منتديات كلك غلا - الشاطر يلي من الأيام يتعلم

سلّم ورد النظر بعيون ذباحة
وارتاحت العين له من يوم ما سلم

إرتاح قلبي وأنا حسيت بالراحة
من قبل أرد السلام وقبل نتكلم

حيا الله اللي عتق قلبي من جراحه
لبيه يا رمش عينه كل ما سلهم

نفسي لقت فيك راحتها ومرتاحة
لو شلت من زود حبي لك ثقيل الهم

يا فرحة اللي شكى من قلة أفراحه
عطني من الحب جانب قبل ما تندم

ملامح الشوق عند الناس فضاحه
والصمت نار وكلام الناس مايرحم

يا شمعة العمر يا ضيه ومصباحه
مليت صمت وهواجيس وظنون وهم

وبحر وعيون وسهر ونجوم سباحة

وإحساس يرجع ورا وإحساس يتقدم

الحب بيني وبينك هل مسباحه
والشوق موعد عيونك واللقا ماتم

خسارة القلب في الدنيا من أرباحه
والشاطر يلي من الأيام يتعلم

القلب باب وقفل والعين مفتاحه
قدام عينك شعور الصمت يتكلم

هم بعرض السما يا طول مرواحه
وجرح بعطر الوفا لكن بلون الدم

من حس بإحساس قلبي والعزا باحه
عساه من جنة الرحمن مايحرم

/

\

منقول