منتديات كلك غلا - كلك غلا أطول قصة بالعالم

منتديات كلك غلا (https://www.klk-gla.com/vb/index.php)

- ๑۩۞۩๑ لـلأقـلأم الحـصريه ๑۩۞۩๑ (https://www.klk-gla.com/vb/forumdisplay.php?f=72)

- - كلك غلا أطول قصة بالعالم (https://www.klk-gla.com/vb/showthread.php?t=16976)

كلك غلا أطول قصة بالعالم

فكرة جديدة اعتقد انها لم تطرح في أي منتدى سعودي او خليجي او عربي او أي منتدى بالعالم.

فكرة تحتاج لتفاعل جميع أعضاء المنتدى

الموضوع ( قصة لاتنتهي )

راح أشرح لكم الفكرة بالتفصيل ..

الفكرة عبارة عن قصة يتشارك في كتابتها جميع أعضاء المنتدى .. كيف ؟؟

انا راح اكتب بداية القصة وكل شخص يحاول يضيف ويكمل القصة ..

مثال :

بداية القصة :

طلع فهد بسرعة من البيت ماسك عقالة بيده و شماغة على كتفه وركب سيارتة كان مستعجل كثيير رن جوالة وهو يسوق ..

فهد : هلا خالد .

خالد : فهد وينك تأخرت الاختبار راح يبدأ ؟؟

فهد : انا بالطريق دقايق وراح أكون عندك ..

خالد : اوكي باي .

..............

يدخل أي عضو ثاني يضيف جزء جديد للقصة .. <<< وهذه النقطة الحلوة والمهمة في الفكرة كيف ؟؟

راح أقولكم كيف

العضو/ة اللي راح يضيف الجزء الجديد للقصة ممكن يكون شخص يحب الأكشن ..

طبعا القصة من الخيال وما تمثل أي دولة وبهذا ممكن تصير مثل الافلام الاجنبية .

مثال :

بعد انهى فهد المكالمة زاد سرعته أكثر واكثر ومن زود السرعة والاستعجال قطع الاشارة !!

بعد ثانية وحدة بس كانت الدورية وراه .

فهد : لاحول هذا اللي ناقصني على الصبح ..

الدورية : وقف يا صاحب الكرولا .

فهد : اها بس الحقني للجامعة .

وبدت المطاردات وصاروا دوريتين وثلاث وأربع كلهم يحاولون يوقفون فهد .

..........

العضو/ة اللي بعده ممكن يكمل بنفس الاكشن وبنفس الفكرة

أو يكون شخص يحب يضيف جزء حزين

لما وصل فهد الجامعة نزل مسرع يحاول يلحق اختباره بس الدوريات وصلت ومسكوه فهد واضربوه وبعدها بدا احد العساكر يفتش فهد والباقين يفتشون سيارته ..

كان فهد يصرخ من الألم يصرخ على الأمل اللي ضاع قدام عينه وعد امه انه راح يتخرج ويكون مهندس كبير تفتخر فيه كان هذا اختبار قبول دخول الجامعة .

رن جوال فهد قام يتلفت يمين ويسار وهو يقول جوالي جوالي ..

مسك العسكري الجوال ناظر فيه وقال : من هو خالد ؟؟

فهد بألم : تكفى ابغى اكلمة

العسكري : تكلم من هو خالد ؟؟

فهد : ولد عمي بس تكفى ابغى اكلمه هو ينتظرني .

ابتسم العسكري وقفل الجوال !!

صرخ فهد بقوووة بأعلى صوووته : لاااااااااااااااااا

...............

العضوة أو العضو اللي بعده ممكن يكمل ويضيف جزء رومانسي ..

نوف كانت رايحة للاختبار وفجأة وقفت لما شافت فهد يبكي وينضرب ويصرخ حست بشي غريب كأنها تعرفه من قبل كان ودها تروح وتكلهم يتركونه لكنها خافت ماقدرت وبعد ما أخذو فهد معهم دخلت الجامعة و خلصت الاختبار .. كان باين ان في شي شاغل بالها ..

مسكتها سارة من كتفها وقالت : نوف وش فيك ؟؟

نوف : لا مافيني شي ؟

سارة : لي ساعة أكلمك وانتي ولا هنا !! تفكرين بالاختبار .

نوف هزت راسها : لا .

................

وش صار في فهد ؟؟ وش تفكر فيه نوف ؟؟ ومن هي سارة ؟؟ ووين خالد ؟؟

كل هذا راح نعرفه من الجزء اللي راح يكتبه العضو اللي بعده .. أو يمكن نعرف بعض من هذه الأشياء ..ويمكن مانعرف .. أو نعرف أشياء جديدة .

أصعب مافي الموضوع : ان بعض الاعضاء يمكن يتخوف وما يعرف كيف يكتب قصة ولكن المشاركة والمتابعة راح تفيد الكل وتطور من مستوى الكتابة المهم انك تحاول وتشارك ..

ملاحظات مهمة جدا :-

aهذا الموضوع للحوار والنقاش وتبادل الأفكار والتعليقات أما الموضوع الجديد سيكون بعنوان (( كلك غلا قصة لا تنتهي ((.. وفي موضوع القصة نضيف الأجزاء فقط بدون أي تعليقات لتكون لنا قصتنا اللتي أبدعناها بأنفسنا ..

bالقصة لا تنتهي ويمكن تستمر سنين وسنين بوجود بقايا حب أو بعدم وجوده لذا لا أحد يكتب جزء يموت فيه بطل القصة !!؟ بالعكس اتمنى تزيد الشخصيات وتتوسع القصة .

cكل جزء جديد يضاف للقصة ضروري يبدأ من حيث انتهى العضو اللي قبله لكي تكون القصة منسقة ومتواصلة الاحداث .

dالفترات تكون متقاربة مثلا واحد يكتب ( بعد ماصار فهد عمرة 50 سنة !! او بعد عشر سنين أو بعد سنة ) كل هذه مرفوضة فهي تضعف القصة ويصير التفكير بالنهاية أكثر .

لكن يمكن للعضو انه يكتب ( و بعد شهر صار كذا وكذا .... ) .

eالجزء ممكن يكون يكون قصير مثل اللي ذكرته لكم بالأمثلة ويمكن يكون أكثر من كذا بكثير للجميع الحق بالكتابة والاستمتاع .

f يجب أن لايضيف العضو جزئين متتاليين أو أجزاء متتالية بل يجب اعطاء فرصة للأعضاء للمشاركة واضافة احداث جديدة وأفكار جديدة .

fالتفكير والكتابة تكون لتطوير القصة وزيادة الاثارة و الاحداث أما النهاية انسوها نهائيا.

g ولكن لاتنسوا انها ستكون أطول قصة بالعالم وكذا يدخل منتدانا موسوعة جينس <<< هذا صعب وليس مستحيل نحتاج لبعض الجهد والتفكير والاستمتاع فقط .

* اذا احب أحد الأعضاء إضافة جزء جديد يجب أن يكتب هذه الجملة ( الجزء القادم بقلمي ) وبعدها ياخذ وقته الى يومين بالكثير حتى يضيف الجزء الجديد للقصة وفي هذه الفترة يجب على الاعضاء الانتظار وعدم إضافة أي جزء حتى مايكون تداخل في الأجزاء أو الأفكار . وبعد اليومين يحق لأي عضو ان يكتب نفس الجملة وبعدها يضيف الجزء الجديد .

l القصة راح تبدا بعد فترة قريبة بإذن الله استعدوا بأقلامكم وحماسكم ..

طلبات بسيطة :-

aاتمنى ان اجد تفاعل الأعضاء ومثل ماذكرت لكم بدونكم ستفشل الفكرة .

bاتمنى من الادارة تثبيت الموضوع والقصة لكي تكبر بيننا و تبقى سنين وسنين ذكرى للأعضاء و رمزا للزائرين بأننا منتدى فكر وإبداع لايتوقف .

يمكن تضاف بعض الملاحظات بوقت لاحق عموما أي شخص عنده استفسار أو سؤال أو اقتراح يتفضل وأنا حاضر

كلي أمل بتفاعلكم لكتابة أطول قصة بالعالم

حصريا لكلك غلا

بقلم : بقايا حب

تحياتي لكم

رد: كلك غلا أطول قصة بالعالم

فكره خراااافيه فريده من نوعهااا ليست مقصوره لاصحاب الاقلام بل تشمل كل من لديه احساس خيالي لنسج

تفاصيل خياليه ..من خلال فكرتك وطرحك المتفرد تنشط الاذهان والعقول وليس مستحيل مثل ماقلت النجاح ولكن هناك صعوبه وحلاوتها بصعوبتها

اضم خيالي وقلمي لبحر ابداعك ونسج خيالك وانتظر نقطة البدايه الحماااسيه لاكون معك في هذا العمل الدراامي الكوميدي الرومنسي العربي الاجنبي وربما تدخل في خلالها قصص منوعه اجتماعيه اسلاميه تاريخيه لانها دمج اقلام وشخصيات واذهان مختلفه

توكلنا على الله وبالله التوفيق

اختك

الوردهـ الخجوله

رد: كلك غلا أطول قصة بالعالم

أشكرك وردة على هذا الحضور المميز

و يسعدني تواجدك و بالتأكيد حضورك بالقصة سيكون إضافة رائعة

بس بخصوص اضافة جزء تاريخي !! أعتقد الأفضل تكون الأحداث جديدة ومن الزمن هذا وأكيد من خيالنا ..
ننتظر اضافاتك وروعة خيالك بالقريب العاجل ..
وكذلك باقي المبدعين الذين سوف ينظمون لكتابة القصة ..

تحياتي لك ..

رد: كلك غلا أطول قصة بالعالم

رووووووووووووووووعة فكرة خرااافية وجميلة أشكرك عليها ..
تم التثبيت لعيوووونك وتستااهل التقييم ..
راجع للقصة بس أبي أكون بد كم عضو ..
كل الشكر لك

رد: كلك غلا أطول قصة بالعالم

طرحك رائع >> الهمه الهمه

يسلمؤؤؤؤؤؤؤؤؤؤؤؤؤؤؤ

رد: كلك غلا أطول قصة بالعالم

بصرآآآحه الموضوع جدا جدا جدا

اعجبني معليك حتى اولادي راح يكملون

انا متحمس جدا لبدا القصه

متى تبدأ ان شاء الله

يعطيك العافية

رد: كلك غلا أطول قصة بالعالم

موضوع راقي ورائع

وقد يستفيد منه الكثير

لكي ينمو فكرة الكتابه والتعبير الحر

تسلم ايدياتك يالغالي على ماطرحك

وبنتظار البدايه

رد: كلك غلا أطول قصة بالعالم

تعبت الظلم واجحافك
العقيد
عطرك أنفاسي
القناص

حضوركم وتواجدكم هو الروووعة و حماسكم هو الأروع

وأشكر الإدارة على تثبيت الموضوع وأشكر اخوي تعبت على التقييم

وأكيد بتكون الأجزاء اللي راح تضيفونها مثيرة وخرااافية ومليئة بالاكشن والكوميديا ومفاجأتكم ..

بإذن الله القصة راح تبدا يوم الجمعة

وننتظر تفاعل و حماس باقي الاعضاء وتواجدهم قبل البداية ..

الهمة الهمة

تحياتي لكم جميعا ً

رد: كلك غلا أطول قصة بالعالم

بقايا حب
بصراحه يعجز قلمي ان يكتب عن اعجابي بطرحك وفكرتك الرائعه
يفخر منتدنا الغالي بوجودك ايها المبدع
واتوقع ان طرحك راح يكون له نجاح فريد من نوعه
وراح يتواجد اقلام جميع الاعضاء بمتصفحك
كلنا في شوق وانتظار يوم الجمعه لنري بدايه الابداع
تعلمت ارسم الفرحه
مر من هنا

رد: كلك غلا أطول قصة بالعالم

تعلمت أرسم الفرحة

أشكرك على تواجدك وحضورك المميز دائما

والحقيقة تواجدي بين أعضاء مميزين ورائعين مثلكم هو مايدفعني لتقديم الأفضل ..

وان شاء الله يوم الجمعة نستمتع بإبداعك وإبداعات جميع الأعضاء ..

تحياتي لك ..

رد: كلك غلا أطول قصة بالعالم

نعم طرح فريد من نوووعه
قصه خيااليه ينسجها كل من يهيم بعالم الخيااااال
وتعدد ابطالها بتعدد المشاركين في كتابتها
حتى تكون ما لا نهااايه
فكره راايقة لي كثرآ
تسلم الايااااادي
ابدعت بمااا طرحك
لك اطيب الاماااني

رد: كلك غلا أطول قصة بالعالم

شامخة بكل حالاتي

يسعدني حضورك وتواجدك معنا
وأشكرك على كلماتك وتشجيعك للفكرة ,,

سننتظر أفكارك و روعة خيالك في اضافاتك ولمساتك للقصة ..

تحياتي لك ..

رد: كلك غلا أطول قصة بالعالم

بقإأيأ حب ..

فكره تعدت مستؤؤى إألذؤؤق ؤ إألفكر , ؤ بصمه جيده لهذإأ إألمنتدى ,

ؤ بدإأية مؤفقه لك ؤ للجميع , ؤ ننتظر إأبدإأع إألمعبرين ؤ إأحإأؤل إألمشإأركه بمإأ إأستطيع ,

لك فإأئق لإأحترإأمي ؤ ؤدي ..

دعإأني إألشؤؤق~ْ

رد: كلك غلا أطول قصة بالعالم

دعاني الشوق

أشكرك على هذه الكلمات وعلى حضورك المميز ..

وبالتأكيد سننتظر حضورك بالقصة وما ستفاجئينا به من أحداث ومواقف ..

تحياتي لك ..

رد: كلك غلا أطول قصة بالعالم

تسلم الايادي بقايا حب

الفكرة راائعة جداً

وبنتظار البدء

رد: كلك غلا أطول قصة بالعالم

بقاياا حب ..

أصخبني مطر قلمك ..

ويخزي العين ..

إنتظر خرافااتي ههههه

إعتناائي
لك
^_^

رد: كلك غلا أطول قصة بالعالم

أمير بطبعي

عطر حبيبي

يسعدني أن الفكرة أعجبتكم وأشكركم على حضوركم ..

بالتأكيد أقلامكم المميزة ستضيف المتعة للقصة و ترسم لنا معاني جميلة ..

سننتظر ابداعاتكم

تحياتي لكم

رد: كلك غلا أطول قصة بالعالم

الوردة الخجولة
الحلا كلهــ

أشكركم على تفاعلكم السريع مع القصة
و الأجزاء اللي ضفتوها رووعة
وبداية حلوة

يعطيكم ألف عافية ..

يلا الهمة نبغى أحد يشوف لنا فهد وسيارته وش صار فيهم ؟؟

تحياتي للجميع ..

رد: كلك غلا أطول قصة بالعالم

طرح ولا ارؤع ..

اتمنى التفاعل ..

كل الشكر بقايا حب ع الطرح الرائع ..

رد: كلك غلا أطول قصة بالعالم

طرح ولا ارؤع ..

اتمنى التفاعل ..

كل الشكر بقايا حب ع الطرح الرائع ..

رد: كلك غلا أطول قصة بالعالم

أنفاس الورد

اشكرك على مرورك وحضورك

اكيد ننتظر حضورك بالقصة ولنستمتع بابداع قلمك ..

تحياتي لك ..

رد: كلك غلا أطول قصة بالعالم

الله يهديك كثرت في الشرح

كان قلت كل واحد يكمل القصه وخلاص :xd:

رد: كلك غلا أطول قصة بالعالم

المهم راح اكمل لكم القصه

بسم الله الرحمن الرحيم

بعد أن أخذ العسكري فهد للقسم:arf:

اراد أن يحجزه لمدة اسبوع

فبدا فهد يترجا العسكري الله يعافيك خله اخر مره :cry:

لاكن العسكري : رفض وقاله تدري إنك بغيت تموت واحد في قطعك للإشاره :1 (23):

قاله العسكري خذ التليفون كلم على اهلك وعلمهم إنك عندنا

أخذ فهد التليفون : كلم على خالد وخالد توه مخلص الاختبار

فهد: هلا خالد

خالد : وينك ليش ماجيت للاختبار

فهد : اعلمك بعدين تعال للمرور بسرعه

خالد ::طيب جاي جاي

جاء خالد وش اسالفه

العسكري : أخوك قاطع الاشاره

خالد : لا هذا ولد عمي

العسكري : اخوك ولد عمك المهم ترانا بنحجزه عندنا قل لاهله :1 (36):

خالد يحاول في العسكري:: يابن الحلال مشه هالمره

العسكري : رح لا احطك معه :yipi:

دخل الضابط دق العسكري التحيه العسكريه :1 (49):

الضابط :: وش السالفه صوتكم واصل عندي خير :1 (33):

العسكري : لاهذا قاطع اشاره وهذا ولد عمه مو راضي يخليني احجزه

الضابط : خلاص احجزه معه

خالد ::gasp: لا والله مو قصة إني رافض لاكن فهد عنده اختبار بكره

الضابط : ياعسكري عطه مخالفه واحجز سيارته وخله يروح لاتحجزه

العسكري : حاضر سيدي

فهد: طيب كيف اروح للجامعه

الضابط : روح على رجليك احمد ربك إني ماحجزتك معه

المهم طلع فهد بعد أن فاته الاختبار وأخذ قسيمه 900 ريال

وسيارته محجوزه عند المرور

وداه خالد للبيت

بعد ساعه دق عليه خالد

خالد : هلا فهد

فهد : هلا فيك

خالد : طلعت مكافاه

فهد : والله

طلع فهد واخذ الصرافه وسدد بالمكافاه المخالفه على شان ماتدببل

الباقي كملوه انتم

رد: كلك غلا أطول قصة بالعالم

مدرعم :1 (35):

الله يهدينا وياك يالغالي ..

الموضوع هذا للشرح فقط لهذا السبب كان الشرح طوويل . وقصة فهد كانت مثال عشان توصل الفكرة.

ياليت تقرأ الملاحظات اللي بأول هذا الموضوع , وبعدها تقرأ موضوع ((كلك غلا قصة لا تنتهي)) بتلاقي القصة اللي اشتغلنا عليها انا والاعضاء وبعدها شاركنا هناك إذا حبيت ..

مدرعم تشرفت بتواجدك
وأشكرك على حماسك وإضافتك ,,

تحياتي لك ..

رد: كلك غلا أطول قصة بالعالم

اسف

وأنا من اليوم وأنا أكتب :1 (22):

رد: كلك غلا أطول قصة بالعالم

بالعكس تشرفت بوجودك و مافي داعي للأسف يالغالي ,,

وان شاء الله نشوف إبداعك ويكون حضورك اضافة رائعة للقصة وللمنتدى ..

تحياتي لك ,,