منتديات كلك غلا - قصيده هلا بالحب

هلا بالحب وغصون الزهر والعشق وريح الورد
هلا بالنور لا غطى شعاعه ظلمة أيامي

هلا يا روعة الصورة شمس الأمس ونور الغد
هلا باللي يعلق على كفه سبحة احلامي

هلا باللي ينافسني على حبه هيام الود
هلا باللي يوصلني غلاه لذروة هيامي

هلا باللي يدفيني بصوته في ليالي البرد
هلاباللي برعشة صوت عذره تركد اعظامي

هلا بالبسمة اللي في طعمها مثل طعم الشهد
هلا بالمورد اللي من زلاله يروي الظامي

هلا باللي سكب دمعي وعلمني هواه السهد
ينام اللي سلا قلبه وجفن العين ما نامي

هلا بالطيب اللي والله اني أعشقه من جد
هلا يا نور عيني يا دواي وبلسم آلامي

هلا بأغلى الهدايا اللي من الرحمن لي تنمد
هلا باللي عيونه هي قصيدي و مصدر الهامي

هلاباللي غلاه بخافقي بين جزر ومد
خفوقي ساحل وعشقه بحر بالشوق مترامي

أهلي به عدد ما اشتقت له والشوق ما ينعد
بقلبي في غيابه كي