منتديات كلك غلا - ودي أفعل .. لكن الله يفعل ما يريد

غاسل" كفي من مصافحة
بعض اليدين
وقافل" بوجيه .. أهلها
صناديق البريد
وشايف"شي" .. لي أعوام
مالي فيه عين
وقاطع" خيط ال هقاوي
بسكين الوكيد
وخالص" من طيب .. ظن"
موهقني سنين
وظاهر" لي .. عقب عرف
العرب عقل" جديد
وطايح" من عيني رجل"
عندي كان وين
وحاقر" من هو .. يقيس
الأوادم بالرصيد
ومحتمي .. من غدر الأصحاب
في حصن" حصين
ولابس" لرماح .. الأقراب
ثوب" من حديد
وماضين مني .. على اللي
تمشيني يمين
ماتجي من هو قريب" وإن
إحتجته بعيد
المواقف .. تشغل الناس
والطيّب يبين
كل عام يطيح تسعه ! ويصفى لي
وحيد
أشهد .. إن خير المدارس
تجارب الأولين
وأشهد إن راي التجارب هو
الراي السديد
وأشهد إني للبلاوي .. على
الدنيا مدين
كل ماراجعت نفسي ! طلعت
المستفيد
وأنت ياللي عقبك | الزين |
بين البيض شين
مستحيل يطوفك الشعر وأنت
أصل القصيد
القصيدة .. في عيوني بدونك
ماتزين
لازم إن أجيب | طاريك |
ياملح النشيد
أنت ياللي من بطين الفؤاد
إلى الأذين
والله إن حبك .. مع الوقت
ماينقص | يزيد |
في غيابك لك | محبة | ولك
شوق وونين
وفي حضورك .. شف عيوني
كلامي مايفيد
أقهر الضيقة بذكراك .. من
حين" لحين
وأنثر دموعي على الوصل
من عيد" لعيد
لك غلا سبحان ربي .. ملى
الدنيا حنين
ولك وفا سبحان ربي ماكن
في الكون غيد
شف مكانك في مكان"
عن العالم دفين
في مكان" من ورى مثل
عيدان الجريد
مكرم" حبك وله في الحشا
سمن وسمين
يقدع من الحال وأصب له
بن الوريد
إفتضحت من الهواجيس بك!
في المسلمين
كل من سولف علي قلت : له
وش قلت ؟ عيد
الهوى سجن العشاشيق وأنا
لك سجين
وودي إن سجني مؤبد ! ولي
حارس وقيد
عزتي لي من فراقك ! عسى
ربي يعين
أدري إنه في طريقي ولو :
وصلك مديد
صابر" غصب" ورى الخشم لو :
جرحي مكين
ودي أفعل .. لكن الله يفعل
ما يريد