واحد في المدرسة أو أنت شاااااااطر تبقى حاجة وحشة... هقولك: 1- إنه يا حبيبي بيفضل يعافر علشان يحتفظ باللقب حتى لو دا مش شغفه أو مكنش مصدر سعادة ليه... يمكن كان نفسه يلعب رياضة تانية بس خايف يفقد لقب البطل... يمكن نفسه ياخد شوية وقت علشان يرتاح أو يمارس هواية أو يتعلم مهارة و لكنه خايف يفقد لقب شاطر... احنا ببساطة بنسلسلهم و بنقتل أحيانا سعادتهم و إبداعهم. 2- الطفل هنا للأسف بيتعود يشوف نفسه من خلال عيون الآخرين و دا بيأثر على تقديره الذاتي لنفسه... يعني غالبا لو ملقاش المدح و الألقاب دا بعد كدة مش هيكون عنده أصلا أي حافز أو دافع داخلي إنه يكمل. 3- بيكون دايما مرتبط بالنتيحة و الكمال... مش بالمجهود و التعب... لو جاب 99% بيفكر دايما ال 1% دا راح فين... لو طلع الثاني في بطولة مبيفكرش إنه تعب و عمل مجهود يستحق السعادة و الفخر... بيفكر هو ليه أنا مبقتش الأول و هكذا. فبلاش ألقاب... بلاش تركيز على النتيجة بدون المجهود... خلي ولادنا ينموا و يطوروا في جو من التقبل و الحب و الحرية. أحيانا بنية كويسة بنأذي ولادنا... فاللهم أرزقني و إياكم العلم و الحكمة و التوفيق... |
رد: لا تصنع لقب لابنك
كتر خيركم شكرا لمجهودكم
|
رد: لا تصنع لقب لابنك
ااااااستفدت جداااااااااا:1 (23)::1 (23)::1 (23)::1 (23):
|
رد: لا تصنع لقب لابنك
شكراااا جزيلاااااااااااااا:1 (12)::1 (12)::1 (12)::1 (12)::1 (12):
|
رد: لا تصنع لقب لابنك
:29::29::29::1 (12)::1 (12)::1 (12):
|
رد: لا تصنع لقب لابنك
:1 (44)::1 (44)::1 (44)::1 (44):
|
رد: لا تصنع لقب لابنك
:1 (12)::1 (12)::1 (12)::1 (12)::1 (12):
|
رد: لا تصنع لقب لابنك
بارك الله فيكم جميعااا
|
رد: لا تصنع لقب لابنك
:1 (12)::1 (44)::29::1 (12)::1 (44):
|
رد: لا تصنع لقب لابنك
شكراا لتعبكم ومجهودكم الراااائع:1 (12)::1 (12)::1 (12):
|
All times are GMT +3. The time now is 04:14 PM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا