منتديات كلك غلا - علاج الطفش للبنات وربي ارحمهم

وهـــــــــــذي خمسين طريقة لعلاج الطفش لانكم يابنات تكسرون الخاطر كل شي لكم لا لا لا وعارف مليتوا وطفشتو وش نسوي هذا القدر وهذا المكتوب لكم .
والحين بكل روح رياضة اقروا وطبقواااااااااااااااااااااااااااا..وادعولي...

1-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة

2-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت الوالد وسجلوا صوت الهواشات وكل شيء..

3-روحوا السوبر ماركت وامسكوا العربية ودوروا فيها وصقعوا بخلق الله وقولوا :اووه آسفة مادريت

4-امسكي ريموت كونترول واحذفي كل المحطات من الرسيفر وارجعي حطيهم من جديد (هذا وجهي ان رجعتي منهم شي)

5-تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم..نص ساعة طبعا بوجود الجميع (مااحد يقدر يسويها)

6-امسكي منشفة وفكي الشبابيك ونظفيهم ...

7-سوي عصير برتقال واشربيه ؟؟؟

8-اذا زهقتي أحفظي دويتو لاي مطربين (مثلا محمد المازم وشيرن وجدي) وأجلسي أحفظيهم وبعدين كسري المسجل وغني الاغنية لحالك..وناسة

9-اقروا مجلة اطفال (ميكي وماجد)

10-البسي ملابس رجال ثوب وغترة وخفوا اهلكم !!

11-خذوا المسجل وسووا مكس لاغاني؟؟؟؟؟؟؟؟؟؟؟؟؟؟

12-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم ..

13-روحوا مواقع بطاقات وكاردات وارسلوا لصديقاتكم ..

14-لفي مسجات جوال ونكات ماسنجر..خذي مجلات فواصل وديوان خالد الفيصل وطلعي منه ابيات شعر تصلح نكااات للماسنجر واكتبيها بورقة..

15-ادخلي غرفتك وحطي مكياج كاامل كانك رايحة لعرس ولطخي وجهك تلطخ وتصوري ..حركة صح؟كخخخخخ

16-امسكي دفتر تلوين اطفال واقعدي لوني ...كخخخ

17-اذا زهقتي افتحي دولاب ملابسك واقعدي قيسي ملابسك بدلة ورا الثانية<< يمكن يجي الصبح ماخلصتي من كثرهم

18-روحي المطبخ سوي كيكة (هذا وجهي اذا احد اكلها)

19-سوي ايميل جديد واقعدي العبي على اللي تعرفينهم ..

20-تعلموا لغة غريبة..مثلا كلمات معنية باحد اللغات واقعدوا اكشخوا فيهم وتفلسفوا فيهم

21-اركبي السيارة وهي موقفة جوا البيت وكانك تسوقين ....

22- اطلعي الحوش ولا السطح وافرشيلك فرشة ونامي على ظهرك وتاملي النجوم واسترخييييييي وتاملي؟!؟!؟

23-اقعدي على الكومبيوتر وحوسيه زي العادة ..

24-اطلعي الحوش..وصيديلك حشرة لطيفة (عنكبوتة مثلا ) وحطيها بعلبة واقعدي راقبيها..بس لا تخلونها وقت طويل عشان ماتتعذب <<<والله من العطف عندكم يالبنات

25-خذي مجلات قديمة واقعدي قصقصي صور ولزقيها بلوحة (بتطلع المواااااهب)

26طلعوا حوشكم ..والعبي كورة..وكسري انوار البيت

27- روحوا منتدى ادلل وردوا على الحجاج

28-امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة

29-اطلعي وانزلي الدرج عشرين مرة .. منها تتمشين ومنها تنحفين<< ذبحتكم القعدة والفضاوة

30-افتحي نوتة التلفونات واختاري ارقام من العائلة ودقي عليهم وسوي حركة صلة رحم

31-رحوا منتدى عالم حواء والطخي كم طبخة وسويها عارفه مرح تضبط بس الحياة تجارب...

32-روحي وانبطحي على قناة سبيس تون فيها حكايات ومغامرات شيقة ولا قناة المجد منها تستفيدين وتفيدين..

33-روحو لمكتبة جيرانكم واقروا الكتب اللي عندهم سووو حركة ينعننا مثقفين..

34-روحوا للمووووووواقع اللي تعلم كيف تسوون منتدى لان ذي الايام اللي يبي يكشخ يكشخ بمنتداه..

35-تعلموااااااا السويش ولا الفوتوشوب يعني سو بطاقات تواقيع واكشخو فيهااااااا ولا اللي مهاراتها عالية تتعلم الهكر لان حتى البزارين متعلمينه..

36-حطوا انفسكم كبار ورحو لم جدكم ولا جدتكم وخلوهم يسولفون عليكم ايام زمان ايام روميو وجوليت ولا الذيب والغنم....منها توسعون صدوركم ومنها تجددون العلاقة بينكم وبينهم..

37-رحوا وسووووا جرد لملابسكم اللي ماتبونها حطوها بكيسه ثم ارسلوها الجميعه الخيريه(اذبحوني لو ارسلتووا لو حاجة وحده)....

38-خوذو السناره والصوف وسوووووواو مناشف ولا فساتين الصيف جاء ..ز

39- روحوا وهلوا كم دمعة على ابوكم وخذوا منه كم فلس وعلى امكم وعلى اخوانكم خوذو وانزلو سوق الحماااااام واشترو شروخ ونجوم الليل وصواريخ وقنابل...وانتم عارفين وش تصلحون فيها..

40-روحووووووو المستشفى وسو فحص كامل لكم منها تزينين سنونتس اللي كنها سنون عجوز ومنها تشفون الامراض اللي مصابين فيها عسى ربي يبلها بعدوينكم قولواا امين..

41-نظفووووووووووا غرفتكم حقت النوم انا حاسه فيكم شكلها مكركبة فوق تحت ولا غرفة عيال يعني منها تكون الغرفة نظيفة ومنها تكبرين بعين ابوتس يزوجتس..استانسي..

42-خوذوسيارة من اخوووانكم الصغار وزينوها يعني ظلليها ولا سويلها موقف منها تسلين وقتس ومنها تجددين العلاقة بينتس وبين اخوتس..

43-العبووووووو ببليستشن تو تراه يقولون زين بالمره واقعدوا وسعوا صدوركم وانصحكم العبو في درايفر لعبة سنعة..

44-دقي على صديقاتس وقولي لهم انكم تبون تتجمعون في ستار ستي ورحوا العبو وسعو صدوركم ولاتنسون دقوا علي..

45-رحوا لبيت الشعر اللي عندكم واقعدو فيه وتخيلو انفسكم انكم بالماضي بلا سيارات بلا تلفزيونات بلا عولمه وحاولوا انكم تكتبون وش تخيلتو يعني اكتبوا مثلا قصة بدوية يعني حركوا يدينكم وحاولوا تكتبون قصص وخواطر واشعار هالايام الحب أجلس أضحك أحسن..

46-روحو المشغل وحاولو انكم تغيرون شكلكم منها تطلعون حلوين ومنها تمشين الوقت..

47-اشتروا عصافير ولا ارانب واقعدوا اهتمو فيها اكلوها وشربوها والعبوا معاها..

48-روحوا لدليل الهاتف وطلعو اسم جااااااااركم اللي من زمان عنه ودقوا عليهم واسئلوا كم عندهم من ولد وكم من بنت منها تسمعون اخبار ومنها حركة..

49-خوذوا القرآن واقعدي اقري كم صفحة ولا كم اية الله بس يغفر لنا ويتوب علينا..

50-روحوا وافتحوا كل الدسكات اللي عندكم واللي ماتبونها سووو لها تهيئه من جديد منها حرام التبذير ومنها مضيعة للوقت..........

http://r25.imgfast.net/users/2511/11...iles/90976.png http://r25.imgfast.net/users/2511/11...iles/90976.png